麥當勞 (萬年戲院大廈)

星期五半夜見肚餓, 又見近期麥記買廣告既"法國皇室凱旋堡"都幾吸引, 所以當晚同細佬叫了外賣, 細佬叫了至尊漢堡餐, 我就叫個"法國皇室凱旋堡"餐, 個包同細佬各切一半分來食, 個"法國皇室凱旋堡"幾好食, 塊牛肉比平時食既大塊, d 芝士味好香濃, 內裡既醬加上洋蔥及蕃茄令個包唔乾身, 同埋 D 味道好夾, 塊麵包都好鬆軟美味, 再配埋新鮮熱辣既薯條...好滿足呀, 不過女仔食"法國皇室凱旋堡"可能未必食得哂, 因佢塊牛肉好大塊, 我食到最尾幾啖都好"漏"了, 但男仔食應該啱啱好