Birdly02的个人专页

最近發現黃埔都好多食肆，所以同朋友們揀左間小店聚一聚，依間係素食店，之前試過其他區嘅分店，黃埔店面積比較大同坐得舒服啲。可惜當日太晚到店，部分食物已售完，最想點嘅定食無晒，退而求其次，都好有驚喜😉。餐點了不可能肉醬意粉、日式咖喱猴頭菇定食、夏日不可能芝士漢堡，共3款。肉醬意粉🍝味道同真肉真係差唔多，反而我好欣賞個意粉質感好好，好有彈性；除此之外，真係估唔到原來炸左嘅猴頭菇配咖喱都幾好食；個漢堡份量都幾大，朋友們好鍾意配菜嘅蕃薯條，簡直食唔停。飲品方面點了The OJ Espresso, Tai Wai Beer (jasmine and passion fruit ),玫瑰花茶，每樣都唔錯，真係各有特色，反而想介紹一下啤酒🍻真係幾有驚喜，我個人並不好啤酒類，但朋友試完話味道好香，都忍唔住試左少少，真係幾好飲，好啱女士們品嘗下，大家不妨試吓💕。…查看更多

剪頭前本想搵間餐廳食少少野，經過K11，見角落頭開左間新店，原來係The matcha Tokyo,之前一直有去開荃灣分店食，即管試下新店…原來食物種類無咁多款，飲品就一樣。叫左egg in cloud with salmon,avocado salad 三文魚沙律同一杯大caffe latte試下！沙律味道ok, 分量足夠！杯咖啡就…..出左杯細嘅（8安士）……一直無人發現，直到我見到人哋隔離枱有大杯裝（12安士），明明記得落單時係要大，當然張單都係收大杯價錢，今次當蝕咗6蚊俾佢，大家取食物時要check 下先，唔好好似我咁食到一半先發現。已經唔想再爭取要換😓，事實上杯咖啡味道好淡，以咖啡來說，出啡加埋奶嘅溫度真係超熱，係難入口果種熱，比得上連鎖店嘅手法。如果有得揀都係去第二間…查看更多

假期約左朋友係中環，見重有時間搵間cafe食下hea下，眼見店內唔太多人，就膽粗粗入去試下。去到cashier 叫D餐柚子冷麵& Latte,收完錢係無單嘅，就自己搵個位坐低，隔咗一陣店員送左碟肉醬意粉🍝俾隔離枱，但聽到隔離枱話唔係佢，之後個店員再走黎我度問係唔係我，我同佢講我應該係叫D餐柚子冷麵，佢話o佢落左B肉醬意粉😒，佢同我講換過碟俾我，再換唔知會幾耐又費事浪費食物，最終我照食啦，店員離開時重有再問我飲品係咪rose latte🙄，我突然間覺得可能成張單都錯晒🤦🏻‍♀️肉醬意粉🍝味道都幾好。但杯咖啡就真係…本身都係咖啡迷，杯latte真係浪費左，杯咖啡☕️上面果層泡勁過cappuccino，好明顯有層鏡面係上面，如果係中環區好飲嘅咖啡店真係有好多，可以有更多好嘅選擇。…查看更多

於日前同事講及附近開了新cafe,一心想試下，但試過幾次早上經過都未見開門。終於等到星期六可以中午去，入到去眼見餐廳環境真係幾靚幾日系，裝修設計很有心思，每個角落都有花心思，而員工都很有禮貌。餐牌款式不多，但飲品種類選擇多。今次點了封門牛柳配貓飯及latte，眼見及品嘗後咖啡有質素，食物質素及味道亦可以，下次可以再試其他款式。餐廳以自行到cashier 點餐後再送餐到座位，座位有份bar枱（門口旁望街位置）、卡位、sofa位和高枱。溫馨提示：sofa偏矮與枱距離較大，進食較辛苦。…查看更多

之前聽朋友說葵芳站附近有一間咖啡店☕️，但一直未能抽空到訪一試，今天終於能到此一嚐。這店位置並示難找，遠遠便能看到綠色角落小店，坐位是於店外量亦較少，可能因為我到達時是假期及時間尚早故仍有空位。小店主要提供咖嘛及輕食（bagel及pancake)，這次點了Flat White & Latte、三文魚bagel &香蕉🍌Pancakes 。咖啡味道不錯👍🏻，而食材亦算新鮮，整體來說餐點非常值得一試再試。…查看更多

香港人在疫情嚴重下仍是需要出外工作用膳，大型商場店鋪人流減少，個個都減少出外進食。所以本人會集中所有要做嘅野一次過係同一日做晒，今次中場休息搵左間甜品店休息一下，係人煙稀少嘅角落頭。店舖主要賣雪芳蛋糕，當然帶埋其他飲品選擇。但去到時蛋糕款式已不多，所以只選了一款，蛋糕味道幾好，味道唔太甜，而且都好新鮮，今天與朋友一起已飲過太多咖啡，所以選了抹茶拿鐵，這杯latte非常有驚喜，很濃厚的抹茶香，值得一試。因為這次朋友用了買一送一飲品卷，所以價錢非常優惠。下次可以試吓其他款式嘅蛋糕。…查看更多

繁忙的生活中需要休息享受下，故約好友去嘆下午茶，這酒店中的下午茶需要提早預約，環境很好，空間亦很充足，酒店的貼心服務，能夠讓客人悠閑地渡過一個下午。下午茶每位可以選一款茶或啡、兩個鬆餅、4款咸點及4款甜點，份量充足。茶的品種有12種，waiter 會攞埋茶葉作介紹，一定有款啱自己口味。我哋今次揀左Darjeeling Moonshine 同Scented Aged Puerh。Darjeeling Moonshine 味道好好，喜歡花茶嘅人應該會鍾意，而Scented Aged Puerh就係帶有橘皮味嘅濃茶，我發現啲茶refit左兩、三次都重未淡。再黎就係選擇咸點，waiter 會推整架點心車介紹咸點同甜點，咸、甜都係8款裏面揀4款，可以選擇自己鍾意❤️嘅款式。整體來講，食物味道ok，而款式亦很有創意。我哋兩個人，所以可以點晒16款，所以對有選擇困難症嘅我非常開心，完全唔洗煩惱我同朋友傾計、食嘢由2:30坐到差唔多6點鐘，中途啲waiter 好友善，主動幫忙影相、不斷refit 熱水，服務態度非常好👍🏻。…查看更多

假日商場滿是人流，特別在超市附近，與朋友再戰超市前需要叉叉電，搵時間抖抖，所以到旁邊的連所咖啡店飲杯咖啡先。咖啡店品質本身有保證，放心選擇，店舖當時無咩人，有一列座位可以座下飲完先再戰超市。點了cafe latte同Spanish latte，揀左細杯濃縮啲，cafe latte味道有水準，Spanish latte甜味較重，喜歡甜的可以選擇。:)咖啡溫度非常好，沒有大型連所咖啡店的高溫燙口。如果提供多些座位就非常完美啦！…查看更多

開店已經有一段長時間，但眼見真係好少人光顧，自己親身經驗後，終於明白點解。諗住靜靜地食個午餐，中午時分見店內只有一位客人，就走入去試吓，入內後有員工會提供Menu俾你，然後自己決定好食咩就去收銀機度落order,叫左意式三文魚意大利粉同手沖耶加雪夫=$106。先到嘅係意粉，意粉味道可以，雖然坐底等待時水都無杯，但可唔可以唔好淨俾一隻叉我食意粉，其實俾多隻匙羹會方便啲😅。食到一半杯手沖出黎，其實一出黎見到個杯同壺嘅熱氣，就知杯咖啡超熱，但手沖真係唔需要咁熱...試完，苦、澀......，真係覺得好浪費，飲多兩啖真係飲唔落...，眼見佢餐牌有咁多咖嘛揀，以為咖啡師應該好掂，但耶加雪夫完全唔係果樣野，希望佢可以改善啦。依個價錢係同區食午餐可以有更好的選擇。…查看更多

去到葵涌區，特登上網搵搵有邊間可以食brunch，發現KCC都幾多選擇，因為鍾意飲咖啡，所以揀左Coffee Chemistry,雖然環境係電梯大堂對出，唔係一間鋪，但環境空曠同安靜。今日唔想食太飽，選擇左黑松露炒蛋煙三文魚早餐，味道幾好，多士很香脆。另外非常高興揀左手沖咖啡，只有2種豆，揀左哥倫比亞豆，咖啡師磨完豆後會先俾客人聞聞豆香，重會介紹豆的風味，係沖煮完後，上枱時亦會介紹飲法同口感，真係好細心，係香港咁多間咖啡店裡面有咁嘅服務真係唔多，手沖味道滿意，可以慢慢感受唔同嘅層次。週未嘆早餐就係要悠閑。由於我叫嘅早餐係套餐係包杯飲品，所以我加左$7要多杯latte😚…查看更多

每星期都會去屯門蝴蝶邨，今次特登早到少少，希望可以去一啲小店食少少野先上堂，聽人講係啓豐商場內有好多細細間小店，係一個小社區，入到去好快就搵到店舖啦，因為好多人等位中，亦有部分係等外賣。因為我一個人所以去到即刻可以俾到位我攝，小店舖內位置真係不多，全是單向，有啲向連濃牆，有啲向門口，另一邊向街有海境。今次叫左三文魚牛角、滴漏咖啡。牛角包🥐鬆軟香牛油味，並唔係脆口果款，三文魚同菜份量唔算多，因為叫左牛角包同飲品會額外送沙律🥗或者薯條，我選擇左沙律而味道ok，滴漏咖啡用玻璃樽裝，個樣好靚，不過味道較淡。於依區黃色小店唔多，支持黃色小店，所以下次去再去會選擇下其他飲品，小店飲品種類多。…查看更多

朋友生日點名要食炸雞，唔知點揀之下，同事介紹我哋可以去Outdark，因為話依間多選擇（指除炸雞以外嘅食物款式）。預早兩日打咗電話去book位，去到當日會再打電話確認訂位人數同時間，非常細心，所以即刻問埋可唔可以自擕蛋糕🎂，佢非常歡迎同無切餅費，感覺良好。當日排隊搭lift上到去，見到好多人喺度等位，慶幸自己有預早book位，一到可以即入，唯獨係地方唔大，6個人座啲座位比較擠迫。今次叫左（1）雙拼炸雞（全份），包括有炸雞、薯格、波浪薯條、薯片；（2）DIY飯團，小朋友最喜歡嘅菜式，因為有得參與同分享，最緊要好食；（3）豬腳（全份），份量超大，可配生菜同沙律菜食一流；（4）串串魚糕湯，份量大，味道好；（5）東萊海鮮煎餅，海鮮特別豐富，值得推介！整體而言，每道菜味道都好好。特別一提，生日黎食飯，店舖會送一張即影即有相片。咁好嘅服務態度同食品質素真係好難唔再幫襯，下次可以再試其他食品😚。…查看更多

一直想試好耐，本身整棟建築物已經好吸引，充滿懷舊feel，依間冰室嘅菜式亦都配合主題，未入座時亦可到對面間懷舊文具店重溫下以前兒時時代嘅回憶。冰室店內裝潢精緻，充滿懷舊feel，座位亦舒適，餐點款式亦算多，可以按自己喜好選擇。我揀左個茶餐：阿銀炒一丁、熱鴛鴦、另加花生醬厚多士，全單只係$47，非常經濟實惠。炒一丁即係一般瑞士汁炒丁，味道ok，唔會太咸；鴛鴦同粒粒花生醬多士依個組合很般配，鴛鴦茶味較濃，啡味淡，但可接受，厚多士其實都唔係太厚，味道可以。值得一讚嘅係服務態度，真心想嘉許依啲有禮貌員工，無論係門口收銀姐姐定係落單嘅姐姐都好好禮貌，依家啲咁好嘅服務態度真係好難搵。…查看更多

慶祝母親節飯，一家8口一早訂位，都要係門口等30分鐘先可以入座，眼見啲人嘈兩句就俾佢入座先，攪到我家人都忍唔住要出聲，點知真係一嘈就放你入座，依啲服務態度真係唔平凡。:(入到去即刻用手機點餐，但眼見已經有三成都已售馨，跟著都要等起碼15分鐘先有第一道刺身到位，漏單情況真係嚴重到估唔到，起碼5成都無到，品質就真係完全...中間有好長時間都無野食，全家人一齊等左好耐，最尾要靠自助吧嘅麥樂雞同炸薯格填肚。真係食咁多次放題都未遇過。唯一可取嘅係雪糕，應該係香港品牌，都有4種味道揀，味道都唔錯。飲品嘅款式都算多，依兩樣都係自助嘅，自給自足。依間日式放題但試過一次就真係唔會有下次，咁嘅價錢咁嘅食物品質，想食嘅嘢一係無得叫一係漏單，大家真係要諗清楚先幫襯。…查看更多

假日與朋友到旺角行逛完，大概7:30便是找餐廳的時候，喜歡及支持小店的我們行入女人街後發現這間店舖已坐滿了人，剛好有枱結賬，有空位便不需等位了餐廳是吃台食的，發現套餐內有不少選擇主要分A飯麵主食、B肉食小菜、C主要是蔬菜類，共3部分，加配飲品，非常多配搭及選擇。而食物分量亦很充足，味道亦不錯，飲品我選了這期推介「檸檬金盞花」，味道很清新，而埋單只是64@一個套餐，性價比高，在離開時仍有人在門外等位，相信已有不少熟客。…查看更多