和味館 (已結業)

今日lunch同同事去飲茶，多啲人可以叫唔同點心。呢度地方夠大，坐落唔洗迫住又乾淨，大大加分。飲茶蝦餃燒賣實叫啦，每樣四粒啱啱好分比四個人。蝦餃好大粒，外面腸粉皮好薄，入面蝦肉好新鮮好彈牙。原籠馬拉糕圓型咁，完完整整，又香又甜。臘味蘿蔔糕好香蘿蔔味，夠滑而且外面煎得脆脆地，好食！叉燒紅卜卜好新鮮好juicy，唔會太肥又香甜，好快已經比同事搶晒嚟食。煎釀虎皮椒用青椒包住細滑既魚肉，青椒同魚肉夾埋口感豐富，一開頭食到青椒味，食食下青椒既辣先慢慢出，好有層次感。