靚煲皇 (已結業)

香港人生活勞碌，OT已成慣例，收工已經係宵夜時段，呢日都唔例外，唔同嘅係同一班好同事邊一邊佢，豪食一翻鬆一鬆。我地揀咗呢間靚煲皇，真係好多人，內外場都滿場咁濟。我地叫咗個豬骨湯底，好香濃嘅豬骨味，湯底仲有豬軟骨食，幾好丫，有得墊肚，哈哈。我地點咗以下的：雲吞好甜鮮蝦味，一睇原來落咗大大粒蝦響入面，怪之唔得；手切牛肉肉質好有咬口，肉味香；蔬菜盤款式多，菜都好新鮮，唔會有爛同生銹；擺盤都擺得好靚，絕無hea場。就係咁，我地過咗好美滿嘅一餐時間，食飽飽訓個靚覺，第二朝再返回殘酷既現實。