通常我食嘢都會Check下食評，所以好少中伏，見呢間餐廳岩岩新開張，門面又幾靚就試下啦，點知瀨曬嘢。我地一行個人，叫左3份主食，3份小食，竟然無一樣係好食，仲要好一般。首先係紅燒牛肉麵同麻辣牛肉麵，麵底唔係手工麵，係即食亁燥刀削麵，先唔講佢份量少得可憐，同價位唔相稱，最差係佢湯底，味道無層次，真係咸到腎虧，飲左幾杯水都搞唔掂！跟住到個三小碗（柯仔麵線、滷肉飯、鹽酥雞）柯仔麵難食到我淨係左兩啖、成兜都喺麵，乜味都無，湯底勁少又勁水、口感好差，蠔仔係腥嘅。鹽酥雞味道口感都一般般，但最致命，喺外皮竟然係腍嘅，到底點樣可以炸到層皮係腍…滷肉飯豬油係幾香，但無乜味。台灣腸拼盤，又係好難理解點解可以整得唔好食，正常食台灣腸都係腸衣香脆，肉質實淨多汁，但呢度又係腍曬….柯仔煎叫叫正路少少，但醬汁又係乜味都無...另外，肉鬆芋泥蛋餅好多蛋黃醬...蓋過曬其他味...…查看更多
有朋友喺英國返嚟想聚一聚，見到呢間餐廳係由音樂人開，現場有專業音樂設備，好奇決定試試，餐廳環境好有懷舊舞廳嘅感覺，加上現場高質嘅音樂，好有氣氛。Fish and Chips $168魚肉係用東星斑，所以食落肉質實淨彈牙，又多汁滑嫩，炸漿炸到好脆同亁身，食完成份都唔會覺得油膩，薯條都好好食，連埋薯皮炸特別香。香港仔海鮮意大利粉 $188幾有趣嘅一道意粉，醬汁係由甜椒同黑椒調配而成，味道好有港式風味，海鮮多到擺滿成個碟，硯好鮮甜！香蒜芝士牛油燒蠔 $128單睇個樣都已經流曬口水啦，燒得好靚，蠔大大隻又無焗唔縮曬水，而芝士又帶有焦香，各樣調味都好平衡。無酒精飲品 $68Cucumber Ale 先會飲到檸檬嘅酸味，然後會有青瓜嘅清爽，最後帶薄河嘅香味，好清爽嘅感覺。Virgin Colada 菠蘿汁加椰子奶，飲落酸酸甜甜咁，好開胃。…查看更多
雖然有個立字，唔洗擔心喺立食，喺有得坐嘅🤣，話說自己剛剛去完日本食左兩間都算人氣嘅壽司，但都唔係好喜歡，因為兩間嘅壽司都傾向細舊同刺身都切得薄，食得好唔滿足。而今次呢間壽司就正正相反，壽司大大件，刺身亦都切得厚，連薄身嘅炙燒左口魚都特登放兩層魚，令到醋飯同配料嘅比例剛剛好，食落口非常滿足，可以完整品嚐出壽司配料嘅味道同口感，有足夠時間可以喺口中感受件大拖羅同醋飯嘅融合。我今次分別單點左 大拖羅 中拖羅 三文魚 牡丹蝦 三文魚籽軍艦 海膽軍艦 炙燒牛油蝦 炙燒左口魚 炙燒三文魚腩 鰻魚 同 蝦頭味增湯 一共11品埋單都只需要$340，性價比真係非常高！…查看更多
東涌喜來登酒店附近有好多靚餐廳，今次就揀左間望到海景嘅美式酒吧扒房，餐廳環境優美，座位舒適闊落，間時仲有現場樂隊。Weekend Brunch $248超抵食有3道菜嘅Set，前菜可選沙律、麵包或班尼迪蛋，我就揀左班尼迪蛋，荷蘭醬調得唔錯，酸度適中，濃厚香滑。跟住主食就揀左青醬手工意粉，青醬係新鮮製作，意粉口感都好好，入面仲有D 蘆筍同紅椒增加口感同味道嘅層次，最後個甜品都好好食，雖然係焦糖拖肥，但唔會太甜。The American BLT $188美國牛肉漢堡，漢堡包食落香軟，漢堡扒又厚又多汁，薯條都好食，外脆內軟。…查看更多
話說小弟咁大個仔都未落過老蘭，今日為咗食而初出茅廬。呢間餐廳位於大館隔離，坐係窗邊位可以欣賞到隔離嘅舊香港英式建築，餐廳本身的環境同設計亦很雅緻。餐前麵包外脆內軟，口感唔喺平時食開嘅麵包咁，似食緊外皮好脆嘅厚身薄撐，帶蒜香百里香，有特式而且好好食嘅餐前包。水牛芝士配羅勒青醬 $158水牛芝士柔軟得嚟濃郁，青醬亦充滿香氣，用法包將芝士、青醬同蕃茄一次放入口，即刻打開曬味蕾同嗅覺，喺個唔錯嘅前菜。阿根廷烤肉眼扒 $398呀根廷名菜之一就喺佢地嘅烤肉，呢度標榜用嘅係30日熟成嘅阿根廷草飼牛，雖然脂肪較少但經過熟成一個月，牛扒食落一樣充滿牛味同肉質軟嫩，另外，阿根廷烤肉另一特式喺會配醬，而呢間餐廳就有6款醬任你點。黑松露香草薯蓉 $88保留到主角薯仔嘅香味同甜味，唔會感覺好重牛油同忌廉，黑松露味道嘅點綴得剛剛好，唔會太搶，輕輕地增加味道嘅層次。菠菜芝士意大利餃 $198如果你中意白醬同芝士，呢個配搭岩曬你，味道濃郁，意餃餡皮比例不錯，份量都唔少，但食曬都唔會覺得膩。西班牙油條配焦糖醬 $78新鮮炸起，外皮酥脆但內裹軟糯，帶微微肉桂味，配焦糖醬都好夾，味道唔會太甜。…查看更多
如果想搵一間中價位又有氣氛嘅西餐，呢間喺銀城廣場嘅餐廳喺唔錯嘅選擇。食物有特式得嚟，價錢都親民，而且餐廳環境仲幾靚。白咖喱豬扒定食 $168想食白咖喱唔喺得沙嗲王可以揀，呢度都有！豬扒唔柴唔難咬，咖喱充滿香茅香味，定食仲包左幾隻硯同蔬菜。喇沙帆立貝意粉 $158第一次見呢個組合，帆立貝大大隻好厚肉，意粉正常發揮，醬夠掛汁帶椰香，重口味人士必選。威靈頓春卷 $118又喺第一次見嘅菜式，威靈頓牛扒嘅簡易版，牛柳熟度剛剛好，中間配嘅喺芝士醬，食落幾得意。…查看更多
餐廳有吧台、室內同室外三個區域，職員會用心介紹Cocktail同菜式。日式前菜拼盤 $128有我喜歡嘅雞泡魚亁，份量好有誠意，有咬口得嚟唔會太硬。明太子配青瓜意外地幾夾，中間係芝士同酒盜，即係醬料醃漬嘅海鮮，下酒一流。避風塘薯條 $58睇樣都覺得吸引，薯條外脆內軟，炸蒜夠酥夠香夠惹味，但喺唔會過咸。意大利雲吞配白松露油雜菇醬 $108肚仔餓都唔洗擔心，呢度都有提供主食， 醬汁黏稠度同調味都剛剛好，唔會覺得膩。蒜蓉花椒凍蝦仁 $68蝦仁肉質爽滑彈牙，味道椒椒麻麻配搭蝦仁嘅鮮味幾得意。紅豆(cocktail) $98用Vodka、焙茶、紅豆蓉等調配以成，飲落帶紅豆嘅清香，估唔到紅豆同酒可以咁夾。蛋撻(cocktail) $98以冧酒、蛋白、蛋黃、雲哩拿等調配以成，面層泡沫一齊飲，入口非常純滑，真係有少少蛋撻嘅感覺。…查看更多
今次幫襯呢間日本餐廳有提供晚市定食套餐，價錢親民之餘仲有好多種類選擇，大食嘅朋友仲可以加配小食。龍蝦海鮮蕃茄煲 配烏冬 $258主角龍蝦肉質仍然實淨彈牙，而且有我中意嘅蝦膏，其他海鮮都非常足料，有大硯、魷魚、章魚等等。冬天食呢個鍋，個人即刻暖笠笠，健康又唔洗怕肥，非常適合女士。火炙蝶魚裙邊海膽丼 $168海膽超有驚喜，餐廳用左兩款海膽，兩款食落都好鮮甜，口感綿滑而濃郁，份量仲唔少，估唔到呢個錢食到咁好食嘅海膽。至於火炙蝶魚裙邊配白飯，本身呢個組合已經無得輸，D 魚油加魚子配埋日本米，享受！芝士年糕 $28可以加配兩件，食落都唔錯，外脆內軟亦有芝士味。…查看更多
雖然喺間酒吧，但食物質素卻意外地好，而且份量都唔少，每碟菜式都見到好細心嘅擺盤，製作亦很用心。西班牙墨汁海鮮飯 $298 份量足夠兩個人食，米飯熟度剛好，唔會太腍或太硬，墨魚汁調味都好好，唔會過咸又唔膩，海鮮好有誠意同新鮮，有特別用火槍燒過，令到D大硯嘅鮮味更加特出。推薦！西班牙青椒仔 $68食西班牙菜點可以少得青椒仔，完全有喺之前西班牙食過嘅風味，食唔停！馬薩拉炸雞髀仔 $88印度風味嘅炸雞，唔好以為同M 牌脆香雞翼差唔多，完全係第2個層次，雞肉非常嫩滑多汁，外皮又香又脆，雞脾上面有酸酸甜甜嘅薄荷醬，令到炸雞嘅味道更有層次。西班牙豬、牛迷你漢堡 $88豬漢堡同牛漢堡都好味，咬落口充滿肉汁，中間夾左層脆豬皮，令到漢堡嘅口感幾有趣。…查看更多
觀塘工廈一向都隱藏咗唔少靚餐廳，今日試呢間地方闊落又好有氣氛嘅Cafe，裝修靚得嚟仲有間小包廂，倆口子或者一大班人都適合。黑松露雜菌意粉 $118意粉軟硬程度適中，醬汁濃稠度剛剛好，一上菜已經聞到黑松露嘅香味，加配咗杯Latte 都幾好飲。明太子大蝦燴飯 $128大蝦肉質實淨彈牙，飯唔會煮得太腍，食落口滿滿嘅明太子。原味疏乎厘班戟 $98班戟夠挺身，口感係傾向蛋糕嘅質地，唔會覺得食緊空氣，配醬唔會太甜。士多啤梨芝士麻糬樹頭蛋糕 $78期間限定，好得意嘅聖誕甜品，外層朱古力幾好食，內餡有好大粒麻糬。…查看更多
餐廳座位寛敞，職員服務態度又好，可以舒舒服服地食餐飯。咖喱炒軟殼蟹 $208喺呢度食軟殼蟹唔使爭，因為一碟有成6大件(半隻) 蟹，仲要每隻都啖啖肉。蟹炸得夠亁身，唔會咬落成口油，連配菜亦非常好食，唔會有草青味，問侍應原來係用雞湯煮過，咖喱醬好濃郁，配白飯薄餅一流。（叫薄餅本身都會送一份咖喱醬）泰式生蝦刺身 $128生蝦夠鮮甜，肉質實淨，配埋蒜片辣椒同佢嘅醬汁，酸酸辣辣，開胃之選。泰式串燒雞 $48燒得唔錯，唔會過亁，而且算大串，配埋個花生醬，味道咸咸甜甜。椰子雪糕糯米飯 $88熱糯米配椰子雪糕，食落口冷熱交加，雪糕質地柔滑，糯米粘粘糯糯，配埋個椰肉實在不得了，椰子控必試。蜂蜜香茅水 $54非常多香茅，沉得越耐香矛咪越出，味道清新。…查看更多
真心推薦！新開張嘅外賣小店，老闆好隨和同用心製作，食物高質，但價錢卻十分親民，開張無耐就已經有唔少街坊幫襯。台式牛肉沙茶醬意粉 $68牛肉好厚身，食落同平時嘅台式牛肉唔同，非常軟腍而且仲有肉汁，問問老闆原來係慢煮左十幾個鐘，真係好好食！意粉熟度剛剛好，配沙茶醬都好夾，唔會太咸，連旁邊嘅配菜都有特登烹煮過，非常用心，好食過好多出名嘅台灣餐廳，性價比超高。香蔥牛肉醬油膏蛋餅 $34食第一啖已經比佢嘅醬油膏驚艷咗，好香同味道好有層次，原來老闆係自己炒嘅醬油膏，平時街邊個D死咸嘅醬油膏完全無得比。再食多兩啖發現，牛肉碎都唔簡單，唔係普通碎牛，係用靚牛肉切碎，仲清晰見到牛肉嘅雪花紋同食得出牛味，推薦！…查看更多
