豬仔包..的个人专页

炸雞搥力推， 表面睇以為炸過火， 估不到一口咬下肉汁豐富， 皮脆肉嫩…正， 另一推介就是牛油果沙律， 除足料外沙律菜好新鮮 😍 旦其中一樣真係麻麻地… 烤紐西蘭西冷牛扒， 好睇唔好食， 多筋肉味淡超失望，仲要幾貴$2xx ， 另外叫了意粉…意粉過軟好難食 🙈另外， cafe 位置比較難找， 旦好在 cafe 內環境幾好又開揚， 又可以開窗好舒服 …查看更多

今天放工去了買小食吃, 經過很多次, 但還是頭一次幫襯, 買了魚旦及燒買, 魚旦爽口彈牙又不腥, 不是食到一口粉那種, $ 5 有 4粒大魚旦都算不錯及抵食吧 另外燒賣就一般比較多粉些 $ 5 有 5粒, 但還好吃不到肥豬肉, 我加了辣油, 因平時行經見到店舖亞姐切了大量紅椒粒, 所以辣油有陣新鮮紅椒的椒香, 越吃越辣超惹味 :) …查看更多

同事叫了招牌鍋底"胡椒豬肚包雞煲", 一來到大家都忍不住飲了成碗湯...個湯好濃既胡椒味, 豬肚夠綿滑...好正的湯底, 叫了 2 種不同的牛肉, "手切牛頸脊"及"安格斯牛肉", 前者肉質爽身牛味濃, 後者都好吃, 但相對來說牛頸脊要好食很多了, 所以共叫了 3碟牛頸脊, "炸響鈴"好脆但稍為厚身, 如薄些應更滋味, "炸魚皮"是新鮮炸起的卜卜脆...好吃, 另外都點了"薑蔥拌鮮魚皮", 魚皮拌著薑蔥吃很夾, 魚皮可能新鮮所以食落好爽口又不腥 試食了"潮式螄蚶", 我覺得不錯, 但如果吃不慣可能會覺得比較腥, 但吃完回家都無肚痛...証明食物處理新鮮及衛生 , 要了"手打四寶丸"都好吃, 另"脆肉鯇"我無食, 但同事個個都讚新鮮好味道, 還有"羊肉"都好靚, "豬潤"都新鮮, 另外店內有提供罐裝可樂及涼茶 (如王老吉及夏枯草), 最尾有點生菜及唐蒿, 洗得好乾淨沒有沙, 最怕出面食菜食到成口沙 呢間價錢合理, 材料新鮮, 有機會會再去過 …查看更多

同朋友行完街揾地方食野, 兜了成條街都唔知食咩好, 行反轉頭是但食一間而揀了貴香園, 舖內環境不過不失, 但枱面有 d "痴立立" 咁, 我叫了酸辣小鍋米線加雲吞小辣($ 24), 我朋友叫了炸醬薯粉加雲吞中辣($22), 可能原先是但揀呢間, 所以咩期望都無, 但我朋友既薯粉先到, 一放下己聞到香味撲鼻, 忍不住叫朋友給我試食, 真係幾好味道, 雖然係中辣但其實不太辣, 但佢既炸醬好濃香開胃, 薯粉又軟硬適中不會像"橡筋" 一樣咬不開, 但雲吞就麻麻地不太新鮮, 而且又細粒:(, 但加 4 元己有 3 粒小雲吞了, 所以都唔可以太苛求吧, 但炸醬薯粉係乾拌的(即無湯, 所以鐘意有湯既人未必鐘意) 我個碗酸辣小鍋米線遲過我朋友個碗成 5 分鐘先到, 但都係好好味道, 我叫了小辣不太辣, 所以我下次會叫辣 2 級的, 我呢碗有好多配料, 酸辣都調得剛剛好的, 而且配料配搭得好, 令到成碗米線都有唔同口感, 有芽菜, 九菜, 肉碎, 莞茜, 酸菜, 腐皮等, 佢既酸辣同譚仔既係完全不同既口味, 但各有各特色啦, 飲品我地無試到, 因為食完碗麵打算再食糖水 , 下次再去開個邊都會再黎試其他新野…查看更多

因工作關係都會經常來食下午茶, 加上又有電視睇, 下午茶都算好平所以吸引了我及同事黎食, 佢地既麵餐三餸加熱飲 18元, 凍飲就 20元幾抵食的, 我通常都叫沙爹牛肉, 炸菜肉絲, 雖然唔係咩特別食物, 但都煮得不錯的, 沙爹牛肉都好林而且味道都煮得幾好, 濃味得來又唔會加勁多蒜溶煮, 我每次都飲凍奶茶, 佢地凍奶茶唔會太澀, 有茶味及奶既份量都好適中, 香滑得來又飲得順喉...另外我見同事食既星洲炒米都好吸引, 雖然我無食過...但見佢連食咗 2-3 日, 所以我諗都幾好食的, 同埋佢地午飯套餐如果叫少飯, 好似減收 2元定 3元, 幾好又環保又慳錢, 有機會會再食:)…查看更多

一行四人本來打算食清真牛肉館的, 但太多人地方又細, 其中有一個朋友食過泰發幾次話唔錯, 所以我地轉戰泰發, 等了10分鐘內己有位, 點了菜亦都好快到, 我地點咗咸魚炒耶菜苗, 柚子海鮮沙律, 咖喱蝦另加蒜蓉包, 芒果蟹肉炒飯, 泰式生蝦及冬蔭公湯 一坐下會送上免費蝦片, 呢個好好食...好香脆及有好濃既鮮胡椒味道...正, 跟住柚子海鮮沙律, 好清新開胃的餐前菜, 柚子好多汁, 調味亦都做到酸及辣剛好, 炒耶菜苗好爽脆新鮮...但D 咸魚切得太大粒好咸, 蒜蓉包好香脆配上咖喱汁一流, 佢D咖喱蝦唔係一味死辣 而係小辣, 但又有其他香料既味道好好味,加上佢D 蝦好大隻及肉質好爽口, 泰式生蝦無想像中咁好食, 但都好新鮮, 同埋佢將D 蝦頭炸過, 唔會浪貴同都幾好味, 冬蔭公反而一般, 係夠辣但咸得濟, 如果唔咁咸應好好多, 反而最普通係芒果蟹肉炒飯, 好普通唔難食亦唔特別好食, 飲品叫了 3 杯特飲, 菠蘿冰 (好清新有少少咸味), 其餘兩杯係椰汁冰及芒果冰我朋友飲的 食到最後 4 人埋單都係約 580元, 都算好味又抵食, 最尾覺得 D 蝦片真係好啱口味 (因本人最愛黑椒或胡椒味既食品) , 佢舖外有個架放咗蝦片及炸豬片呀, 每包 10蚊一包, 好大包又好味...抵食 (老板娘及店員都好 NICE 又好快手, 抵讚 ^.^ )…查看更多

星期五半夜見肚餓, 又見近期麥記買廣告既"法國皇室凱旋堡"都幾吸引, 所以當晚同細佬叫了外賣, 細佬叫了至尊漢堡餐, 我就叫個"法國皇室凱旋堡"餐, 個包同細佬各切一半分來食, 個"法國皇室凱旋堡"幾好食, 塊牛肉比平時食既大塊, d 芝士味好香濃, 內裡既醬加上洋蔥及蕃茄令個包唔乾身, 同埋 D 味道好夾, 塊麵包都好鬆軟美味, 再配埋新鮮熱辣既薯條...好滿足呀, 不過女仔食"法國皇室凱旋堡"可能未必食得哂, 因佢塊牛肉好大塊, 我食到最尾幾啖都好"漏"了, 但男仔食應該啱啱好…查看更多

今日係西九龍中心行街行到七點, 我之前黎過西九龍中心 10 次都有, 但一直唔知 8 樓有美食廣場的, 今日誤打誤撞先發現, 即刻行咗一圈睇下有咩好野食, 今日無咩胃口一於食 d 辣野刺激下, 行到呢間舖佢有客攞住佢 d 食物行過... 好香呀, 所以揀咗呢間食 我食既係辣子雞丁飯只係 20蚊, 個店員話加 2 蚊有罐裝野飲, 所以我揀去買其他舖既特色野飲, 呢度只係單點咗佢個飯, 跟住行咗去第間舖買台式飲品, 到去櫃面攞飯時己聞到好香 個辣子雞丁飯一睇...好多乾紅椒碎, 多芹菜及好細粒既雞肉:(, d 飯一個女仔食好夠...但男仔可能會嫌少咗d, 好夠獲氣又好好味呀, 佢個樣好似勁辣, 但其實佢既辣度只係等於譚仔2小辣, 所以應該好多食開辣既都接受到 不過美食廣場都幾多選擇下, 所以下次有機會再食應會選其他試試, 但呢間都好好食, 雖然佢 d 餸係少d, 但連埋紅椒及芹菜, 加埋佢 d 汁好好送飯, 所以 20蚊有咁好既水準, 真係好抵食, ....希望店員可以keep 住水準啦…查看更多

中午2:30 和友人去到譚仔人龍依然, 但等咗約10 分鐘己經有位, 入到去即刻叫亞姐寫野先 (因好多人, 如果唔即刻寫有排等) , 我朋友叫了雞肉小辣及凍檸茶, 而我每次都係專登搭車黎食的, 所以次次都叫呢3樣野, 雞肉竹笙3小辣, 細土匪雞翼及凍檸茶 (之前飲過凍奶茶都好正, 但我此終覺得飲凍檸茶好似食麵夾 D) 雞肉竹笙3小辣...KEEP 住水準, 雞肉嫩滑, 竹笙吸收了辣辣的湯汁 好好食呀, 土匪雞翼更加係唔駛講, 就算幾飽都要叫一碟的, 雞翼皮脆肉嫩, 咬下去內裡還有肉汁的...讚:), 凍檸茶D 檸檬好新鮮, D茶又夠茶味...好解渴, 解辣一流, 但就次次都坐得好迫, 但無計, 生意好到咁...只好下次揀D 非繁忙時間黎食啦, 同埋食過幾間譚仔, 此終覺得呢間做得最好, 本人覺得譚仔好食過譚仔三哥, 因譚仔個湯底係有"付竹"既香味, 但三哥係個湯底無咩味只係勁辣咁, 所以我食譚仔都係去返官塘呢間…查看更多

當晚一行七人到達德興去打邊爐...因天氣凍打邊爐最好不過, 我們坐下要了一個鴛鴦湯底, 一邊係沙爹另一邊係清湯定豬骨湯, 但兩邊個湯底都好淡, 所以問侍應有無辣椒, 侍應話要5 蚊碟, 算數都要比, 因個湯真係太淡只係點豉油不夠的 我地點咗油麥菜, 生菜(D 菜洗得好乾淨無沙), 粟米(好細舊, 但好甜:)), 肥牛色澤鮮紅, 油脂分佈平均, 但我唔鐘意食肥牛所以無食, 不過同事話好食, 另外有 D 花膠仔好細舊, 同埋食時有少少沙, 魚肚入口好滑好軟...唔錯, 另外仲有田雞及羊肉(呢兩樣我都係唔食的) , 另外飲品要比錢另叫的, 叫咗1 支藍妹啤酒好似15蚊, 6 罐可樂但唔記得幾錢了, 另外貪得意叫咗叉燒水晶包及奶黃水晶包:) , 都係放湯煮熟食的好得意, 但好唔好食就見仁見智了, 仲有D 手打丸都係細細粒的, 但個隻應該係蝦丸就好正...好爽口的, 食飽飽去洗手間...都幾乾淨的, 但應該打邊爐下次會揀第二間, 因佢地收費唔算平, 但又唔包野飲, 醬料都要另計錢...真係呢個價錢可以有更好既選擇, 同埋可能侍應唔夠人手, 所以有時點餸或埋單都要等一陣…查看更多

每個星期日都迫爆既大快活, 所以去到第一時間係攞位而唔係叫野食先, 排隊攞野食既人龍都有成20人, 見到都頭痛緊, 今日都係食返例牌, 叫咗個炸魚柳拼雙腸, 加皮旦瘦肉粥, 配熱的即磨咖啡, 魚柳一慣的脆及金黃, 佢地D 腸仔好好食的是脆皮腸黎, 而咖啡好合我心意好夠濃香, 而皮旦瘦肉粥今次D 皮旦少咗...但都宥 4-5 塊都算OK 如果平時我午市會食佢既亞活咖喱牛腩最辣個隻, D 咖喱汁好正, 本人鐘意食牛筋多過牛腩, 所以見佢有3-4 舊牛筋都好開心的, 但佢既薯仔又大舊又無炸過.. 呢度要扣分, 但總括黎講我覺得大快活既咖喱比大家樂既好…查看更多

其實我耐唔耐隔幾日就會去日出茶太買野飲的 濃香珍珠奶茶...好夠茶味, 茶及奶既比例我覺得好啱我口味 但原味珍珠奶茶... 茶味太淡奶味就太重, 所以唔係我杯茶所以我每次都係飲濃香珍珠奶茶多, 另一樣奶茶加咖啡爽都好好飲, 佢D 咖啡爽唔會話好假既咖啡味幾自然, 但係一定要少甜, 因佢比其他奶茶偏甜咁, 另外我之前都有飲過信義梅子綠茶...7-8 月份飲就最好最解渴, 如果有小食買就更加好, 但我覺得日出茶太比好多其他既都好飲夠茶味得多....支持亞太…查看更多

當日晚餐叫了一個鐵板餐,因為晚餐時間的價錢由 80-90多元變成優惠價 60多元, 所以我揀了一個 "鐵板牛扒拼大蝦" 的餐, 晚餐包咗餐包, 餐湯, 主菜拼薯菜及凍飲 (唔駛另加錢的) 大約過左 5 分鐘己有餐包, 餐包唔錯夠熱又夠軟...幾好味:) , 之後湯要了羅宋湯都好足料,雖然好似無加牛肉, 但都好多雜菜,而且飲落應該唔係罐頭貨...ok的, 到主菜即 鐵板牛扒拼大蝦配薯菜到咗, 隻蝦真係好似佢餐牌寫咁大隻,而且 d 蝦肉好爽口及蝦頭仲食到蝦膏的甘香味...好食, 牛扒要了七成熟, 佢煮到剛好, 配埋佢 d 好好味既黑椒汁....超讚 勁鐘意個汁, 初頭食有少少辣的, 但越食越辣好正呀, 加上佢都放咗好多翠玉瓜 及 紅蘿蔔條, 感覺好似無咁肥膩及健康些, 而餐飲要了凍檸茶...幾有茶味的凍檸茶,而檸檬亦很新鮮...正常合格的凍檸茶,當晚連埋加一都係75元, 我覺得值回票價.…查看更多