KiKylie92的个人专页

間唔中都會有機會去下觀塘, 因為觀塘我覺得都算幾多美食嘅地方, 今次就去咗食日月堂😋日月堂喺工廠大廈裏面, 係好多餐廳星期日都唔開嘅時候佢都有開, 而且仲好多人去幫襯添, 我哋一家都好鍾意食台式嘢, 日月堂有好多唔同款式既食物選擇, 絕對係值得介紹俾大家🤓紅燒牛肉麵 $70 - 呢碗紅燒牛肉麵嘅牛肉非常之多, 味道各方面都好好, 美中不足係覺得唔係好夠熱麻辣鴨血$48 - 自從朋友介紹咗我食鴨血之後, 我就有一段時間成日心思思好想食, 今次見到一月堂有就order黎試吓, 呢個鴨血有啲失望, 唔夠熱同埋唔夠麻辣, 不過如果你係怕辣嘅人就可以一試😄鹽酥雞滷肉飯午餐 $65 - 呢個鹽酥雞滷肉飯可以話係必點, 鹽酥雞酥炸得好鬆脆, 唔會有種好油同埋炸得好耐嘅感覺, 滷肉飯Little K 話好好食👍🏻👍🏻跟餐再加咗個甜不辣$18 - 我好鍾意呢個甜不辣, 唔係度度都好食, 但係呢間好好食😋起司肉鬆蛋卷餅$40 - 雖然係普通嘅菜式, 但日月堂都做到令人有種想一口接一口食落去既感覺, 芝士同肉鬆真係好夾, 必點👍🏻珍珠奶茶加椰果少甜$25 - 唔知係咪我好耐冇飲珍珠奶茶嘅關係, 我覺得呢杯珍珠奶茶超級好飲, 唔太甜又夠茶味, 珍珠又好咬, 必點👍🏻呢間去完之後已經忍唔住介紹咗俾幾個為食好友, 因為覺得又好食又抵食👍🏻👍🏻一定會再去😋…查看更多

我超級鍾意食scone, 基本上食afternoon Tea都係最期待食scone 😋見到中上環開咗間主打食scone 加咖啡既cafe, 於是就決定去試下🤓我叫左Scone set $68, 包括有2件原味scone, 無花果果醬同homemade mascarpone cream, 另外再叫咗杯latte $40 ☕️由於好多人都話好好食, 所以我都抱有一定嘅期望, scone size 唔算大, 一次過食兩個都唔會覺得好飽, 佢嘅質地都算比較鬆化, 唔會好乾身嘅口感, 至於個cream...個人口味比較鍾意Clotted cream, 啲無花果果醬就比較淡口味嘅, 我覺得呢啲都好睇個人口味🙃杯latte 幾香, 加埋個環境都值得約埋三五知己去食下野傾下計🤓不過坦白講試咗一次之後覺得唔算太驚喜, 可能因為期望太高😛不過我會去試多次佢其他嘅食品例如蛋糕🍰希望可以有驚喜啦🙂…查看更多

上星期六約咗幾位好友一齊去Sky100 既Café 100 by The Ritz-Carlton, Hong Kong 度為好友慶生🎂仲一齊享受左一個美景配美食嘅下午🤓平時見面都係約去食afternoon tea, 今次就試吓呢個全新推出既「Café 100 最高『慶』迷你生日派對」, 除咗有美食同埋飲品外, 仲提供左影相既小道具俾大家📸係呢度有超級靚嘅背景俾我地打卡, 我哋仲一齊係度睇埋日落, 個景色真係好靚好靚🌄售價：港幣 698 元(免加一服務費)套票包括：- 天際100入場門票四張- 半磅朱古力生日蛋糕- 兩份自選派對小食 (自選菜單 薄餅除外)- 四杯飲品 (咖啡或茶)- 派對小道具 (將隨機提供不同款式)食物方面我地㨂左色彩班蘭, 班蘭窩夫、芒果、椰子碎、北海道牛乳雪糕🍦呢個斑蘭窩夫我覺得幾好食同埋鬆軟😋香脆雞柳配薯片及時令沙律、蜜糖芥茉醬, 個人覺得沙律嘅菜相對普通, 如果可以新鮮啲就更加好🙂飲品方面我哋揀咗泡沫咖啡, 我鍾意飲呢杯咖啡覺得咖啡味好香濃☕️仲有Sky 100既拉花🥰我自己最鍾意食個朱古力蛋糕, 半磅唔會食唔晒, 個蛋糕朱古力味好好食, 真係會令人一啖接一啖咁食唔停😋不經不覺我哋幾位媽媽由天光傾到天黑, 正好可以為最近繁忙嘅日子唞一唞氣, 提醒我除咗係媽媽之外, 我仲可以係我自己❤️題外話呢度嘅景色日頭睇同夜晚睇感覺完全唔同, 夜晚有種好浪漫嘅感覺呢☺️Sky100 Cafe 100地址：尖沙咀柯士甸道西1號環球貿易廣場(ICC)100樓天際100香港觀景台…查看更多

好耐好耐好耐無去過飲茶🥢就係琴日學完野之後喺附近搵嘢食嘅時候, 見到呢間點心到幾時就決定去試吓(最大原因係果一刻唔使等位😛)呢度食點心嘅餐廳當然同茶樓好唔同, 而且環境都頗擠迫, 不過對於我哋得一個鐘時間食點心嘅話, 呢類嘅點心餐廳就會比較啱我哋😄我地點左：黑金流沙包$25 - Little K 話最鐘意呢個, 覺得好似食緊月餅咁喎😛蜆蚧鯪魚球$25-Daddy 話好好食👍🏻鮮竹牛肉球$19-Ok, 唔錯四寶滑雞扎$28-個雞真係幾滑👍🏻黑松露菜苗餃 $26-幾好食但係個黑松露就冇乜味🙂上海小籠包$24-小籠包入邊的湯好好味😋蠟味飯$45- size 比想像中大, 都唔錯🙂榴槤雪媚娘 $32-值得一試, 但係cream 太多, 如果鍾意食榴槤嘅試一次😚茶錢$3 個食咗一陣出邊已經有10個8個人排緊隊, 環境都幾迫, 適合幾個人想食點心但唔係for 你嘆茶既之選☺️…查看更多

星期日帶左sum sum 去打針, 之後就去左將軍澳南度搵食😋 我哋揀咗Route 99, 呢間餐廳裝修得好靚, 好多影相位, 當日見到好多狗主帶狗狗去食嘢同埋影靚相📸座位方面我覺得坐得好舒服, 自己食物質素方面我覺得不過不失, 我唔知係咪因為寵物餐廳驚易爛嘅關係, 見過幾間都係選擇用紙盤而唔係上碟俾客人用, 定為咗慳人手呢？我地Order 左：🐶 漢堡包 $88 （無激素雞肉、甘筍、南瓜、鱷魚肉、 鱷魚粉、生菜、乳酸菌芝士、西冷扒牛肉）雖然我覺得份量唔多, 但Sum sum 最終都係食唔哂😛👨🏻Texas burger 🍔 $148不過不失, 唔算有大驚喜🙂👧🏻👩🏻All day breakfast $138Waffle 我覺得ok, 其他既都係正常, 另外佢嘅薯餅係比較濕既口感, 有別於平時我哋食隨脆口嗰款, 我自己就麻麻哋😛👩🏻👧🏻share 左杯朱古力奶昔$66杯朱古力奶昔係幾好飲, 而且仲好飽肚, 不過覺得價錢偏貴🤓我覺得食物質素就普通, 不過作為寵物有善餐廳我覺得都值得俾相對高小小既價錢去幫襯既😊而且嗰度好多打卡位, 可以幫狗狗影好多靚相🐶同埋座位好舒適, 總括來講我覺得都值得去嘅❤️…查看更多

上星期終於都黎左友人介紹位於深水埗嘅蕃茄師兄🍅平時我同Daddy 都好鍾意食蕃茄, 所以都有一定嘅期望, 而囡囡果日話唔太肚餓, 不過我地都叫左3碗黎食😋👧🏻滑一滑烏冬$49（+$8加芝士同加粟米粒）👩🏻一貝子烏冬$69（+$3加粟米粒）👨🏻帶子牛郞日式拉麵$69另外叫咗兩支有機豆漿$10 支叫得蕃茄師兄，果然喺煮蕃茄湯方面真係10分出色，囡囡雖然話唔係好肚餓，但係佢話真係好好食所以佢都食咗大半碗😋佢嘅番茄湯好香濃，飲完都唔算太口渴，我覺得好好味所以食哂一碗完全無難度👍🏻Daddy就欣賞呢度既牛舌，不枉佢要係戒口既情況下食牛🤪…查看更多

早排Little K 考完試, 好友就帶左佢去玩 （衷心感謝❤️) 咁我同Daddy 就趁呢個好機會去食久違嘅二人晚餐🍽果日我想食壽司🍣Daddy 就㨂左坑口Gateway 既鮪世市場, 呢間小店鋪仔細細, 大約坐到7至8 人, 嗰日我哋平日嘅夜晚七點去到, 等左大約半個鐘, 最可惜既係果間無海膽供應, 呢樣都真係幾失望🍣我自己本身鍾意食壽司多個刺身, 嗰日叫咗個特大赤海蝦刺身同本鮪刺身, 個特大赤海蝦真係好好食好鮮甜, 手卷同壽司嘅味道都好好, 全部都好新鮮😋美中不足都係果句 - 無海膽🙈 如有有埋海膽真係perfect 呀😋😋😋😋呢間小店真係好多人食, 基本上門口都keep住有人等位, 同埋我唔建議帶小朋友嚟, 最好2個人去就比較好, 因為小朋友未必坐得舒服同埋未必好啱佢哋食, 同埋鋪仔太細所以都要等相當既時間😛#自從2年前無去某間食壽司嘅餐廳後就好小去食壽司#呢間係好食嘅#如果你唔介意等嘅話…查看更多

某日經開澳南, Little K 發現左一間裝潢好日系既餐廳叫屋子UCHI, 佢就話不如搵日去食😋當然我知道呢類既新餐廳應該好多人排隊去打咭, 星期六日應該都無咩可能食到, 於是係家長日完咗後就專登去食, 平日果然可以即刻入去, 但最靚既幾個位就無機會坐啦, 不過都唔緊要, 最緊要係唔駛排隊😛不過當我地坐低後之後陸陸續續多人🙂入到去餐廳空間感好大, 令人真係有種好relax 既感覺, 不過係冷氣開得比較大, 就連平日成日話熱既Little K 都係咁話凍🥶果日我地大約4點到, 只係得甜品同飲品可以order, 我地叫左2個甜品同一杯飲品分別如下：❤️白玉焙茶戚風 $68本身已經好想食戚風蛋糕, 見到配上白玉就覺得呢個係必食之選🤓朋友講個戚風蛋糕其實好易整(不過我未試過整), 識落係好鬆軟再加上佢嘅烘茶味道好濃, cream 亦好幼滑, 白玉有5粒, 我覺得好好食, 我自己好鐘意食😋😋❤️紫薯麻糬小鬆餅 $82呢款係Daddy話想試嘅, 我對呢款甜品本來冇乜期望, 因為平時食過既小鬆餅一係就比較乾身同埋偏甜, 但當我食左一啖呢度既小鬆餅, 我就即刻同Little K 講呢個小鬆餅好好食👍🏻👍🏻👍🏻又軟熟又唔算太甜, 中間有一球雪糕(不過我好似只係食左一啖就俾人據為己有🤪), 紫薯味道ok, 呢款甜品係幾好食嘅, 但份量較細🙃❤️黑糖珍珠牛奶 $45呢個飲品係Little K要求嘅, 佢熱飲同凍飲隻杯係一樣, 以呢個價錢來講真係比較細杯, Little K 話好好飲, 黑糖珍珠有咬口, 但真係太細杯了😅以食物份量同加一後既價錢黎計, 呢度既甜品同飲品係頗貴的, 不過質素就係唔錯既, 如果想打咭既都不妨去試下😋…查看更多

早2星期去左一間好鐘意既cafe , 去完一定要介紹俾大家🤓🤓依家彈返星期六日想搵間好嘅餐廳都要預時間等位, 所以係早兩個星期日我地11:45就去到係觀塘既Lagom Kaffe, 去到嘅時候都開始有人入座, 今次我哋帶埋sum sum 去, 所以就會坐戶外嘅位置😎Lagom 成間餐廳都好大, 戶外位置都好寬敞, 如果帶狗狗嘅話佢係歡迎你坐戶外, 只要自己留意番狗狗嘅清潔就可以(其實每間餐廳都係要狗主自己留意嘅🙂), 等到12點先可以喺個電話度落單, 所以我哋就輕輕鬆鬆咁坐喺度等到12點🙂👧🏻經典蕃茄肉醬意粉 $88 飲：凍多明尼加朱古力奶$48蕃茄肉醬意粉肉醬份量唔少, 絕對啱小朋友口味😋杯朱古力奶其實我覺得幾貴, 同埋佢嘅朱古力味非常濃, 平時好鐘意飲朱古力奶既Little K竟然唔鐘意🤪👨🏻台北燉牛肉意粉(辛）$98呢個燉牛肉意粉比我想像中好食好多, 有麻辣嘅味道, 牛肉嫩滑, 呢款我地好鐘意食👍🏻👍🏻👍🏻👍🏻👩🏻炸魚薯條$88飲：Hot caffe Latte $34炸魚薯條係即叫即炸嘅, 炸魚嘅粉漿唔算多, 魚夠滑, 沙律菜亦都好好食👍🏻👍🏻Latte 唔錯, 如果再熱啲更加好😋😋Lagom 戶外位置真係好舒服好好坐, 食物質素又好😋而且非常多人等位🤪所以有心去嘅朋友真係要早啲啦❤️…查看更多

作為一個咖啡愛好者, 去唔同既餐廳/cafe 飲返杯靚咖啡就係我放假最大既享受☕️位於康城既Interval, 係唯一既商場入面坐擁一個唔錯既位置, 而且裝修簡約寬倘, 加上有一個戶外嘅位置(呢個位置係公眾嘅),令人好容易就留意到佢🤓我地星期六去食所以就無lunch set, order 左既食物如下😋❇️Pizza Di Parma $118Pizza 整得出色, 脆口得黎包身唔會乾, 有咬口, 芝士配上巴馬火腿好好食, 好食加抵食之選👍🏻❇️Spaghettini Carbonara $148比較普通, 但就啱Little K 口味, 個人黎講覺得唔太值呢個價🤓❇️Basque Burnt Cheesecake $108Cheesecake 好有驚喜, 芝士味好香濃細滑, 完全食到我停唔到口😋我見有人話2個人份量, 如果2個都咁鐘意食就會覺得唔夠喉😛😛❇️Expresso Soda - Planadas (tropical fruit, cocoa) $44幾得意既一杯咖啡☕️飲咗啖之後會發覺鹹鹹地, 佢嘅咖啡豆令到飲完之後有種回甘既味道, 不過太濃既咖啡唔太啱我同daddy, 不過係幾得意嘅口味😄❇️Latte Planadas (tropical fruit, cocoa) $38好飲既Latte, 佢既咖啡豆同頭先Expresso soda 係一樣既, 都係有種回甘既味道, 加左奶味道好好飲👍🏻👍🏻整體黎講, 相比質素, interval 價格偏高, 如果將軍澳區似乎有其他選擇, 但係康城黎講算係一個唔錯既餐廳🍴順帶一提, 員工有禮貌, 問佢地有關咖啡既問題都好樂意答👍🏻值得加分👍🏻…查看更多

都有好一段時間冇去牧羊少年, 趁住放假就去食個late lunch 🍴點知3點零鐘去到都要排隊, 證明呢間餐廳都得到好多人嘅歡心😋我哋叫咗3個lunch set, 分別係以下呢啲🤓👧🏻明太子鳳尾蝦意大利粉 飲水果茶 $92其實我一睇個名就估到Little K可能未必鍾意食, 但係佢話想試下, 所以就叫俾佢去試吓, 果然不出我所料, 佢真係唔鍾意😛不過我同Daddy都覺得幾好食, 杯水果茶唔錯, 都幾啱小朋友飲😋👩🏻厚切雞扒蕃茄沙律菜意大利包配蜜糖芥末薯角 飲熱latte ☕️ $88 (latte 另加$12)雞扒好大塊而且雞肉嫩滑, 個意大利包口感唔錯, 薯角夠脆口👍🏻👍🏻杯latte 無咩咖啡味, 我忍不住同Daddy 講好在係加錢飲, 如果單叫$40一杯真係唔值🙃👨🏻黃金鹹蛋苦瓜忌廉雞肉意大利粉 飲Americano $88呢個係我哋睇咗個名之後就已經好想試下, 送到過嚟外表唔係太吸引, 不過食落係幾得意嘅, 值得一試😋Americano 比latte 好飲🙂其實仲好想食個甜品, 不過實在太飽食唔落, 順帶一提牧羊少年裝修咗之後比之前坐得更舒服, 夜晚嚟食環境更加唔錯🌠…查看更多

一放假我哋就會去搵值得幫襯嘅餐廳/cafe, 今次去左觀塘嘅Nutmad, 本身我諗住平日放假去食應該唔使訂位, 點知早一日喺OpenRice度見到話Walk in實冇位, 即是好擔心咁樣打個電話去問, 店員話要兩點先有位, 見到OpenRice啲comment咁好, 兩點就兩點啦☺️喺APM行過去都好方便, 入到去原來地方唔算大, 如果好食嘅話應該真係好難會Walk in入到去, 環境唔算話好relax嗰隻cafe, 不過open kitchen來講就覺得佢好企理好整齊, 餐牌款式唔算多, 不過都啱我哋一家三口食😋👧🏻橄欖番茄大通粉配餐湯同lemonade $110Little K 好鐘意食, 佢覺得蕃茄醬個味好濃好好食, 美中不足嘅係第二份比較硬身, 如果可以煮耐少少就更加好😋Lemonade 唔係間間都啱小朋友口味. Nutmad既Lemonade 係我同Little K 都覺得好好飲, 佢同我講唔太甜唔太酸剛剛好👍🏻👍🏻👩🏻慢煮西班牙伊比利亞黑毛豬，咖啡香料配餐湯同凍咖啡 $198呢個慢煮黑毛豬我比💯分, 真係超級好食, 應該係煮熟咗之後再加蜜糖用慢火燒, 再加埋點上佢嘅咖啡香料, 令到口感非常豐富🥰🥰我哋三個都一致覺得超級好食👍🏻👍🏻👍🏻凍咖啡自己加奶(我哋冇落糖), 店員提醒我哋如果落咗奶之後會將咖啡味溝淡咗, 我試咗一啖冇落奶嘅咖啡味好飲但偏酸, 落咗少量奶之後果然咖啡味溝淡咗, 不過依然好啱我口味👍🏻👨🏻宮保雞丁辣椒意大利卷粉配餐湯同凍咖啡$130爹哋鍾意試新野, 每次佢都會叫啲我一定唔會叫既食物, 咁就+可以俾我試一啖半淡睇吓好唔好食😛呢個宮保雞丁意大利卷粉望落去一啲都唔吸引, 食第一啖仲覺得好普通, 但係食多兩啖就覺得好好食, 帶有麻辣嘅味道, 有種越食越過癮嘅感覺😋🍨甜品方面我哋叫咗焦糖香蕉·雪糕·法式多士$92雪糕份量比較少我只分配到一啖好香嘅雲呢拿味道, 雪糕中帶有雲呢拿籽, 如果雪糕份量大啲就好啦☺️焦糖香蕉好味👍🏻法式多士份量好大, 食得出浸咗好多蛋汁係入邊, 如果雪糕分量大啲配多士更好👍🏻總括嚟講, Nutmad係令我好有驚喜, 埋完單之後忍唔住同店員講：你哋嘅嘢食真係好好食👍🏻👍🏻下次一定要再去幫襯😋…查看更多

Beans 就去得多, 今次就去試吓佢嘅荳子冰室試下先 😎今次我哋星期日大約12:00佢嘅時間都見到長長嘅隊排緊, 大約等咗半個鐘就有位啦☺️呢度係用QR code去落單嘅, 我哋今次食咗以下嘅食物：👧🏻餐肉粒茄湯通配丹麥多士煙肉蘑菇奄列 $48平日好小食午餐肉既Little K 就唔多欣賞佢嘅餐肉粒, 嘩太淋好似啫喱, 不過佢就話個番茄湯底好好食, 丹麥多士佢話覺得太多牛油🤭煙肉蘑菇奄列佢話ok🤓👩🏻我就當然食我鐘意既沙嗲牛肉公仔麵配丹麥多士黑松露炒滑蛋/飲凍咖啡 $48 （凍飲另加$3）個沙嗲牛肉公仔麵真係好。好。食👍🏻👍🏻👍🏻夠沙嗲嘅濃味但係唔會太鹹, 個面底亦都煮得好好食, 夠硬身👍🏻牛肉份量唔會太少, 值得再食😋 丹麥多士確實真係好似Little K 咁講比較多牛油, 牛油分量少啲嘅話會較好, 松露炒蛋夠滑👍🏻👍🏻另外凍咖啡都係值得一讚嘅🙂👨🏻叫左鐵板雜扒配薯菜/叉燒餐包/飲凍檸茶$88（叉燒餐包加$5/凍飲另加$3）雜扒份量夠, 件牛扒好好食, 熟嘅程度係剛剛好, 夠淋, 雞扒亦都夠滑, 整體來講依個價錢算係唔錯👍🏻另外我哋為左把遮仔就再加咗$15要左個椰絲啫喱糖, 不過就冇得走椰絲😛見到把遮仔大家嘅童年回憶返晒黎🤭🤭下次會再去試吓荳子冰室嘅炒粉麵飯, 因為見到人哋食好似都好唔錯😋…查看更多

心血來潮想食日本野, 就去左開左幾個月但一直都未幫襯過既山一, 山一係和食屋, 價錢走中位價路線, 呢日我地等左10分鐘度就有位。我地order 左以下幾樣：❇️山一兒童餐-白 $98蟹柳壽司玉子壽司熟蝦壽司、加州卷、日式炸餃子兩隻、日式味付油揚稻庭烏冬、甜品（泡芙一粒）呢個兒童餐算幾抵, 我女話稻庭烏冬好食😋其他嘅壽司正正常常不過不失。❇️北海魚生丼$188壽司飯同平時食嘅無咁多醋味，個人來講鍾意多醋味嘅壽司飯多啲，海膽好新鮮，本來覺得比較細碗，但係食咗個海膽之後就發覺值回票價❇️海鮮蒸蛋$42平視我個女好鍾意食日式蒸蛋，不過呢道既海鮮蒸蛋佢食咗一啖就冇再食啦，我試左覺得蛋味比較淡，整體來講比較普通❇️蟹棒壽司腐皮壽司各$16正常味道不過不失❇️三文魚魚湯泡飯$88呢樣我覺得做得出色既，三文魚煮得剛剛好，好滑好好食，加埋個脆脆（唔知係咩黎既呢）配上湯飯好好食😋唯一不足係唔夠熱整體來講唔算太有驚喜，侍應冇主動加水，感覺上人手安排比較混亂，但可以一試。…查看更多

本人十分鐘意食bagel, 所以一知道有得食begel既地方都想去試下🥯今次去到中環嘅Bagels Alley, 佢位於好隱蔽嘅後行位置, 可以經喜訊大廈行入去, 但係行入去嘅時候你會發覺好似冇呢間鋪咁, 好彩佢都有只是牌清晰咁樣指示俾人行入去🍴店舖唔算大, 有indoor 同outdoor 位置, 要先俾錢買左再送餐🍽今次我食咗牛油果莎莎bagel sandwich $75, 一送到時覺得份量都頗大, 蕃茄同生菜份量都多, 食落去時候發覺bagel 都幾硬, 同我平時食有咬口既好唔同,對於一間專係賣Bagel 既餐廳黎講, 老實講我係幾失望既, 另外牛油果太生, 都令到我覺得整體係扣分既。…查看更多