siu chi 2's Profile

今天早上和友人去飲茶。進入酒樓後侍應態度散漫，招待欠佳。侍應安排跟近走廊的座位，但酒樓有很多吉枱，我哋跟侍應要求換枱，想要窗邊果張，侍應話有人預約。於是我哋要求另一張唔近走廊廁所的細枱。然後侍應話未執，於是我哋話可以等佢慢慢執。跟住佢就叫我哋出去門口等。語氣好差，好似我哋欠佢咁。我哋望向窗邊位置，見到一張6-8人窗邊枱竟然係俾一位老人家坐，侍應同老人家有講有笑，好明顯主要照顧熟客。坐低左，招呼的另一位侍應服務態度都幾正常。我哋叫左以下食物。燒賣係特點，$36一籠，味道無咩特別，不過好咸。鳳爪味道正常。黑金奶皇流沙包就好味。牛肉腸都唔錯。呢個小點價錢，算抵鮮蝦菜苗餃個皮好薄，送上黎已經有2隻係爛左。蟹肉烏冬$138。烏冬個味道清淡、唔錯，蟹肉未係拆得好乾淨，有少少渣。整體食物味道退步，門口帶位服務態度差。其他傳菜姐姐、執台姐姐都有禮，服務得唔錯。收銀阿姐態度都麻麻，在我哋面前罵幫我哋埋單個阿姐，叫佢去做其他嘢。其實我覺得照顧年老熟客係正常合理，但係無視新客的要求，又點會有人再幫襯。門口幾粒老鼠屎已經壞左成煲粥，食客好難挽回好感。同埋整體感覺唔良好，員工語帶悔氣，表面黑口黑面，整體感覺唔和諧。比幾百蚊飲茶，我唔係淨要食美食，都要講求良好服務。坐左成個鐘，侍應執走食完的碗碟時，見到壺茶無水都唔會問你加唔加水，想你快快食完走人。2個人食左$340。最慘係...呢餐茶要比加一服務費，真係比錢受氣。某d員工對答唔禮貌，建議管理層多加培訓員工，否則明明食物水平ok，都比呢班咁既員工趕走d客。再次唔會再幫襯，未食已經一肚氣，食完都唔消化。…Read More

今天和友人相約在桔梗用膳。這次是我們第一次來這間店，之前擔心過會否太多人要排隊，12:30到達後發現餐廳還有位，實在幸運。我們選了窗邊的4人位置坐下，位置寬闊，十分舒適。餐廳的裝潢設計走文青風格，配合木製傢俬，感覺舒適。我們點了兩款套餐：all day breakfast和龍蝦意粉。套餐包括飲品，各點了latte 和cappuccino 。All day breakfast的份量很多，沙律菜新鮮爽口，煙肉略煎，不會太咸，冬菇多汁。牛角包本已切開，拿起一半，有煙冒出，熱辣辣的，中間塗了牛油。吃了一口，外皮鬆脆，內裏香軟，十分驚喜。龍蝦哥哥意粉，龍蝦肉吃上去是新鮮的，可惜肉質有點乾。意粉的軟硬度適中，配以甜中帶點辣的番茄汁，十分開胃。latte的拉花很漂亮，是一隻天鵝。味道也不錯，奶較多。cappuccino 是友人的，我沒有品嘗，拉花也不錯。員工很友善，我們點餐完才決定飲品後上。員工幫忙通知水吧，可惜已經到了一杯。員工體貼地表示可以雖然已經上了，但可以先收回，用餐後才上。我們見已上了，就表示沒有關係，可以先喝一杯，另一杯後上。員工願意協助的心很好，值得一讚。整體來說，環境、食物和員工都很不錯。我們用膳完備後，繼續談天，逗留了大概2個小時。雖然不斷有顧客在等位子，但員工沒有催促離開，能夠尊重客人。下次會再光顧！這間店還推出了自家月餅，要試一試！…Read More

今天和友人去西貢，中午時段，想找個地方吃東西，看到openrice介紹好像不錯，決定一試。到達店舖，有個熱情的阿姨招呼我們進店內吃飯。我們進去對面鋪位坐下，店內沒甚麼裝潢，應該是多客人，才租用作用膳的鋪位。餐牌只有幾個餐，我們選了普通的海南雞飯餐和滷水蹄飯餐，飯餐跟湯，都要$52一個餐。飯餐送上後，我們有點失望，因為雞肉實在太少。然後看一看隔壁桌，點了二人餐$176的，份量則較多。因此，可以的話，建議選二人餐會較好。油飯的香氣十足，有乾蔥在裏面，吃上去香而不油。雞肉是嫩的，但雞胸部分較乾，而且有雞皮的雞肉都很薄，份量很少。而另一個飯滷水蹄飯則大失所望，皮的部分軟軟的還好，但肉質很乾、很硬，不好吃。可能剛巧選了不好的部分給我們吧！南瓜湯好喝，屬於中式老水湯類。店外不斷見到很多人買外賣雞肉，可見雞肉是好吃的。可是，個人覺得，飯餐的雞肉太少，而滷水蹄飯餐也不好吃，只有飯和南瓜湯較好。如果真的要吃，建議選二人餐，因為與飯餐差太遠，感覺不良好。下次來西貢不會再吃。…Read More

今天去了行山，行完到荃灣已經是下午4:30。剛巧看到這間店，決定試一次。現在正是下午茶的時間，看了餐單，覺得茶餐雖平，但沒有日本的特色。最後叫了兩個午餐。我和友人分別點了炭燒鳥丼和厚燒牛舌丼的午餐。午餐除了丼飯，還包括一杯飲品和一粒大福甜品。厚燒牛舌丼的牛舌軟嫩、多汁，厚燒醬汁甜甜的，十分美味。紅薑配上牛舌，十分搭配。該店採用日本米，日本米煙韌，配上些少厚燒牛舌的醬汁，恰到好處，令人可以吃完一整碗。至於炭燒鳥丼，雞肉切成條狀，燒得時間太長，肉質較乾、太老，有將塊更焦黑。醬汁是美味的，可惜了雞肉。若能將雞肉改為雞排，相信必能鎖住肉汁，肉質不至於如此乾柴。甜品大福很美味，加分。這間店舖主打日式食物，餐廳座位舒服。可惜下午茶的茶餐卻沒有日本特色，是一般香港下午茶餐廳會吃到的食物。方包、腸仔、雞翼、沙爹牛肉......餐牌太令人失望。既然要主打日本風，下午茶餐應該加入日本的元素，可以加入章魚小丸子、大阪燒、紅豆餅、日式炒麵等等。希望可以真的徹底改變成日本風格，這樣才真正能吸引客人光顧。…Read More

今天和友人一起在大角咀附近，想嘗嘗酸菜魚，決定到這間店舖試試。 去到門口，看見店內差唔多坐滿。幸好剛好有人離開，就可以直接進入店內了。坐到最裏面，餐牌上有簡單幾款午餐。我們選了酸菜魚套餐和口水雞套餐。套餐包括飯、餸菜、青瓜小菜和飲品，算是合理。 口水雞先到，吃了一口，雞肉較凍，好像是剛從雪櫃拿出來。雞肉的肉質正常，少少辣，帶點甜，若然再辣一點會更好！雞肉下面是青瓜，因與小菜青瓜重覆，所以沒有多吃。小菜青瓜不錯，正常口感。酸菜魚到了！湯的味道不太辣，偏酸，適合香港人的口味。魚肉薄切，沒有骨，質感很滑，很美味。魚肉像是生魚，一個人的份量算是理。酸菜魚內有切片的荀、菇片、酸菜、白蘿蔔，吸引了湯的精華，吃起來很不錯。飲品選了菜蜜，友人選了酸梅湯，味道可以。建議口水雞可以稍微在室溫放一放才給客人，而口水雞的底可改放豆芽，盡量與小菜不同會更好。下次經過有機會可再食！…Read More

今天在附近逛街，和友人一起嘗嘗這間樓上店。店鋪的裝飾不錯，牆壁上介紹了不同種類的茶。本來一心想吃晚市的烤魚系列，但友人怕太飽，於是決定吃冒菜。冒菜有分$50六個餸、$58八個餸等等。餸的種類都幾多。我哋分別叫左$50六個餸試一下。我選了鴨血、豬紅、鮮淮山片、牛筋、豆腐片、豬耳絲、薯粉，要了四川酸辣湯底。友人選了鴨血、豬腸、豬皮、豬腩肉、海帶、薯粉，要了麻辣的小辣湯底。 我那碗四川酸辣湯較辣，有不少酸菜，味道濃郁。建議食得辣的人才叫呢種湯底，因為愈吃舌頭就愈麻愈辣。餸菜方面，鴨血算嫩，牛筋有咬口，豬耳絲爽脆，鮮淮山片同豆腐片吸左唔少辣汁。豬血則較老，豬皮冇咩味，豬腩片和豬腸還可以。薯粉吸了辣湯很美味，不過太油。友人的冒菜是小辣，吃上去沒有四川酸辣湯底那麼辣。吃完後，肚子已經很飽。另外，友人叫了一杯人參烏龍茶，還不錯！下次想試一試香辣烤魚。 …Read More

之前行街經過，一直都想入黎試下。佢的set menu 星期一至五，上午十一點至下午六點前都有優惠，仲要唔收加一。我哋今日特登黎試下，佢嘅牛排。我哋叫左一客神石美國天然牛排，仲有一客美國極黑毛豬。客人可以自己添加飯、麪豉湯同沙律，形式自助。牛排整好，在石塊上滋滋咁響，香氣撲鼻，望落去似七成熟。切左一塊，放入口中，肉質軟嫩，有牛味，味道偏淡。灑上岩鹽、黑椒再試，味道的層次再提升左。牛排上的蒜片連埋牛排一齊食，都好味！豬排的肉質就硬少少，但味道都唔錯。加上岩鹽同黑椒好食。沙律正常，有芝麻醬同柚子醬選。麪豉湯味道剛好，佢哋的米飯係用日本米，不過我覺得飯唔夠黏。食物整體唔錯，性價比高，$60一個set, 值得一試。客人都偏多，不斷有客人入黎。…Read More

每次想食酸菜魚，都會黎呢間店。今晚和朋友再黎，一起到萬家村食晚飯。叫左一個酸菜魚，一個螞蟻上樹。酸菜魚份量多，夠酸、少辣，餸飯一流。魚的質地軟滑，有酸菜、芽菜、木耳等配菜。個底仲有薯粉，加埋個湯汁一齊食，好正。雖然有d辣，食到出汗，但都會忍唔住繼續食。螞蟻上樹都可以，粉絲乾身，味道唔錯。不過下次可以試吓其他。我哋叫左2個餸，有2碗飯，飯可以選菜飯或白飯，送汽水。仲要冇加一，好抵。性價比高，值得再試。…Read More

今日去試呢間三不館車仔麪，試左幾款招牌星星餸菜，味道唔錯。車仔麪可以選辣度，我選左小小辣，岩哂想食辣又唔食得太辣的人。餸菜方面，麻辣豬手有咬口，豬頸肉爽脆，鳳爪入味，魷魚好味，鴨腎就軟左少少，整體味道唔錯。口水雞唔辣，花生味香。$40有3個餸，價錢合理。店裏裝修懷舊，仲播放七八十年代的歌，幾有特色。店主健談，店舖提供口罩套、酒精搓手液給有需要的顧客，細心！值得一試！可選外賣，網上外賣平台.下次要試其他餸。…Read More