kizna_gaki的个人专页

呢間平時食開雞蛋仔係ok嘅，今次試佢個梳乎厘pancake就認真唔掂，賣相都。。未食果陣都唔錯嘅，我加咗8蚊加咗朱古力+棉花糖餡，夾埋36蚊，我講咗個賣相先，嗱，佢鋪頭張圖係正常白色棉花糖，但我食落去竟然係七彩顏色，唔講仲以為自己食緊乜野生化食品個味道仲要好唔得，完全無蛋味，仲益益地，唔知係棉花糖影響定咩，但andway就係唔好食！白白浪費咗我人生20分鐘去等呢舊野，無下次，要食都係食返雞蛋仔算喇:(…查看更多

放假46笑騎騎咁話帶我食好西，之後黎咗呢間mini club，老老實實我未去過club字嘅地方，原本以為係好似電視果d咁入面會好黑好嘈有班人跳吓跳吓...舞，點知！入到去裝修非常有格調。我從來唔飲酒，因為好怕酒果種苦味同好搶喉，但46話唔會，仲點咗隻好靚靚嘅玫瑰花俾我飲落好順喉，仲好重玫瑰花味呢杯係我貪玩叫嘅，個名好盞鬼叫what the duck有泡泡有酒仲有爆炸糖德國腸拼盤，一次過試哂5種腸香烤蜜糖雞翼，焗得啱啱好，雞肉多汁唔會乾哂水，蜜糖好香，又唔會太甜。意式辣肉腸pizza，經典香濃蕃茄味配辣肉腸，best match 極上炭燒安格斯牛仔骨，牛肉味好香，肉質嫩滑，配喜瑪拉雅山岩鹽食，更加帶出肉嘅鮮味火焰西班牙黑毛豬鞍扒，除咗樣靚亦有內涵，呢塊黑毛豬用咗沖繩鹽麴調味，鹽麴鹹度較低，對腎無咁大負擔，而且營養同酵素都比鹽高，酵素仲可以護膚添，最最最關鍵係鹽鞠可以軟化肉質，呢隻豬，鮮嫩多汁好味道而且健康 仲食鹽就out了！最開心係見到呢個巴黎鐵塔店員仲幫我地放乾冰放煙，真係好靚好浪漫身為一個甜品控真係好難唔失控，我就好似有唔只兩個胃咁，每樣甜品都要試哂落肚 特別推介係泡芙同朱古力好完滿嘅一餐好西，46無介紹錯，真係好正最後我46問我，佢值幾多分，我答佢46分，佢有d sad咁問我點解，我話因為佢永遠都係我46囉，同埋俾d進步空間你呀，嘻嘻…查看更多

食素既同事仔好開心推薦咗呢間俾我 , 我見到佢D相已經好開心喇 , 裝修真係好靚好舒服! 於是星期六捉咗朋友陪我去嚕 , 有D意外喎! 工廈鋪星期六竟然都幾多人 , 好彩都搵到位呢.未食已經興奮 , 成間店都充滿住幸福味道.本身我無食過素食 , 見到實在大開眼界 , 原來素食都好多選擇WO.我叫咗個意大利飯 , 朋友就叫咗個酸辣湯面講講我個意大利飯先 , 菇味好香 , 入面D蔬菜好新鮮爽甜 , 意大利飯好creamy , 粒粒飯都好飽滿 , 唔會碎濕濕.出色既係酸辣湯面 , 我呃咗朋友啖湯黎飲 , 飲過返唔到轉頭!係好鮮甜GE蔬菜湯帶微微酸辣 , 味道好清新! 真想外賣打包返屋企俾屋企人開心些牙.…查看更多

忽然間辣癮起 , 就同同事齊齊叫外賣食啦 , 食咗外婆好多年喇 , 支持光輝圍小店! 係外賣就比較貴D , 2個碗收4蚊. 但好過堂食既 , 堂食真係好多人等位 , 有時仲要坐出店外 , 證明FANS真係都幾多.近年黎外婆對辣度輕手咗 , 貼近返港人口味 , 以前食小辣都叫救命 , 而家一般辣度都唔係好辣 , 不過佢個"麻"度真係好正 , 條脷痺哂好過癮!今次我叫GE係XO醬撈烏冬配口水雞 , XO醬好香 , 烏冬彈牙 , 口水雞好嫩滑 , 唯一美中不足係係辣度唔夠 , 下次食我會加辣!…查看更多

呢間野態度好差，一坐低個女侍應已經黑面掉餐牌落張枱，真心唔明入黎食野有咩得罪到佢！算啦我地忍佢，到落單我地叫1份扒1個飯，講咗好多次女侍應都係錯，我唯有講no. 317啦，佢無覆單，仲好串咁問我要幾多成熟，但no.317係飯黎！另外我地叫咗份7成熟嘅肉眼，送到埋黎變10成熟(碟上)，用刀都切唔開咁濟，咁同侍應講返有問題，點知女侍應係咁響我地後面不停指住我地黎講。最後換咗碟西冷俾我地，塊扒落咗好多鬆肉粉，梅到好似食緊屎咁，都算啦，個女侍應仲專登行去響我地附近問哂其他枱落飲品，係唔問我地，Find無所謂，你地咁對客無下次咁解！…查看更多

難得3連休，夜晚緊係要食番餐好，朋友推薦咗呢間雞煲，佢話呢間個雞煲可以refill喎， 味道又一流，仲要係之後有火鍋任食添！ 個雞煲好惹味，辣度夠，d雞啖啖肉又嫩滑呢個油炸鬼係放落雞煲度一齊煮嘅，脆卜卜嘅油炸鬼喪哂雞煲嘅味道，好似食緊零食咁過癮呀避風塘炒蟹，重口味之選焗生蠔，芝士忌廉唔會搶咗蠔嘅鮮味海鮮拼盤，每款都大大隻，隻鮑魚仲新鮮到識郁架食完雞煲可以上湯底打邊爐，我原本仲以為係雞煲加水，這樣也太有heart了吧，而且濃縮高湯整成嘅鴨仔，超級可愛！！！！呢碟牛無得彈呀，鮮嫩肉味濃，真係想一塊又一塊啪哂落口手打三寶丸食完仲有甜品送，好香奶味嘅布甸…查看更多

好耐無食過荳子，見唔算好多人就同朋友入咗去食，見佢改咗新menu，想試新野又心思思想食返食開果個黑松露飯，最後都係試咗佢新嘅香草忌廉雞肉意粉。充滿香草味嘅creamy醬汁，鮮嫩雞肉加配洋蔥紅椒等蔬菜感覺非常清新不覺膩，係味道略淡。最後點少得甜品，我點咗抹茶心太軟配雪糕。重點推介！！！！超級有驚喜！！個心太軟一叉咗落去一發不可收拾呀，流心流到火山大爆發咁都係第1次見，見到都覺得興奮，起碼流咗5分鐘佢仲有野流，真係好後悔無拍片呃like。味道唔錯，我好怕綠茶野有苦澀味，不過佢無苦澀，但又唔會係死甜果隻，一句講哂真係必試之選…查看更多

附近美心醫肚，樣樣都係五十幾蚊，見扒餐都係五十幾咁又幾抵，就叫咗個黎食，好靚好大份，份雜扒有雞扒，豬扒，煙肉，腸仔同薯菜，仲有埋龍蝦湯同飲品不過係有少少亂，我明明無走腸竟然無咗條腸，我唯有問佢攞返，廚房好大聲話我走腸，但張單都無寫我走腸，好彩最後都拎得返條腸雞扒同豬扒都好juicy，唔會話over cook變到乾爭爭，醬汁個量啱啱好，夠點哂所有食物，蔬菜份量都幾多，balance返個罪惡感，飽到捧主個肚返屋企呢…查看更多

三五成群最啱食咩？就梗係打邊爐啦，香港人對食就最厭尖，普通邊爐厭悶，雞煲又厭熱氣，粥底蒸氣火鍋都係個好選擇。所以我地成班姊妹去咗食蒸氣火鍋，一邊食好西一邊講八卦一邊講心事，過咗個好開心嘅晚上鮮甜象拔蚌刺身。避風塘豬手，惹味之選。大大隻生蠔同扇貝。大過隻匙嘅扇貝。香噴噴香葉糯米飯。避風塘豆腐，重口味一定啱食。味菜配津白，想像唔到咁夾。打邊爐又點少得蔬菜呢。南瓜粥底，老闆掉咗象拔蚌膽落去煲，又綿又鮮甜。…查看更多

心情唔好出去黃金海岸吹吹風，肚餓見裝修幾靚就入咗呢間「一浩」。識坐一定坐吧枱，有得睇廚師整之餘仲有得同廚師交流，摸下酒杯底。我點咗個omakase，日文嘅意思係「廚師發辦」，顧名思義就係不問菜式，不問煮法，食客不用頭痕食乜好，期待著由廚師帶給自己的驚喜。師傅手起刀落，熟練的刀功，令人大飽眼褔。豆味香，質感細滑，配上日本洋蔥青䓤白䓤，帶出雙重口感。三文魚刺身及蔬菜配上黑醋汁，非常醒胃。炭燒魷魚，炭香撲鼻，魷魚爽口彈牙而不韌。擺盤精美，刺身鮮味。薄薄的炸粉炸至金黃色，看出廚師的功力。充滿油香的煎鵝肝配上香脆法包，廚師巧妙地利用藍莓醬汁中和了鵝肝的油膩感。入口即融之燒銀鱈魚。燒牛腹肉，肉味濃郁，可配上旁邊小配料一起食用，一牛幾味，推薦柚子海鹽，柚子甘香令肉味昇華至更高層次。廚師發辦的壽司，使用了當造新鮮食材，為今餐劃上了完美句號。…查看更多

香港人生活勞碌，OT已成慣例，收工已經係宵夜時段，呢日都唔例外，唔同嘅係同一班好同事邊一邊佢，豪食一翻鬆一鬆。我地揀咗呢間靚煲皇，真係好多人，內外場都滿場咁濟。我地叫咗個豬骨湯底，好香濃嘅豬骨味，湯底仲有豬軟骨食，幾好丫，有得墊肚，哈哈。我地點咗以下的：雲吞好甜鮮蝦味，一睇原來落咗大大粒蝦響入面，怪之唔得；手切牛肉肉質好有咬口，肉味香；蔬菜盤款式多，菜都好新鮮，唔會有爛同生銹；擺盤都擺得好靚，絕無hea場。就係咁，我地過咗好美滿嘅一餐時間，食飽飽訓個靚覺，第二朝再返回殘酷既現實。…查看更多

淘大呢條食街，雖然好多野食，不過叫我揀我永遠揀落手，唯獨是呢間吉豚屋只需快餐店嘅價錢，但食物完全唔頹，仲keep到日本個水準鐵板滑蛋吉列雞扒配烏冬，熱辣辣，雞扒又滑又多汁，雖然雞扒有醬汁同滑蛋浸住，但炸粉不會冧哂烏冬又彈牙59蚊呢個價除咗吉豚屋仲去邊度搵！食完仲有cash coupon，下次幫襯有得用，amazing！…查看更多

Lunch水咗2個同事仔出街食泰國菜，點知間野竟然無開，唯有搵過第間，入咗呢間小店食。我點咗海南雞飯，佢有得揀白飯/油飯，我覺得幾貼心。碟雞好大碟，雞肉厚亦嫩滑，啖啖肉好正，個雞汁好夠辣油飯香，但唔夠乾身。仲送咗個雞湯，湯加咗d胡椒調味，令個湯更添泰國風味…查看更多

weekend去旺角行街街，行到肚仔餓入咗呢開醫肚。叫咗我至愛燒春雞飯，隻春雞真係好大隻，仲好幽默咁插咗支"我係一隻雞"嘅旗仔，見到都會心一笑，食落煙燻味好香，肉質嫩但帶乾身，如果多個汁點就更好味。另外仲點咗追加食物炸雞翼同沙律，10蚊份咋！個雞翼熱辣辣，咬落去鮮嫩多汁好好食。特別想讚沙律相當大份，菜好新鮮每塊都好靚無生銹，醬汁份量亦啱啱好。比較特別想講嘅係沙律竟然加咗焦糖爆谷！！沙律菜本身帶點苦澀我好怕食，為咗健康我都會迫自己食，但加咗爆谷之後係可以中和菜果種苦澀味，Good 👍 …查看更多

最近凍凍地又身痕想去滾(邊爐)啦! 我怕肥，揀咗午餐去滾，原來小肥羊市任食做優惠，假日只係88蚊(另加一)，抵到一個點!原本阿妹話約咗朋友high tea唔食，我話叫佢響門口聞下陣味先，佢諗2秒唔夠就話要食XD至於食物同晚巿有少少分別，得豬牛羊雞係落單，其他出去自取，呢個價錢黎講依然抵食，去快餐店食加完配料都差唔多了，咁不如小肥羊啦，任食啱哂我呢d大胃妹。…查看更多