§只因‥有妳※的个人专页

今日因有要事經過銅鑼灣好急忙去左BURGER KING試下隻新包法式辣脆雞堡。７點幾既時間但係入去唔洗排隊～叫左一個包攞走，承惠１８元正，唔洗一陣就有，咁快＠＠落到地鐵站勁肚餓已經忍唔到拎個包出黎～不過因為有車喇所以返到屋企先食－３－雖然返到屋企都凍左D，不過依然有味道！！醬汁唔會太多，幾好，唔洗必晒Ｄ醬出黎＠＠塊雞有少少辣，如果食得辣既人呢Ｄ辣只係雞毛蒜皮！不過略嫌個包比想像中細＞＿＜”本來唸住BURGER KING叫得做KING...Ｄ包應該有番咁上下KING SIZE‘啦～但係今日第一次試佢地既包．．．ＵＭ．．好似細左ＤＤ囉～＿～唔知係咪淨係Ｅ隻包係咁細定係其他包都係啦，，，１８蚊一個小包．．．．好似唔係咁抵囉＝＿＝…查看更多

瞓唔著走左落去搵野食～點知好多都收晒－０－”原來筲箕灣ｅ條食街係無夜市的:(本來想食飯，見到金東大未收，唸唸下食下點心都好喎～即刻睇下有咩食先～見到有鵪鶉蛋燒賣，非買不可啦ａ＿ａ買左３籠野外賣返屋企食，有：鵪鶉蛋燒賣，魚翅餃，山竹牛肉。買完去７仔買野飲再返金華街屋企都仲係熱熱地咖＠ｏ＠魚翅餃皮薄多肉，又有菜絲有甘筍絲。鵪鶉蛋燒賣大大粒鵪鶉蛋，原來分開食同成舊擺晒落口又係２個唔同既口感同味道咖喎～:)山竹牛肉好大粒，ｄ肉軟軟腍腍，如果我囡囡係度一定都會好鍾意食原來一個人食３籠點心都已經係勁飽咖！好好味呀不枉我１１年前第一次落筲箕灣東大街就係去食佢既點心＠ｖ＠可惜既係無雞扎／口＼我好鍾意食雞扎咖因為有我最愛既雞雞同埋棉花＠ｖ＠不過係唔明點解會有咁多油，係咪因為ｄ牛肉隻碟本身有油所以倒埋落去？但係３籠點心咁就３３蚊．．唔知係我耐無去酒樓飲茶唔知價丫定係點啦～我個人就覺得貴左ｄｄｄｄ咁囉>''<不過咁夜都有點心賣比你，貴少少都抵啦～！！！…查看更多

之前黎搵朋友，朋友曾經帶過我黎ｅ度食晚飯，係深水埗區價錢都唔算係廉價。今日自己走黎深水埗買野，肚餓喇想搵茶餐廳食個中午飯，但係走左成條街都唔見一間港式茶餐廳＝０＝見到ｅ間鋪我唸起曾經黎食過晚飯，再睇睇佢係門外既餐牌，有午餐有飯３０幾蚊都算ｏｋ，入去試下先。店內環境一般，唔算大，兩邊係卡位，水吧旁有個單人卡位，我就坐左係果度。點左午餐蒜茸焗火腿豬扒飯跟凍華田。原來午餐有例湯跟，係青紅蘿蔔冬瓜湯，味道還可以。等左十分鐘我個飯到喇，滿滿既蒜汁跟飯，唔知點入手好－ｗ－”再睇～哎！唔記得叫師傅碎上吔～＿～”本來唸住叫個侍應比個碗仔同把刀我，但見她好似忙到氹氹轉咁！我自己走到水吧前面想攞一把刀，個侍應已經見到就快速地走過黎問我要ｄ咩，跟住就比左把刀我。食喇～～～～～～～睇見ｄ汁好似好濃味咁，原來食落口又唔會咸喎～ｄ飯都有咬口。有２塊火腿收左係豬扒底，我砌碎左ｄ豬扒同火腿再撈衡佢黎食。都ｏｋ喎～ｄ汁夠撈飯食，岩晒我ｅｄ唔食乾飯既人食飽左再飲下杯凍朱古力，嘩好甜～～唔記得叫走甜添＞＿＜依排食野唔慣咁甜－３－不過其實朱古力本身都係甜咖嘛～其實可以唔洗落咁多糖既啫．．．．食飽左仲坐左陣，果陣都多人食野咖～但ｄ姐姐見到我未走都無話鞋口鞋面咁，唔錯:)…查看更多

以前係灣仔做野就成日幫襯係灣仔油站入面街間得成既,因為果時返通宵,而得成又有電視睇,所以成日黎。而家無係灣仔做野都周不時會過黎灣仔食飯。有次如常想去得成食野,見到得成老闆娘企左係鋪門口隔壁惠康個位,原來而家佢地而家上左上面間薔紅做。傾多幾傾先知,原來舊底既得成上左樓上到去見到個環境,比起樓下街鋪果間好好多,d位闊d又舒服d,d卡位又唔係硬班班既~:)於是叫左我哥一齊上黎食。揀左個斜對住電視既卡位坐低左,侍應好快就拎左茶同餐牌黎,有晚餐亦有小菜飯餐,我同我哥都係飯桶之人,緊係食小菜啦~都係三十零四十蚊,係灣仔區都算ok,起碼咁多年都無話大幅加過價。餐牌上有個清蒸海上鮮,問問係乜野,原來日日都唔同既,今日係豉汁蒸蒼魚,都好丫~再叫左個雞,雞又係有得揀,有鹽焗雞同吊燒雞,今日依個雞我唔係好記得係咩雞lu~應該係鹽焗雞。我地鍾意黎依度食野原因係d侍應好攪笑,唔係串但係幾親民咁:),同埋岩晒我哥ed【大飯桶】,因為依度你唔夠飯食可以添飯咖只係唔可以晒野囉~唔會比你一次過叫定幾碗之後可能食唔晒咁囉~每次每人只限添一碗,食曬再添:)豉汁蒸蒼魚﹏d豉汁唔會太鹹,可以撈飯食d魚好滑都好多用,唔會細細條,正鹽焗雞﹏味道ok,唔會偏鹹又唔會無左陣味,d雞好滑,好多肉,唔會好肥~正不過係唔明點解要擺咁多蔥係頂囉我個人唔係咁好蔥整體上都幾好丫~食得好飽~我哥食左3碗飯!!!!!我鍾意e度多過樓下呀!!!…查看更多

岩岩趕到12點前黎到鍋貼大王,幫個FD買D野食自己又食D咁。叫左個酸辣湯,望落好似碗仔翅咁所以自己都叫多碗試下。再叫生煎包,本來唸住叫3豬1牛既,不過豬肉既買晒得番一個所以買左3牛1豬。上到FD度唸住比個豬肉生煎包佢食點知分唔到邊個先係豬-0-食到落口都係分唔到...因而4個D肉既顏色都差唔多。不過唔知係咪夠鐘收鋪D野食已經係好耐啦...個生煎包D皮好UN..入面仲有D粉粉地..唔係咁好食V_V個酸辣湯一開蓋就已經覺得會幾辣因為我同我FD都唔係食得辣既人。食落口比想像中無咁辣,淨係辣係個嘴唇,食晒成碗喉嚨一D都唔辣不過個嘴唇就興興地咁攪到好似媽潤腸=3=""不過都幾野味;P…查看更多

住左筲箕灣3個月都無話認真去搵下邊度抵食好食-3-今日有個新相識既朋友係柴灣收工話過黎筲箕灣食飯~本來我唸住去佳寶食既,但我朋友行過入去話唔係咁鍾意...佢就同我講話記得筲箕灣近住東大街有間幾好食,原來佢之前成日過黎筲箕灣去教會同D教友都會去依度食飯。我見佢話有好介紹緊係試一試啦;P行到黎原來就係話依間麗姐茶餐廳@_@平時成日行過不過就未入過去食~但周不時都見到好似幾多人咁。今日第一次入去,鋪位唔係大,似係自家生意。全部都係卡位,原來門口收銀上面有部電視添@O@岩晒我依D電視迷^^不過如果要睇環境既未必岩依度,不過依度有D香港地風味^^唔錯!餐牌唔多,不過晚飯既選擇都算齊,雞牛豬魚都有~仲有蒸魚餐添都係35蚊咋!!不過我地大約8點9去食已經無晒蒸魚喇>_<我地叫左2個餸::豆腐斑腩煲,啫啫滑雞煲。等左5分鐘多個豆腐斑腩煲到左,阿姐就叫入面筆2個飯比我地,服務都算OK。個煲唔係好大,但係D餸都唔少喎~好多舊魚!!飯唔算大碗,如果係飯桶起碼要食兩碗。食左唔夠2~3分鐘個啫啫滑雞煲都到左。依度既雞煲原來用叉燒拌碟咖~第一次咁食,味道都幾好,D雞係雞翼仲有D係大大舊雞添!!估唔到D煲比出面既細,但係D料就仲多過出面既!!我咁大食都可以食唔晒!!33蚊個餐可以揀跟野飲或者跟湯,同其他筲箕灣既茶餐廳晚餐相比,價錢係差唔多但係野食真係好足料好夠食!!味道唔錯又足料!!下次一定會再黎^^自己一個黎食都得!!…查看更多

我朋友話呢間既蛋白蛋撻幾好食所以一收工就特登搭118過深水埗試試去到門口見到蛋撻位無晒蛋撻心唸唔係咁好賣下話-0-""如果係咁好賣應該好快會再出爐~所以企左係度等。見到個牌寫住2蚊個,12蚊半打....咁2蚊個仲洗乜再寫12蚊半打呢2x6咪12囉-.-""??等左5分鐘見到新鮮出爐蛋撻喇:)心唸仲唔係我即刻買到a_a我同餅舖既售餅員講要半打蛋白蛋撻,未食過緊係先黎試試佢既蛋白蛋撻啦售餅員夾呀夾...咦~點解佢開定3個大盒既@@??原來...係有人book左我都係岩岩好仲淨番半打可以唔洗等下輪實在太誇張喇連買蛋撻都要排隊望望下發覺頭先明明係無人係度等咖嘛~而家突然多左2個男人企左係門前好似等野咁...一個半打蛋撻半打蛋白蛋撻,咁仲有2個大盒呢@_@?唔會用大盒載我果半打下話...又唔係喎o_o原來果個男人買成2打半走誇張!!!!!洗唔洗買咁多呀-_-""終於到我地喇~~~點知個售餅員話有個爛左得5個~咁我唯有買5個啦我朋友就買左10蚊咖啡味曲奇餅,都幾多喎~我拎埋佢果10蚊入去比錢順便退番2蚊,包蛋撻果個女人就行埋黎同個售餅員講清楚:【你而家收佢10蚊餅錢,退番2蚊蛋撻錢比佢,你收佢8蚊得咖喇】都ok喎夠清晰,服務唔錯:)仲唸住5個都可以有個盒拎走,原來係無的-w-都係用膠袋~o....行左一個街口到北河街我朋友話d蛋撻最好即刻食,我地就企左係北河街街市旁邊速戰速決攞起手都幾軟熟,蛋白蛋撻個蛋白面已經由出爐果陣突起脹卜卜變左收縮左少少lu~~咬落口原來d皮係有2層,外層看似曲奇皮但其他內裡係蘇皮係蛋白同撻殼中間好似有d似係椰絲bun果d口感,幾得意d蛋白好滑~仲滑過普通有埋蛋黃既蛋撻一咬落去原來入面仲熱辣辣仲出緊煙咖味道呢都ok咖,不過比起普通有埋蛋黃既蛋撻就無咁甜但都幾香!!!試埋朋友既咖啡味曲奇,外表雖然四四方方平平無奇,但眼見有d一細塊既白色東西,原來係杏仁!!!聞落好香咖啡味,咬落口唔會好甜有輕微既咖啡味,但食完塊餅個口就充滿住遺留既咖啡香味,唔錯唔錯!!!鍾意食咖啡糖或者飲咖啡既人都應該會幾鍾意:)…查看更多

好耐無過跑馬地搵蚊蚊啦～！！今日蚊蚊竟然主動打比我＠ｏ＠我就即刻出左跑馬地搵佢食野吹吹水～係大角咀過到黎跑馬地到已經係１０點幾ｌｕ～我都有ｄ肚餓但又唔想食炸野所以搵左依間以前成日黎食早餐既祥勝茶餐廳。唔知係咪耐無黎呢～好似多左好多唔同既餐＠＿＠晚餐都四十幾蚊，我見到有湯飯所以已經無唸晚餐！叫左個我最愛食既貴妃雞湯飯加左杯熱朱古力，即時暖入心＞ｖ＜未食過呢度既湯飯但見有雞雞所以一試，估唔到都幾大碗咖喎＠ｏ＠唔係淨係個碗大咖．．連ｄ雞都好多而且啖啖肉；Ｐ雞好有味＾３＾咬落口都腍腍的唔會ＵＮ，湯飯都ＯＫ多～有菇有大大條菜！真係好好味呀＞ｖ＜食完我仲想再食佢地ｄ雞＞ｏ＜不過因為份量真係唔少，所以已經飽！搵日要再去食過雞雞＞ｖ＜…查看更多

都有好幾年無黎明記糖水食過野lu~今晚有個朋友過左黎西灣河食野....話想食糖水於是就帶佢過黎試試;P都成11點半12點咖啦...都仲係咁多人...岩岩黎到好彩有人走左所以有卡位坐-3-朋友見有車仔麵選單話想食,咁我都想試試~我叫左雞翼蘿蔔米線,朋友就叫左雞翼冬菇粗麵,另外再叫左個淨食西洋菜餃。唔洗5分鐘就有野食喇~米線都ok,不過d粗麵就麻麻,無乜麵味但唔會難食^^雞翼都唔叫細隻@_@蘿蔔甜甜地,如果可以再腍少少仲正^^之後到個剩西洋菜餃,幾好食,皮好薄但唔會爛,鍾意食菜既人依個ok呀因為真係好多菜兩碗車仔麵都OK大碗...食唔晒SO要所個湯碗打包走-3-黎到明記點可以唔食糖水咖~食完車仔麵就即刻叫糖水喇:)本來我都好飽咖喇想唔食~但係記到人地枱D冰好似好好食咁-3-我又想食下糖水~我地張枱側邊牆上面有幅圖寫住冰山一角,個名都幾得意咁就叫左個試試:)又係唔洗5分鐘又有得食喇~碗冰山一角係用細細個透明玻璃碗盛放的~賣相唔錯:)面頭有D一條條好似生果又好似雪糕既啡白色方柱狀的,原來係冰黎咖啡色同白色分別係朱古力同呍呢嗱味,味道勁似維記雪糕既味道@O@雪棒上面有幾粒黑色珍珠,煙煙UN UN雪棒下面係生果,有西瓜同哈蜜瓜,而最底層望落好似雪糕,原來都係冰黎咖係芒果冰。之前幾年前黎明記都係食下糖水咖啫...今次係第一次食【冰】,感覺好新鮮,原來糖水舖都可以咁多元化咖:)順帶一提,唔知而家係咪多左人食榴槤呢~??我成晚都係咁聽到有人叫榴槤冰冰味道都幾勁幾香咖!!!榴槤愛好者可以去一試…查看更多

今日落西灣河快圖美曬完相唸住搭巴士行過呢間炒粉麵見到你肥佬炒喎今日即刻停低腳部走去買番個返屋企食8~10前細個果時好鍾意夜晚同d fd係西灣河流連~果時最鍾意幫襯既就係肥佬呢間炒粉麵同埋對住地鐵站果邊太安樓入口既肥婆車仔麵一如以往,我都係叫雜錦,不過唔係河粉,係烏冬:)....依排鍾意左食烏冬以前成日都係肥佬一個炒成日近依年見到多左2個女人,有時仲係個女人炒,女人炒既我就未食過喇-3-不過今日見肥佬係度,唔食我都唔對得住自己呀接近8點去到都有幾個人排緊隊...等左都好似唔係好耐..都唔知有無15分鐘就到我喇一買完即刻上車返筲箕灣食返到屋企依然係熱辣辣的~好正呀>v<我鍾意食肥佬炒既雜錦炒烏冬係因為有唔同既材料有牛肉有豬肉有蟹柳有火腿有獅子狗有芽菜有洋蔥有紅腸仲有蝦xx(本身係一條橙色既蝦肉果d~~~豉油唔咸幾好食d料炒得均衡有鑊氣:)總之一句:::::::::::::好食呀!!!!!!…查看更多

筲箕灣天悅樓下依間佳寶都黎過幾次，雖然唔係成日黎，但係個伙計叔叔好似記性幾好認得我咁＠＿＠１－２個星期前同阿哥黎過，到今日我一入去坐低係電視機前面側邊個卡位，佢好似仲記得我同阿哥黎過就笑住問：【今日得一個咋＠ｏ＠？】坐低左，如常地睇睇晚餐有咩食～佢地晚餐通常都係有３個中餐加２個西餐選擇，５個都係飯餐，有時會係粉麵，例湯可以揀中湯或者粟米忌薕湯。今日晚餐中餐有大馬站煲﹑五柳菊花魚﹑咸蛋蒸肉餅。ｄ名好得意，除左個肉餅我知係乜其餘２個都唔知所以叫左個伙計叔叔過黎問，我逐樣問佢佢都一一解釋晒比我知，雖然佢係做緊野，但係佢都會邊行邊答唔會嫌我煩:)個大馬站煲係用蝦醬整既有豆腐火腩蒜頭菜。五柳菊花魚佢就話係炸既同埋係酸酸地既幾醒胃，不過因為我個胃而家都唔係咁好既所以食少左好多酸野～ｓｏ決定叫大馬站煲。依度ｄ出餐效率其實都算快～但係ｄ餸真係即整咖！！叫左都唔洗１分鐘就已經即刻有例湯黎，今日係合掌瓜正！！唔知係咪我飲湯速度慢呢～未飲完就個大馬站煲已經黎喇味道ｏｋ喎～唔會太咸但就幾惹味有ｄ汁係度岩晒我呢ｄ鍾意濕濕地用黎撈飯～正呢晚唔知係咪因為個晚餐名太吸引呢～我坐低左之後都起碼聽到最少１５次大馬站煲既ｏｒｄｅｒ我鍾意依度就係因為佢地唔會吹你叫埋野飲:)而且有電視睇岩晒我呢個電視迷可以一路睇電視一路慢慢食:)仲可以食飽想飲野先落單都得＾＾唔會話一見你食完就吹你快ｄ叫野飲咁，可以慢慢黎唔洗趕頭趕命岩晒我呢ｄ滋滋柔柔既人ｘｄ…查看更多

今日我同個朋友去左太古康怡連去吉之島果條橋既果間吉野家食飯,大約係5點既時間係下午茶。我叫左個下午茶海苔珍菌泡飯加日本茶....我朋友叫左下午茶溫泉蛋牛肉飯加日本茶另外加左個海苔珍菌淨食。我同佢都係有食海苔珍菌同飲日本茶,唯獨是溫泉蛋牛肉係我朋友自己食。海苔珍菌泡飯ok呀~幾好食溫泉蛋牛肉飯可能因為隻蛋所以就唔係咁好食...…查看更多

今朝同勤子落街買野食,咁岩係6點鬆d~勤子話金樺既蛋撻岩岩出爐所以忍唔住走左去買左半打@v@買完就返上樓即食,望落好似都唔係好熱啫~點知一咬落去d蛋仲係好熱咖@[]@d蛋好滑好熱好好味>v<我足足食左4個,真係超正!!不過3蚊個就略嫌貴左dddddd@_@…查看更多

琴晚係勤子屋企上網睇電視睇到清晨5點幾,勤子瞓醒話好肚餓,就上左黎拉搵邊度有野食@_@6點幾落左亮記買外賣返上樓食,係街市入口入去第一間。咁早都幾多人,張張枱都有人。早餐有中有西,本來想食西餐咖不過見到佢有糯米雞。叫左個糯米雞跟牛肉雙拼粥早餐再加個蝦米腸。糯米雞散買14蚊個,跟粥或者跟熱飲就20-23蚊,唔算好大個,不過係荷葉外面有一塊類似蒸野用既紙包住,飯唔會好痴葉,餡料都幾多,有肉有臘腸,味道唔錯。蝦米腸份量都ok,幾滑。牛肉雙拼粥,因為係勤子既,所以我唔記得左另一材料係乜,肉唔太多。整體都ok,下次會再食:)…查看更多

幾年無食過味千LU~今日黎左健威坊間實惠買野,係等緊我哥黎幫我攞野既時候突然好肚餓所以心血來潮想黎回味下味千既味道門口有個接待位不過可能唔係繁忙時間所以無人係度,我就自己走左入去。一入門口就已經有個著住西裝類似經理既男人行埋黎問我幾位然後就來左我去出品處對開既一個二人位。地方唔太大但係感覺幾舒服,人都算多但唔會好嘈。本來有好多野我都想食咖可惜得我一個都唔知點揀好睇黎睇去都係叫番個原祖味千拉麵,有我最愛既日本叉燒又有蛋叫左唔夠5分鐘就有得食喇:)麵依然好有口感唔會一餅餅,叉燒半肥瘦肉質有咬口但又軟腍腍。本來唸住食完碗拉麵再叫D小食但係真係好飽~份量十足食完出單都好快,走既時候地都會講日文再見,禮拜幾好^^…查看更多