Hans Bar and Restaurant

营业中

休息中

餐厅有吧台、室内同室外三个区域，职员会用心介绍Cocktail同菜式。日式前菜拼盘 $128有我喜欢嘅鸡泡鱼亁，份量好有诚意，有咬口得嚟唔会太硬。明太子配青瓜意外地几夹，中间系芝士同酒盗，即系酱料腌渍嘅海鲜，下酒一流。避风塘薯条 $58睇样都觉得吸引，薯条外脆内软，炸蒜够酥够香够惹味，但喺唔会过咸。意大利云吞配白松露油杂菇酱 $108肚仔饿都唔洗担心，呢度都有提供主食， 酱汁黏稠度同调味都刚刚好，唔会觉得腻。蒜蓉花椒冻虾仁 $68虾仁肉质爽滑弹牙，味道椒椒麻麻配搭虾仁嘅鲜味几得意。红豆(cocktail) $98用Vodka、焙茶、红豆蓉等调配以成，饮落带红豆嘅清香，估唔到红豆同酒可以咁夹。蛋挞(cocktail) $98以冧酒、蛋白、蛋黄、云哩拿等调配以成，面层泡沫一齐饮，入口非常纯滑，真系有少少蛋挞嘅感觉。