City Joyce的个人专页

星期日（昨天）一家人去食飯，怎知就揀正呢間能令我大開眼界的酒樓，上到酒樓，不用等位，即刻就可以入座。我們選擇了一個海鮮餐，本來是有冬瓜盅及海蝦，但落單時，經理就話沒有了，但可轉其他食物代替，於是就轉咗一個所為嘅花膠𡙡及豉油皇蝦。上菜後，- 𡙡就好咸，要加熱水才可飲，又唔夠熱；- 雞煲又係咸，但可免強接受；- 蝦就燶及咸，本來都想算（見到個𡙡及雞煲，已冇咩期望），但食咗2隻後，真係不能再吃，於是就想知道平常呢個菜式是否這樣的？所以就詢問職員（打粉紅 tie 及扎馬尾的女員工），怎知她說：「可能係炒燶咗，比多咗豉油，廚師唔係幾識炒啦！」咁我就話：「嘅然係燶咗咁點解仲比我哋食？」她就執咗枱面上的碟走咗去，沒有回應我；之後回來，就不斷用其高音及不禮貌的態度來與我談論這是冇問題，家人見此，就話算啦！都唔會再來。真係食到一肚氣😡 3款食物都令我哋好失望；職員的態度差之餘，連一句「唔好意思」 都唔識講，仲講到好似係我哋嘅問題。怎可能有這樣的服務？👎🏼👎🏼真係大開眼界（可能是我見識淺薄）只有蒜蓉粉𢇁蒸扇貝及豉椒炒聖子是OK總結：整體食物味道咸以致食唔到而浪費👎🏼員工的服務態度差👎🏼衞生情況亦不是很理想，地毯、廁所都不潔凈，碗碟都有磞裂等👎🏼我們都不會再來，難怪越來越多人北上！我知道雖然冇我呢幾位客人，對這間連鎖式酒樓唔會有什麼影響嘅，但我只想說出我在這間酒樓的晚膳體驗。…查看更多

在葵芳新都會廣場行到差不多晚飯時間，就去搵嘢食，今天想食日本丼，搵搵吓就見到 “豚勝”，在店外望完餐牌幾吸引，於是就入內，店內差不多 full house (只剩餘2張枱)。我哋 order 咗一個 “吉列厚切里肌豬扒定食” 及 “吉列大海老定食配湯烏冬” ，另外，order 咗一客小食 “土佐豆腐”。而在豚勝 社交平台 內點讚就送 “一客枝豆”，份量都不少。厚切豬扒份量，除標準 size (180 gm )外，亦可 order 大份量，隨你自己食量來選擇，我哋就沒有特別加大份量，豬扒的外層脆衣好鬆脆，而豬扒充滿肉汁、質嫰，非常美味👍🏻😋，飯及椰菜絲亦是無限添加。吉列大海老（大蝦），隻蝦真係好大隻，食得好滿足，外層脆衣與吉列豬的一樣鬆脆，而蝦就炸得剛剛好 👍🏼😋 不會太老；配餐的烏冬 🍜份量亦不少，麵質保持煙韌，不會太淋，而且還可選擇 “冷” 或 “熱”。小食的土佐豆腐很嫰滑，豆腐味濃，醬汁又不會太咸。😊結尾就 order 咗一球雪糕作甜品，味道就一般啦！今晚的用餐體驗很好，無論食物味道及賣相、整體服務、餐廳環境及衞生都不錯，值得再嚟👍🏼👍🏼…查看更多

今天出開尖沙咀，諗住食越南嘢，即時諗到嚟芽莊，因為都去過好多次。今天不是假日，所以下午茶時段不是太多客，當時有5張枱都在進食中，只有我哋新到的客人，員工方面就眼見樓面有6位，其中有一位在執枱，一位正帶我們到餐廳內，其餘員工就分2組人在場傾計。因好肚餓，所以座下後即看餐牌，決定食物後，想搵員工落單，但見5位員工在門口吹水（我哋座嘅枱與門口都有一段距離），他們跟本就沒有回頭望著餐廳內，只有一位女員工正在收拾其他客人枱上的餐碟，我根本就搵唔到員工落單，咁我就見執枱的員工行過（她手上拿著碗碟），所以我就同她講：麻煩你轉頭幫我哋落單，她回應我：好的，請你等等。怎知等了又等，連她都現身於門口位置，完全忘記了要落單這回事；所以我要等她們回頭望入餐廳才可擧手搵佢哋。後來就見到有位短髮女員工望向我哋張枱方向，咁我就即時向著她舉手，怎知她望不見，我就再舉多次手，仲要好大動作，她才見到，真係奇怪，「似見似不見」，都唔理咁多，因肚餓，有人嚟落單就ok，怎知呢位員工態度真係絕頂，好似係我哋阻住佢冇得傾計咁，黑面之餘，聲線還帶點唔耐煩，最後落了單。後來有員工拿刀及义來我哋張枱，什麼都沒說就放低，呢啲服務，以前唔會發生在這品牌，之後的飲品及食物都是在冇聲冇色地，在不同方向降落在我哋枱面上。🙄除服務欠佳外，佢哋食物保持以往的味道，值得推介「芝麻蝦多士」外脆內軟，蝦味同口感唔錯😋；另外豬扒唔乾身，幾 juicy 😋，不過飲品 「桃蜜熱柑桔」就冇咩桃味，柑桔味又唔係咁夠，而環境及衞生都完全冇問題。…查看更多

今年平安夜與2 位姊妹一起渡過，我們見到這間餐廳的食評唔錯，所以就試吓啦!  在訂枱過程都算順利，要預先付全數款項。餐廳是在海港城 3 樓一間大形超級市場行到差不多盡頭的右手邊就可見到，進入大門內就見到酒吧的部分，再進入才是餐廳的位置，在燈光配合下，氣氛不錯，枱面就擺放了少許聖誕物品，當時大概有4 成客人已入座，枱與枱之間都有充足距離，對於三五知己或一大班朋友都適合 晚餐是 Semi Buffet 的，冷盆、湯及甜品是自助形式，主菜則在餐牌內選擇，另每位客人都可享有半隻龍蝦，配一杯咖啡/ 茶。在這個平安夜晚上及這環境氣氛下， 大家都想有酒相伴，於是就找來侍酒師，在他介紹下，我哋就 order 咗 1 支意大利 Sparkling Wine 及 1 支西班牙紅酒。:)渴過酒後，是時候出動到自助餐枱選擇食物，這裡自助餐枱共有三張，分別是冷盆、沙律吧及甜品。  冷盆方面包括煙三文魚、2 款 Parma Ham、Salami、凍青口、蝦、蟹 (因切得不好，有很多碎殼，吃時要小心會咬到，食得有點麻煩) 、小龍蝦 (但只見過一面)、辣蜆、4 款芝士及麵包，就沒有大家想食的蠔、龍蝦或一些比較有價值的食品; 而沙律方面就相比款式都頗多選擇 (可見圖片)。食緊冷盤時，服務員就送來每人半隻龍蝦，size 及味道都是一般，沒有大驚喜。而主菜方面就有六款選擇 (見圖片)，有東南亞及中、西選擇。我們就選擇了 2 份 "扒牛柳配鴨肝及松露醬" 及 1 份 "巴東鴨肉配炸薯餅及辣雞蛋"; 在點主菜牛柳時，服務員說是沒有成數可選擇，因廚師認為這牛柳在5成熟是最美味的 ，除非要全熟才可以更改 (這有點怪， 一間看似高級餐廳，但牛柳竟沒有成數可選擇? 不是每位客人都喜歡5成熟的，是因為平安夜晚上比較忙，怕做唔切? 但眼見都唔 full house，又何來忙呢，真難以理解)，那我們只好接受;但在上菜後，當我切開時，那牛柳不是五成熟，是 (MR) 三至五成熟，這又是一間疑似高級餐廳廚師的功力嗎? 如果一些客人是食慣 7 成熟的，就一定食唔到這麼生的牛柳，慶幸我們就是食慣三至五成熟， 所以就沒問題，至於牛柳的質數就不談論了 (可以食剩的)! 伴着牛柳的煎鴨肝就正常，沒有太大問題，還有 2 塊薄松露片。 至於 "巴東鴨腿"，朋友 share 咗一小塊給我，肉質比較 "鞋"，味道方面就不便評論，因我未食過正宗巴東的味道。在進餐途中，突然有一位廚師及服務員在我們面前作甜品服務，一件貌似士多啤梨芝士蛋糕伴橙肉，因員工沒有清楚說明是什麼甜品 (原來是火焰芝士蛋糕)，他們將這件甜品放在枱上，然後廚師很快的倒酒及點火，讓客人拍片或影相，然後就離開到另一張枱，整個過程真是 “快狠準”，見佢哋倆位員工好似趕收工咁，因大部份客人仍在吃其主菜中，點解會在這時作這安排? 又是另一個疑問。本來這個 extra service  (類似Gueridon Service) 概念是好的，將會帶給客人打卡留念，但很可惜..…正當我們享用 Coffee 時，有位服務員推住 trolley 問我們需要 Haagen Dazs 雪條嗎? 而雪條可加 Oreo碎、花生碎或七彩糖碎，這時大多數客人都在享用咖啡或茶，時間上是剛剛好 甜品方面，老實講就不太吸引，我就沒有興趣選取，只吃了Haagen Dazs 雪條吧了，朋友就取了些享用。另外， 餐廳方面就安排咗有合唱團唱聖誕歌及聖詩整體來說，服務就真係麻麻，餐廳環境及衛生方面就幾好，但食物質數、賣相就只可說是普通餐廳級數，而且芝士蛋糕及雪條看似是 extra service，但就做到有種配給形式的感覺，所以唔算係太抵食，睇番啲食評，就認為平日的午餐 Semi buffet 還好過 12月24日的晚餐，不過節日就是這樣，明嘅。…查看更多

相約姊妹食飯, 睇到 Sabrosa 西班牙餐廳口碑好好, 所以就嚟試吓！☺️到達餐廳時是18:30, 已見到有一半客人在； 我哋就安排座在梳化位置, 枱與枱之間都有一定距離, 在現時疫情下, 真的會安心啲😃在睇緊 menu 時, 員工就介紹我哋一啲海鮮, 咁就 order 咗 "燒全隻魷魚" 及 "西班牙蜆" 食完呢2款海鮮後, 就 order 餐牌內的食物:1) 紅酒煮西班牙辣肉腸2) 蒜味虎蝦3) 黑毛豬火腿片、水牛芝士、羽衣甘藍沙律4) 傳統西班牙烤乳豬 另外一款是 “煙燻生牛肉片配黑松露檸檬沙律油”, 呢個要推介比大家, 員工會將食物嚟到客人枱面才開蓋, 大大可以滿足食客打卡之餘, 個種煙燻味就會強啲, 而黑松露同生牛肉一齊都好夾。甜品就 order 咗 “西班牙油條”, 但係就配唔到咖啡一齊享用, 因員工話咖啡機已經放工, 明天請早 (但當時只是21:00, 員工好似有啲難言之穩, 所以就唔再追問), 就係咁, 在最後一道菜失咗少少 😔全晚飲咗2支酒:1) 西班牙紅酒 “Valparra Tempranillo Syrah, Tinto.La Mancha, Spain", 比較 light 啲, 係一支容易入口的 table wine2) 有氣酒 "La Moscheta Prosecco Extra Dry DOC N.V. Veneto, Italy"…查看更多

今日 Lunch time 就去咗 v-city 行, 搵吓有咩嘢食, 行到呢間日本餐廳, 見有位, 及每張枱都有一定距離, 4人枱都可以1人座, 不會像有啲餐廳將4人枱拉開少少加塊膠板就座2張2人枱咁迫, 今時今日疫情下, 呢啲距離真係好重要, 所以就入去喇! 除了距離外, 店內衛生及服務亦OK；去過這品牌的元朗店, 但都沒有這樣的距離👍🏽 這裡主要賣丼, 有牛肉丼、海鮮丼、三文魚丼、豚肉丼、燒雞丼、鰻魚丼等等, 大概有20款丼供選擇；想食拉麵 🍜 都有約6款選擇；至於小食就有約8款比你追加；還有一人鍋食及小童套餐供應。我就 order 咗 “Aburi-en 豚肉丼” 套餐, 有豚肉丼, 麵豉湯及沙律🥗；豚肉炙燒得好香口, 富油感, 飯就用咗日本米, 粒粒食落都好有口感, 整個套餐食品與我平時食的一樣, 都可以保持到呢個品牌的食物水準 (無論味道、份量及賣相) 👍, 這點並非所有連鎖食肆可以做到的, 就算食肆公司設有中央工場, 但因店舖主管或其公司管理層監管不力, 而導致食物水準下降 👎, 影響品牌。另外, 我就追加咗一客吉列炸蝦 🍤🍤, 中規中矩啦👌！以 $18/3隻來講, 是可以的。今日就享用咗一頓美味的午餐 😋😋 好滿足 😊😊…查看更多

已經多次到尖沙咀 YMCA 食 dinner buffet, 雖然這不是五星級酒店, 但每次都不會令我失望, 無論在食物質素, 味道, 賣相, 補充食物快, 員工的服務態度, 衛生等都可以比一些五星級酒店為好, 這次就約埋 “姊妹” 一齊享用。首先去飲品區來杯橙汁, 果汁, 咖啡及茶是無限添飲的, 除飲品外, 還有幾款麵包及2款湯 (中及西湯各一款)。海鮮冷盤除平時有的龍蝦, 蟹腳, 青口, 蝦, 螺, 蜆外, 今次還有埋麵包蟹 😀 cold cut 冷盤就與多數自助餐的款式差不多, 但今次的 parma ham 就比之前食嘅有差別；另外還有一些特式的頭盤, 例如黑松露蜜糖拌芝士, 輕燒黑椒吞拿魚片, 日式温泉蛋, 多款沙律及配料, 亦有4款芝士選擇等。熱盤方面, 有燴牛尾, 蒸魚, 焗蠔, 炒飯燒雞, 羊扒 (這款就有點失望 🙄) 等正常食品；而 carving 就是燒肋骨牛, 有多種醬汁及配料選擇, 這是必食之選 (除不食牛) 份量亦很足夠 😋😋；在 carving 枱旁就是鐵板燒, 主要是燒大蝦, 味道不錯及燒到剛好, 即燒即食, 非常美味; 而另一邊就有壽司及煎鴨肝, 這煎鴨肝亦是必食之選。甜品方面, 有芝士餅, 慕絲, 木糖蛋糕, 牛油蛋糕等款式, 而另一邊亦有豆腐花, 木瓜雪耳糖水, 即煮 pancake - 可自行加入忌廉, 士多啤梨, 芒果, 黑莓及4款汁及即叫即做的軟心朱古力 (這款是必食甜品), 記住加埋雪糕一齊食就更好味；生果就新鮮, 冇用糖水浸過, 有西瓜, 哈蜜瓜, 菠蘿及蜜瓜。最後配埋杯 latte, 就是完美的一餐。自助餐價錢計埋加一, 大約 $660, 雖然滿座, 但不會像其他酒店自助餐咁逼, 在現時疫情情況下, 真係食得放心及自在。我個人及朋友都認為是值的；所以如要訂座,就要早些。😊…查看更多

中伏的 Lunch Buffet 去咗呢間5星級酒店嘅 cafe 103 食自助餐, 訂枱前已看了很多有關的資料及食評, 見到有不少劣評, 但堅信這間5星級酒店差極都應該有限度, 於是與家人一齊去體驗吓 Lunch buffet。首先講吓環境, 見到真正能直接睇到景色的枱, 就只有幾張靠窗的枱, 而大多數枱都要透過樓下餐廳的窗才可睇到外邊景色；在座位佈局方面亦有些問題, 有些枱是設在自助餐熟食枱旁, 因太接近自助餐熟食枱, 會聚集很多人在枱旁邊, 影响食客進食及有機會顯生環境衛生問題價錢是包含好多嘢 - 食物、環境、服務都會是在其中, 而好多人都話去呢間酒店是食景色多過食食物, 但就這樣看, 如不是座在那幾張 window seat, 就已失去食景色這一環了。論食物, 真係冇諗過會咁差, 嘢食少選擇外, 擺放在 buffet 枱上的食物份量亦少, 很快就給客人夾晒, 但補充食物速度慢, 以致有些食物, 跟本就未能享用 😤；味道方面有進步空間；而食物種類亦未如一間 5 星級酒店, 雖然是 Lunch 自助餐, 但有些價格在這酒店之下, 都會提供蟹腳或龍蝦🦞食物, 不過這間就沒有, 而在提供的蜆肉內亦存在很多沙, 跟本食不下, 在 quality 方面都要有所留意。於 carving station 食物方面, 提供燒牛肉及羊脾, 但配給給客人份量就是自助餐中之最 “少”, 平時在其他酒店食, 都會完整切一片, 但這間就只切 3 份 1 片, 見到有客人要求切多少少, 職員就真是切多少少一角位, 份量少之餘 quality 亦差；只有甜品是有回正常水準😋, 但我不是來吃甜品自助餐。服務方面, 員工欠缺笑容, 說話沒有尾音, even 是經理級亦一樣不專業 🤔, 反而有 2 位 part time 職員能在說話時有禮貌及笑容, 亦有 repeat 我們的飲品 order 👍。正如其他食評所說, 以這個價錢, 是否有更好的 quality、更多食物種類選擇、更好的服務及環境嗎? 而食物成本又極低, 真是不值這個價錢。希望酒店方面能正視問題, 不讓你的支持者失望吧！…查看更多

我其實係第一次寫食評, 因為真係太差, 今天的午餐 order 咗匯豐咭推出嘅美國穀飼斧頭豬扒2人套餐, 首先嚟指定麵包, 之後就餐湯, 但唔熱且面層多油, 然後就係沙律, 不過份沙律就好似將其他客食剩嘅沙律撈埋一齊咁, 話明2人套餐, 又冇碟喺枱, 要叫服務員攞至比, 仲要比面色我哋睇, 跟住嚟海鮮意粉, 侍應只放在枱邊就走咗, :(呢度菜叫做煮得好啲, 之後見到主角 - 穀飼斧頭豬扒, 外觀都唔錯, 但一切開就失望, 成塊豬扒熟晒, 我哋叫7-8成, 咁我哋以為外圍有可能熟晒, 可能中間會好啲, 再切都係失望, 跟住同門口同事講, 但佢仲話有小小粉紅就係啱 我即時比碟上嘅豬扒佢睇, 全白色且鞋, 佢至肯叫經理過來, 但仍然冇講一聲唔好意思或對唔住等禮貌語, 經理過嚟後都話係熟晒, 都同我哋講唔好意思後, 就見議我哋可 order 另外嘢食, 因煮豬扒會比較耐啲, 於是就 order 另一個 set, 豬助骨配烤雞套餐, 嚟之前侍應將我哋啲污糟碟收咗, 換2隻乾淨碟及用回我哋用過的刀义, 但就收了我朋友的刀, 以為會比回我哋, 怎知又係要問佢攞至有 :(又係要睇面色！有刀义後就食烤雞, 點知又係失望, 啲肉又梅又冇味至於豬助骨就烚過籠, 又冇味又鞋唔係有汁就代表好味；除食物外, 服務都好差勁, 侍應不留意客人, 上菜及比嘢客人時都黑面, 咁客人為何要睇侍應的面色? 點解一間原本有好好嘅食物及有好好服務嘅餐廳會變成咁差, 究竟現代的飲食從業員是否有用心嚟做嘢！希望管理層可注意吓, 不止係呢間分店, 我都去過其他分店食, 一樣都有類似情况出現！我諗暫時都未必再去食嘢, 因為已經有好幾次失望 …查看更多