missjs的个人专页

四個女仔，好耐無見，想搵個地方食飯敘舊。朋友推介兩個地方，一個打卡好靚，一個好味，不約而同選了好食。畢竟，美食當前，顏值可以稍後再說。Clarence 地方有啲難搵，但一上到去，有驚喜，靚嘢。環境舒適優雅，法式風情濃厚，讓人一踏進去就感受到那種精緻的用餐氛圍。睇下個菜單，個set dinner 咁抵食嘅？因為之前食過間一星，又貴又唔好食，朋友話呢間都係擇星大廚主理，但個價錢幾親民。對比起那些動輒過千的米芝蓮餐廳，Clarence 的定價確實讓人眼前一亮，性價比相當吸引。四個人，由麵包開始開心傾到尾。法式麵包新鮮出爐，外脆內軟，配上兩款香滑牛油，已經為整頓飯開了個好頭。接著上場的前菜更是讓人驚艷，每一道都精心製作，賣相精美。牛肉他他好食，新鮮牛肉剁得幼細，調味恰到好處，入口即化的質感配上微妙的香料層次，展現出廚師的功力。海膽鮮甜，那種來自海洋的純淨甜味在舌尖綻放，配搭巧妙，沒有過度調味掩蓋海膽本身的鮮美。個龍蝦爽口好味，肉質彈牙，處理得當，保持了龍蝦的天然鮮甜，醬汁的搭配也恰到好處，提升而不搶奪主角風頭。仲有法國特色田雞腿同田螺，好味。田雞腿肉質嫩滑，法式烹調手法讓這道傳統菜式展現出不一樣的風味層次。田螺更是經典法式前菜，蒜蓉牛油香濃，田螺肉質爽彈，每一口都是滿足。每道菜都令人開心，從賣相到味道都無可挑剔，讓人對接下來的主菜更加期待。到主角，加了錢，Grain Fed Prime Rib (+$440)，出場已好有驚喜。一個煙燻木盒俾大家睇同打卡，真係好靚，唔止靚煮medium 煮得恰好，粉紅肉色，好食好睇。當服務員打開煙燻木盒的一刻，那陣煙霧繚繞的視覺效果確實令人印象深刻，不愧是Instagram-worthy的呈現方式。牛肉本身的質素相當出色，grain-fed的牛肉帶來更豐富的脂肪分佈和更深層的味道。Medium的熟度掌握得恰到好處，外層略帶焦糖化的香脆，內裡保持著誘人的粉紅色澤，肉汁豐富，每一口都是享受。配菜的搭配也很用心，蔬菜的處理保持了爽脆的口感，醬汁的調配更是畫龍點睛，提升了整道菜的層次感。生日驚喜，甜品又係好味。餐廳細心為主角準備了生日甜品，不但味道出色，賣相也相當精美。仲有細心為主角影即影即有，俾大家留念。這種貼心的服務讓整個用餐體驗更加完美，也體現了餐廳對客人的重視和用心。甜品本身製作精良，甜度適中，口感層次豐富，為這頓豐盛的法式大餐劃下完美句號。呢一餐好開心，又好食又坐得舒服。環境優雅舒適，服務態度親切專業，每道菜都展現出廚師的用心和技巧。野飲又特色又有made in Hong Kong 之選，餐廳的酒單選擇豐富，既有經典的法國酒款，也有本地特色選擇，照顧到不同客人的喜好和預算。整體而言，Clarence 確實是一間值得推介的法國餐廳。以這個價位能夠享受到如此水準的法式料理，性價比相當高。無論是慶祝生日、朋友聚會，還是商務宴請，都是不錯的選擇。餐廳的用心從每一個細節都能感受到，從食物的品質到服務的貼心，都讓人留下深刻印象。值得推介。…查看更多

見網上咁多推介，帶點期待訂了位，我哋心諗嚟一趟高質鐵板燒生日晚餐，點知——期望愈高，落差愈大。開場頭盤有驚喜，蒸蛋滑溜、煙燻鮑魚賣相精緻，視覺味覺都叫人滿意；鵝肝亦算有水準，但食落去始終無令人「嘩，好味呀！」嘅感覺，未夠驚艷。跟住輪到主菜環節——份量令人皺眉。三人分兩隻龍蝦，要補錢加碼卻又細隻得緊要，我哋三個唔算大胃口，竟然都覺得唔夠飽。整體食完，竟然無咗平時食鐵板燒嗰種滿足感，實在難言抵食。本來朋友特別安排咗生日驚喜，點知要我哋開口提醒先「記得」，而當晚全場只有兩枱客，呢種疏忽實在講唔過去，誠意欠奉。服務方面，侍應熱情到經常打斷我哋傾計，上菜節奏急促，一道接一道上——若你想邊食邊慢慢傾偈，呢度未必啱心水。師傅明明喺面前煮煎，但全程零交流，連眼神接觸都冇一下，感覺就似喺戲棚睇緊場默劇。作為鐵板燒，互動缺席係一個大失分位。香港餐飲今時今日競爭激烈，想贏人心，唔止靠網上廣告更要有細節、誠意與火喉。否則，食客嚟過一次，就只會得一句：「下次唔駛啦。」…查看更多

上網搵生日飯的好地方，見到openrice 的介紹文，覺得呢度好靚，又未食過黎巴嫩菜，所以一心去試下。去到餐廳，一出lift 已經聽到人聲，差不多都滿座了。Um... 講真，網上的相太靚，雖然個地方都靚，但落差有點大去到有點失望，相信不單止我一個，因為聽到旁邊的女仔都問，相張好靚個位係邊? 同埋地方比想像中細，又唔吸聲，照騙出沒處... 不過如果坐到邊位，照相都係靚既，因為我見到啲女士們不們影相老實講服務好好，啲人好Nice.. 我地都係點左Signature 既燒肉拼，羊架、仲有個沙律。我又叫左個一千零一夜，服務員話最好多人叫呢杯... 朋友就叩左HK手工啤特別講，個燒肉拼.. 細Size 都好大個，因為好多肉，所以好飽... 特別一提，佢個醬好好味沙律就正常，但係個羊架係好味既，好嫰，可以一試，雖然影相唔夠靚，但我覺得佢好食過個大肉盤。但係我明明心目中覺得黎巴嫩菜都係濃味，多醬既朋友，原來錯囇... 杯野似就好似個侍應講咁，唔明點解咁多人叫? 早知試我想飲既其他野，朋友既手工啤就好飲，好重麥味奇遇：因為放枱太近，我地仲同隔離枱一齊研究食咩，老實講，疫情時刻唔應該咁。傾計有時辛苦，所以食左一個鐘就走啦。…查看更多

上網搵下有咩Tea 優惠，見到Conrad 做緊優惠就買左去食啦。好耐冇食過佢，因為成日都食啲新既Tea, 番番黎食個Classic Tea 又係另一番感覺。去到驚喜就係原來個Tea 係與奢華美妍品牌 Chantecaille 的「Wild Beauty」下午茶以非洲熱帶草原及野生動物為主題，豹紋黑芝麻法式小圓餅、大象及獅子的牛油曲奇好攪笑。其他野食仲有杏仁開心果焦糖布丁撻、蜜桃薰衣草奶油蛋糕、士多啤梨及檸檬拿破崙蛋糕，蜜桃Melba Cup配雲呢拿忌廉、意式醬汁鱈魚、巴馬火腿甜包及煙三文魚及魚籽多士，加上迷你菠菜撻及忌廉芝士菠菜三文治和香草番茄扁麵包。食物正常啦，Classic 就係咁，正正常常。不過另外一個驚喜就係，有一份每人有份Chantecaille Wild Beauty尊貴護膚體驗套裝（上網睇話價值港幣1,215元，兩人份港幣2,430元），包括花妍全效卸妝乳 (8ml)、花妍調理保濕霜 (8ml)、花妍抗敏保濕乳(8ml)、抗污染防護乳液 (8ml)、納米黄金能量眼霜 (3ml)、Chantecaille HK$100現金禮券及Chantecaille旗艦店護理首次體驗禮遇。有禮物又唔貴，真係開心Tea. …查看更多

生日飯加上太耐冇一齊食飯，梗係要搵間新野試下。今次試Kaiyo, 之前食過佢旁邊同集團的西餐廳，覺得好食，所以今次輪到試下佢啦。雖然叫居酒屋，不過佢係新派多啲，感覺同一般的傳統日本居酒屋有點不一樣，不用選擇係夠多既，壽司刺身、天婦羅、串燒、丼飯、壽喜燒、涮涮鍋等；而樣樣個樣都整得好靚。今次我地冇叫餐，叫左我最愛的蒸蛋、刺生、當日推薦的生蠔、招牌壽司卷、季節天婦羅盛同蟹飯等。刺生，樣樣都好新鮮，鮮甜，不過我地三個人，每樣都係兩塊，有啲難分，好在我地各有啲食有啲唔食，一個唔食魚，一個唔食蝦，一個唔食殼類，大家各有各食~ 岩岩好招牌壽司卷，見到枱枱都有叫，同埋佢真係好靚，咁叫得招牌，一定要試下啦。好味，推介。佢滿滿的三文魚子令人好滿足。金薄加海膽真係好靚，海鮮真係新鮮最好食。蒸蛋、天婦羅、生蠔都好味，不過好味在後頭，正當覺得唔太飽足之際，個蟹到左… 呢個真係好味，我朋友食到好開心，蟹肉、蟹膏及蟹子加埋冇得頂，食完再添，呢個令人好有日本食好野既感覺，好好味! 食完呢個飯真係飽上心口。食到好野真係好開心，大家好快就想Encore 再食添。…查看更多

去到南豐紗廠，由門口，走廊，樓梯，連後樓梯，處處都係人， 個個都chok 爆影緊打卡相。 紗廠有好多唔同既野食， 不過偽文青梗係去coffee shop 啦， 一入到去， 個個都係睇相，再講邊張相靚， 個post 點點點咁。。 haha, 潮人集中地應該有般靚咖啡啩。。試左一杯flat white 同blueberry cake 仲有一件banana chocolate, 講真， 我覺得個香蕉朱古力蛋糕幾好味架，有人食完仲話想學整。。唔知幾時先整到。 都係買罷啦…查看更多

同好友過聖誕梗係要對自己好D，之前小王子已經好想食架啦，但係當時又未有得Book 位，所以就未有機會食到。其實呢個下午茶都係好爆架，但那日上去個網站度睇，有位喎，咁我地梗係訂左先啦。今次主題係瑪麗皇后，因為她對珠寶工藝特別熱衷，所以今次特別有首飾盒內藏着一條可食用珠鏈，珠鏈下是紅絲絨蛋糕，非常像真。亦都因為全個都係蛋糕底，令我地覺得非常抵... 但我地食唔囇... 好笑既係，我諗大部份人同我地都一樣，食完個3層Tea 已經飽左，問過可唔可以帶走個蛋糕卦，所以落Order 時，個待應待別提我地個蛋糕係唔可以帶走既... 今次呢個Tea 真係足滿期待，之前已經睇過好多報導同介紹，個個都講到個地方好靚，所以貴D食個Tea 都冇問題。地方真係靚，不過我只係去左鋼琴那邊，餐廳好有心，有個Concer 位俾大家影相，好多朋友食食下都出左去排隊影相，我同朋友... 都係太懶冇咩郁... 不過如果鍾意打卡既朋友應該好滿足，因為佢個廁所都靚到可以打卡。食物呢，我覺得係Okay.共有4款法式鹹點，包括仙后芝士煙肉批、法式蘿蔔絲批配辣根醬、三文魚他他三文治配魚子醬和法式香腸酥卷。中層英式鬆餅是自家製，都鬆化。上層有3款甜品，包括瑪麗皇后的香檳杯、牛奶朱古力禮物盒和紫羅蘭修女泡芙不過可能我見到呢個價錢，對服務同食物既要求太有期望，待應上碟既時候，放斜左.. 同埋佢有個用朱古力砌既禮物盒，好明顯見到砌唔平，一夾時就散散地。同埋甜點對我地黎講，有點太甜... 不過外國人食甜品不嬲都甜D卦。加埋個超真既珍珠鏈紅絲絨蛋糕，份量同打卡相就一定係超值。…查看更多

見到介紹尖沙咀又有新立食，今日路過當然要去試下啦，去到8點鐘左右， 唔洗等位，就有位。叫左創意流心鵪鶉蛋壽司， 一個set (4件加1個手卷）同單點想食既壽司，都ok 啦， 試左右口魚，大中拖羅，玉子，蟹膏蟹棒，赤貝，油金魚。。。 等等，佢d 食材新鮮，味道ok, 呢個價錢黎講係抵食既。 　今次自創燒右口魚配流心鵪鶉蛋壽司係推介之一，賣相吸引，但味道反而覺得冇咩特別。除左呢個，我地都有叫焦糖玉子，呢個有Crème brûlée feel, 當甜品都可以呀，有甜品結尾是幸福的。…查看更多

又係朋友生日， 點都要傾下計歡聚下， 有咩好得過去食afternoon tea? 今次主角揀左洲際x MIKIMOTO海之典藏創業125周年下午茶。成個Tea set 以高級食材例如鮑魚、魚子醬及龍蝦入饌，融入MIKIMOTO的珍珠造型創作， 係一個非常精緻下午茶，同埋鹹點全部完勝，好味到不得了， 你知啦，有d 酒店tea set 鹹點完全冇驚喜，甜點梗係係甜到你會放棄那種， 呢個鹹點獲得我地一致好評。 甜點都好味， 唔會太甜， 全部可以食囇，一個字， 正！個人最鍾意係鮑魚伴脆西米， 推介！同埋飲茶都有LC 用，真係好開心啊。 下午茶的精緻鹹甜美點包括：鹹點日式燒汁鰻魚烏冬生薑清酒鮑魚伴脆西米魚子醬蟹肉撻伴奶油蜆醬香煎帶子墨汁麵包香芒龍蝦魚子醬脆麵包甜點瑞士梨酒檸檬馬卡龍綠茶柑橘撻紅豆綠茶慕絲蛋糕清酒奶凍朱古力撻•珍珠朱古力球英式原味及葡萄乾鬆餅配伯爵茶啫喱、奶油及玫瑰香桃醬…查看更多

因為日本北海道d 野太好食，因為造型太精緻，因為餐廳個景太靚。。 所以我地幾個閨蜜今個月試帝京酒店的餐廳酒吧Lion Rock就聯乘日本美肌品牌HABA推出純‧ 北海道下午茶，一共有12款鹹甜小食。例如是北海道蜜瓜、北海道帆立貝等等，還有仿真度極高的迷你鬼馬拉麵蛋糕，肉眼也很難分辨真假拉麵!下午茶一共有12款鹹甜小食，有興趣都不妨試一試吧!北海道帆立貝配新鮮海膽，松葉蟹棒天婦羅，風味牛肉壽司，芝士撻，蕃薯燒，每一款個造型100分，味道都係好好味架！甜點方面有鬼馬拉麵，你以為佢係真麵，有，佢有一碗真麵一碗甜品，賣相上真係幾可亂真，靚到冇人有呀！不過個人覺得真拉麵好食d,因為個甜品麵真係好甜。呢個Afternoon Tea 做到6月， 有興趣快d 去試下。佢仲好好有一人份同二人份叫， 因為我地今次三個人食， 完全冇問題，一人一件，唔洗諗邊個食邊樣， 食完仲補 HABA 護膚品送，又可以望住獅子山食，正！ 呀， 佢仲有杯用清酒做底既雞尾酒揀呀，我地飲荔枝味都好好飲，可以一試😉…查看更多

呢幾日熱辣辣同班閨蜜唔做戶外活動，有咩好得過去Tea. 今次揀左香港康得思酒店的歐陸餐廳Alibi Wine Dine Be Social推出了全新的「仲夏海洋」下午茶，因為佢個造型好靚，有個藏寶箱，同埋有以海洋為靈感設計出一系列精緻鹹甜茶點， 外型好吸睛，所以一致通過去食。鹹點包括：煙燻鱈魚伴冰菜及墨汁薄脆、莎莎醬西班牙沙甸魚配蒜蓉脆多士、西班牙甜椒蟹肉伴馬賽魚泡沫、新喀里多尼亞大蝦他他伴迷你法式麵包配黑檸蛋黃醬，及香炸肉丸配煙燻青口蛋黃醬等。而甜點則包括：海鹽焦糖「金磚」巧克力、「翡翠」綠茶意大利芝士蛋糕、「珍珠」白朱古力白桃慕絲、「紅寶石」士多啤梨洛神花忌廉慕絲、「金幣」咖啡夾心朱古力等。仲有得獎調酒師Leo Cheung設計的冧酒雞尾酒， 初時我地問有冇得揀，點個個侍應過杯野飲好靚架，如果唔要就要咖啡或茶，冇咩特別囉。。。甜品箱出場都有乾冰煙，好靚。杯野飲一出場真係嘩嘩聲，佢個杯係一個菠蘿造型，杯底出煙，好夏日，好正！仲吸引到隔離枱過黎睇下係咩黎添，好攪笑。我覺得係好食既，鹹點造型好高貴又好食，不過味道有少少偏淡。至於甜品，比起平時食既唔太過甜，因為有時出去食Afternoon Tea 會好甜會食到唔想食，有時個馬卡龍會食唔到，但呢個甜品最甜就係個金磚，可能加左海鹽，都唔會過甜，可以完全食得囇所有甜品。okay!…查看更多

街坊越南餐，性價比高荃灣廣場附近有好多街城美食，今次食既係在享和街的越南菜，呢兩條街有好多米線舖，不過越南餐唔多，見到呢間，晚餐開6點未開門，門口已經有人排隊。。。證明有熟客，所以入內一試。今次點左店內推介嘅蟹膏檬粉同春卷， 點解？ 因為蟹膏檬粉同其他檬粉都係同一個價錢$48, 但蟹膏檬粉有蟹膏，札肉，豬紅同豆粕。。。仲有👍🏻👍🏻👍🏻推介，抵到咁點可以唔食呢。另外叫左個小食春卷，呢度每款小食都係30幾蚊，好抵食。 食物黎到，春卷就$35有5件，味道ok。蟹膏檬粉加埋個番茄湯底，好夾又好味，咁多餸都係$48真係好抵食，超值之選，如果黎真係要試下。 …查看更多