choi0623hk的个人专页

一堆食評寫好一段時間但冇時間上傳, 現在一次過整理吧很久沒來這家小店了, 想不到加了泰菜混合串燒, 這次就試試他的泰菜吧跟幾個朋友約好左係呢度晚餐, 地點方便, 食品都唔錯, 雖然沒有豪華裝潢, 但老闆的風趣增添了不少話題直入正題, 我地3個點了一個"二人超值套餐", 個套餐都幾抵食, 包左辣椒膏炒蜆, 豬牛雞各兩串, 一個麵/飯(我地點左個鮮蝦炒金邊粉), 一碟菜, 另加18蚊可以加兩杯泰式飲品, 咁我地再另叫左少少串燒同一個煎蛋辣內碎香葉飯個炒蜆真係想讚下, 個辣椒膏既味唔太搶, 味道有D似辣既豉椒炒蜆, 個蜆份量好足夠, 唔會殼多過肉, 抱歉呢味菜我地幾個食完得飯D殼時先記起冇影照, 所以無法俾大家睇了我個人就比較喜歡個炒金邊粉, 個味道好特別, 而且D粉好幼滑, 炒完冇痴埋一舊舊既情況出現, 唔食辣既朋友可以點呢個, 帶有少少pad thai 本身既甜味同微酸, 非常醒胃, 我地三個仲爭黎食相反個肉碎飯就真係好辣, 我相信老闆應該用左泰式傳統手法做, 所以個味同平時外面食既已符合港人口味既泰菜有DD唔同, 唔食得辣既真心建議唔好揀呢個, 有重重既泰國香料味, 但辣得黎又好香, 並唔係得一股乾辣味, 搞到我又辣又要食, 篤埋隻蛋食流汁咁食, 正。另外點既牛舌, 難得加左咁多泰菜後仍然保持水準, 有好香既煙燻味同老闆炆到好"林"先拎去燒, 配埋個青色醬好清爽, 一D都唔覺漏最後想讚下杯泰式奶茶, 好幼滑, 有茶味, 唔似有D地方飲到係有茶色冇茶味, 唯一唔太肯定既係老闆用咩奶/茶膽沖, 個味比港式茶記係有D唔同, 唔通係用椰奶沖?'整體黎講我覺得老闆有進步左, 會肯試新野俾客人食, 有機會我會再黎同朋友食…查看更多

同朋友食生日飯, 一班人圍埋一齊食係最開心架啦:)我地當中有人唔食辣, 所以就叫左一個原味同一個芝士雞煲, 每煲半隻5個人食夠曬了職員上雞煲既時候會幫你撈, 滾左就會落醬汁同酒然後點火, 最期待就係點火既時間原味雞煲既辣唔算好勁, 帶有少少甜, 食得出有層次既味道, 唔係一股乾辣味雞斬得有大件, 如果可以細少少就好本人唔係芝士控, 所以芝士雞煲對我就太over了, 食幾件已經覺得好"餾"火鍋配料都好新鮮, 份量都唔少, 如果唔多人就要注意點既份量了。我地自己帶左個生日蛋糕上去, 店要收我地50蚊, 咁人地要做生意我地都認為合理既職員好好人專登先幫我地執好枱先上個蛋糕俾我地, 仲幫我地影左一輪相先分個蛋糕…查看更多

同朋友去開SSP砌機, 整完都已經8點幾9點, 就隨便搵間近黃金既店朋友話想食車仔麵就係文記拎左飛, 雖然要等20個number, 但係好多都係走左, 最後只需等15分鐘就有位先講講店鋪格局, 雖然係車仔麵, 但店舖都算好乾淨, 唔係到處污積, 油lam lam 咁坐位分成一排排咁, 好似D 一張長方枱咁橫向坐, 你會見到對面既食客餐牌係一張彩色可寫既膠片, 食客可以用白板筆圈上你想要既食物, 好環保我點左豬紅, 豬大腸, 白菜餃, 墨魚丸米粉, 個秘制辣汁辣得好正, 一定要試, 但要提下呢個辣真心辣, 唔食辣既朋友要少少少少就好個白菜餃好好食, 係綠色皮, 另外個瑞士雞翼煮得好入味, 好lam, 相對比較甜, 成間鋪D野食都好正, 有機會會再黎食…查看更多

難得係將軍澳搵到間唔係大型連鎖店既越南野,就盲中中入左去試店內環境乾淨, 燈光好Warm, 位置充足, 仲有Wifi 提供點左個青越墨魚餅撈檬, 檸檬茶同蒸粉卷個撈檬上既墨魚餅有點咸,少少散, 不過可能我個人但整體味道都算唔錯檸檬茶就冇特別, 香港標準水準, 份量幾大, 唔係飲兩啖冇最敗筆反而係個蒸粉卷, 好多地方溝既米漿都好散, 呢間都唔例外, 仲要一黎就已經散, 就不作多評了成間鋪好舒服, 可以再食多次…查看更多

西灣河近來開左好幾間越南野但咁耐一直冇食過呢間越北，happy Friday一個人食飯就入去試下環境：地方乾淨，燈光足夠，，冷氣ok，坐枱唔算逼食物：夏天熱辣辣，唔想食熱野，就點左個鴛鴦撈檬食(豬扒加雞翼)，加埋魚露酸酸甜甜十分開胃，份量十分之大碟，啲粉係隻碟度大過一隻手，成坐山咁高，有俾十分多菜同青瓜，啱晒唔想食咁多殿份質既人，豬朳幾冧亦夠入味，上碟時有剪開唔洗食到成面油，雞翼都夠香茅味外皮有夠脆，但兩樣既調味都幾甜，可能我食唔慣另外叫左一杯青檸梳打，唔知係咪加左青檸糖水，我冇乜篤都已經好酸，份量則屬一般。服務：值得一讚係我一個人去食，當時店面唔算多客，所以佢俾左我坐四人枱，後來開始人多佢都冇逼啲客同我搭枱，伙計好好人咁盡量分晒係其他位，到食完時先兩叫兩個搭枱坐旁邊，唔會有催人走既感覺，心裡食得舒服。最後，餐牌冇照顧到一人食客，所有既餐都係二人到四人起，一人去食就唯有散叫粉同野飲啦…查看更多

生日同朋友食飯，叫左兩個撈麵一人一碗加一份餃子，落單時侍應好大聲話兩碗麵，仲要幫我地圈埋，亦不忘提醒撈麵要等。等了一會，我朋友那碗到了，朋友見我碗麵未到就故意食慢一點等，等多陣，見到隔離比我地遲落單既客人拉麵都到了，我就叫侍應跟一跟單，侍應就只敷衍我話可能多單出唔切，但我眼見場內很多位都未坐滿，咁我只叫佢幫我跟跟再等多一陣，隔離枱既撈麵都到左，我就覺得好奇怪，check一check單，原來係落漏左單，我即刻火都黎，第一個侍應話跟單，原來連單都冇睇，第二個侍應係幫我地落單嗰位男人，同佢講完就一句唔好意思都冇，佢就拎左張單去入廚房，再若無其事咁出返場，我就等多十分鐘先有野食，到離開店，我一句對唔住唔好意思都冇收到1. 兩個人，兩碗麵一碟餃子都唔係好複習姐，兩碗麵同一張落單紙都落漏單。2. 重點係侍應既態度實在令人氣憤，敷衍了事，如果第一次叫跟單有發現漏單就唔洗再白等。侍應有錯，非但冇道歉，仲扮若無其事發生，我一向以為日本公司員工訓練有素，佢地公司有需要再培訓員工。3.最後到食物，麵又唔係十分好食，撈麵沒特色味道，只像家中以豉油，葱花，蛋加鹽，撈埋一齊就完成。4.結論，blacklisted，不會再到此幫襯，完。…查看更多

第一次來是去年下旬，那時候剛去完台灣旅行，來這裡回味台灣的感覺。那時候這裡的確找到台灣的味道。這次是我第二次來，真的不會再有第三次。食物質素下降了不少，我們點了紅燒牛肉飯跟鹽酥雞飯。鹽酥雞沒調味，只能算一般的炸雞；紅燒牛肉沒味道，平常在街邊的牛腩也比它好吃，唯一只能讚的是炆得很冧，很軟。店內服務，去年來的時候已知道要自己到收銀處點餐，現在仍沒變。但盤子要自己送回餐車，奇怪的是店內明明有五六個待應游手好閒，只能感嘆整家店從食物到服務都倒退到food court的質素。整體來說跟一般連鎖food court內找到的台灣食品沒有分别，一樣難吃。唯一沒變的就是這裡的裝潢，尋找美味的不建議來，完。*P.s.附上兩張場內照證明曾到此一餐…查看更多

有日行過油麻地，見到幾個o靚仔係間鋪度打掃緊，原來係老闆黎，話遲啲開張，咁就約左幾個frd去試新野。先講下個餐牌(掛住食唔記得影), 有幾樣野都係平時係街少見既，好似西班牙乳豬，煙肉秋葵，花雕醉雞翼等反正我地幾個就乜都試下，講下個牛脷先本人其實係唔喜歡牛脷同wasabi既，朋友叫左都冇辦法唔share, 值得一讚既係牛脷有好香既蘋果木煙熏味，肉質好軟，入口即溶，wasabi味唔太重中和左燒烤既油膩感，好好食最大路既牛肉超抵食，啲牛肉一粒粒好似牛扒咁，都只係14蚊一串，老闆仲透露佢係用巴西牛，唔係大陸牛，牛魔王人仕必食！平時食雞翼不外乎，炸，煎，buffalo wing, 辣味雞翼，而花雕雞翼通常都係涷食，老闆將佢帶係串燒界，估唔到個味好夾仲好入味，鐘意食雞翼既推介煙肉秋葵與新彊豬肚，我鐘意個豬肚，煮得夠腍，唔un。而秋葵煙肉就口感好有趣，一方面好有味一方面好漿，只有呢度先有。我地仲點左豬頸肉(抱歉掛住食冇影相),泰式醬好入味，肉汁鎖住係肉入面，燒完出黎一d都唔乾，必試！最後就係大啡菇，老闆似乎係全能廚師，自制左香草醬放係菇上面燒，隻菇好大隻，我地四人每人分左半隻已經好滿足，香草醬味唔搶過菇味，菇仲好多汁，十分滿足總結：出餐速度十分快，食品每樣都有水準而且每樣都有各自既特色，可見老闆落左不少工夫。肚就得一個，遺憾冇辨法食到佢隻乳豬，下次有機會會試下，老板仲話遲下有燒海鮮，期待下次黎會有新野食…查看更多