Winkiki的個人專頁

港台節目<街角有落>介紹了這間食店 ，它的點心都是師傅每天三點起身準備的。這天是周六, 平常中午前都不露面的我, 早上十點就爬起床, 為了去這裡飲茶吃點心。港鐵西營盤站落車行5分鐘左右就到, 其實我不是第一次行這條路, 但就是走過門口都不覺得有間舖在旁邊, 不太起眼。食店沒有華麗的裝修, 也沒有舒適的桌椅, 只有歲月留下來的痕跡。甫入門口已經感受到滿滿的人情味,  因我們兩人一起進店, 眼看所有枱都只有單丁位，近門口的一張2人枱坐著的1個客人, 見到我們就主動讓枱,  他調去另一個單丁位, 真係好好人,  感謝!! 安頓下來就開茶, 想想食什麼點心。我們傻傻的想出去蒸籠位置自助取點心, 哈哈! 店員話跟他落單就可以, 他就會把點心送上枱!! 是日點餐如下: 蟹王燒賣$16, 吃到入面有豬肉混入爽口的蝦肉, 是比較粗粒有口感的有肉香的!   鮮蝦餃$16, 比一般酒樓吃到的細粒少少, 可以一口一粒, 蝦肉爽口皮簿煙韌。 醬汁鳳爪$16, 這款不是我點的, 我都吃了1隻, 入口不太油膩!鮮蝦腸粉$17, 腸粉夠滑蝦肉爽口, 較特別係淋面的不是甜味豉油, 是有咸味的! 鮮竹雞紮$16, 很足料, 最鍾意就係裡面的芋頭, 好入味而且都淋, 好好味呀!! 現在酒樓的雞紮不一定會放芋頭了!馬拉糕$14, 好香的糕味, 鬆軟, 甜度剛好, 好味!!埋單時, 總數係$101, 我們剛好沒有帶硬幣, 只能付2張紙幣, 店員竟然退回1張紙幣, 說$1不收了,  我們說不好, 但他堅持, 真的非常不好意思, 這事亦再一次感受到這裡的人情味。總結, 這次所食的點心味道很不錯, 亦不算很油膩! 這種舊式香港點心店及自家製點心已經買少見少, 仲有機會去光顧時應該珍惜, 真的值得一試再試!  已經想好下次再來, 我要試雞球大包和蓮蓉包! …查看更多

其實幾乎個個星期六的下午茶時間都會經過這冰室, 每次都會想入去食, 因為這裡的下午茶餐有好多選擇, 例如: 焗飯, 咖哩, 多士等, 而且味道亦不錯, 不過近期經過時都見門外排長龍, 已經一陣子沒有去過了! 今日睡懶覺, 晚了出門, 幾乎5點才到, 終於不用等位。自從有次聽到有人叫榴槤西多士, 一直念念不忘想要試, 等到今日終於食到!我今日點了榴槤西多士($30)加凍檸茶(+$2)! 榴槤西多士的外表跟普通西多士無大分別! 糖漿已經放左向碟邊, 無得自己加!中間切開, 可以見到2塊包夾滿榴槤茸, 見到都覺得正咀嚼時就食到啖榴槤茸, 已問隔離果位話聞不到有榴槤味, 但我自己覺得口入面充滿榴槤香, 每啖都有, 份量剛好!! 推介俾鍾意榴槤的人!!仲有飲品跟埋, 凍飲加2蚊!隔果位就叫左公司三文治($39), 但我唔記得影相, 我食左1/4件, 麵包厚薄適中, 烘後外脆內軟, 材料好足呀, 都好好味!!…查看更多

之前逛利東街, 見到有幾間新開的餐廳想試, 撞岩近排天氣咁熱, 有藉口申請休假唔煮飯, 和老公約會逛街外出用餐, 哈哈! 這次選了利東街街口(近皇后大道東的一邊)的LA BO LA, 門口不算太顯眼, 站在皇后大道東望入去係這個樣我們訂了1930的枱, 但早到了1915查詢時亦可入座。行進餐廳先會經過酒吧, 行到入面就有普通枱, 枱唔多亦都差不多坐滿。門外露天位置都有幾張枱, 適合吸煙人士。我的座位看到, 旁邊有個位置用好多條粗麻繩做間隔幾特別喎!!睇下食咩和飲咩先:研究後決定食呢啲:Tufu Fries $68 : 外觀好似粗薯條, 其實係豆腐切成粗條, 炸至外皮香脆, 而且很堅挺, 用叉咭住食都唔會斷的豆腐條。外脆而入面似豆腐卜的口感, 食之前加少少青檸去膩又開胃。 食薯條就多, 豆腐條都係第一次, 味道可以亦好像比較健康!!Signature Labola boneless chicken wings $88: 因為寫住Signature 而想試, 炸得外皮好脆亦好薄, 而且係剛炸好, 一口咬下入面熱辣辣出晒煙, 雞翼無骨只有雞翼肉, 好嫰滑, 配合有少少酸辣的醬汁一齊食, 正! Traditional Crispy Spring Rolls $68: 越式的春卷, 好香脆, 春卷內材料塞到滿滿, 有肉碎加埋爽口的木耳絲等等。 跟配酸辣汁, 青檸, 紅椒絲, 香葉及新鮮生菜配, 可自由選擇用來包住春卷食! La Bo La Ox Tongue Rice $128: 好驚喜呀, 厚切的牛舌煮到好淋, 入口即溶, 配上黑椒汁, 微微辣, 送飯食好好, 好味!! 開頭我有驚牛舌會酥, 但見用店名命名的飯, 應該係招牌菜, 就好想試喎, 真係值得一試!! 飲品方面, 老公就飲左杯生啤($55)!!而我就因為Meun一句"Simple is the Best", 揀左這杯cocktail - Malibu Coconut $88, 外表就係1個普通的椰青, 簡單的1個新鮮開的椰青加入椰子甜酒, 好清甜的椰青水味, 只有非常微微的酒味, 好清新, 果然係Simple is the best!! (如果覺得cocktail 係應該好有酒味的話, 咁就唔適合揀呢杯喇!)總結, 這裡的裝修, 飲品和食物都不錯, 而家諗番就想再食它們的牛舌飯, 以後晚飯或飲野就多個地方選擇喇!!…查看更多

周六下午來到觀塘工廠區附近覓食, 心目中有兩個選擇, 一係就去華嫂冰室, 到達門口見到非常多人在等位就放棄了, 所以我去了另一間, 近期好熱門的, 有電影"那些年"感覺, 舊式台灣學校感覺的「小時光」。下午3時左右到達, 店內人頭湧湧, 座無虛席。我們要先取籌, 然後到門外等, 門外有拍照點, 拍了數張照片, 店員就說我們有位。店內環境因為有太多其他客人, 所以沒有拍照, 他們所用的木餐枱及木椅子就像是中/小學時用的那種, 所以對成人如我都覺得點太矮及太細張, 較高大又腳長的人覺得坐得不太舒服。裝潢還有帶點舊的輔導室牌, 不整齊地放滿漫畫的舊書架, 黑板等充滿學校的味道。我們入座後就先看餐牌, 餐牌每個字都寫了國語的拼音, 看不懂, 但很台味。選好就去點餐, 自己到收銀處購買付款, 然後就會給一個取餐呼叫器, 飯餐準備好就會震動通知就可以出去取餐。 平日餐點如飯及麵等, 可以用優惠價配飲品, 周六就沒有, 全部正價。便當都有跟一碟三款的前菜, 有惹味的醃芽菜, 菜莆, 蒜味西蘭花, 為餐點補充一些蔬菜。紅燒牛肉便當($48): 紅燒牛肉夠入味和夠淋, 仲有紅蘿蔔都好入味, 吸晒牛肉和香料精華, 用來送飯很不錯!! 飯面的酸菜送飯和牛肉食可以消膩。 黑糖奶茶($28): 點餐時問是否有台式珍珠, 但他回覆沒有珍珠, 只有黑糖凍, 可能台灣那個年代還未有珍珠呢。黑糖奶茶不是奶茶用黑糖調甜味, 而係配合黑糖凍飲用。飲品用3個實驗室燒杯盛著, 分別是奶茶, 黑糖凍和冰。不過燒杯唔大, 要分幾次溝, 奶茶的茶味和奶味都唔太出, 不像台式奶茶, 黑糖凍口感好QQ! 古早味炸排骨便當($55): 炸排骨, 表面炸得好脆, 但入面的肉就有點乾, 配飯食。美綠恐龍($20): 都係用3個實驗室燒杯盛著, 分別是美綠, 美綠粉拼美綠脆脆和冰。美綠味唔夠濃, 美綠粉混合了脆脆味道唔太夾。  離開時係要自己拎盤子到收集處, 是台式學校飯堂的規矩嗎?! 這裡的裝潢和用具都很有台式學校的感覺, 食物味道可以但就不太有台味, 可以一試, 亦可感受下店主想說的小時光是什麼...…查看更多

放工後到利東街逛, 沒有找到我要買的東西, 然後肚子就開始打鼓了,需要醫肚先, 想起了5分鐘路程去到的北方餃子源, 立即衝過去。必點我最愛的鮮蝦豬肉韭黃餃(10隻$48): 可選10隻或5隻, 因為我太愛這款餃子, 所以點10隻!! 餃子皮厚薄適中, 咬起來彈牙, 而且因為皮唔會太簿, 可鎖住裡面的肉汁, 食的時候一咬開就有鮮甜的肉汁流出, 好正。餡料有蝦肉, 豬肉和韭黃。蝦肉係切粒的, 唔會太碎, 可以咬到。3個餡料的味道好夾, 真係好好味  拌青瓜($25): 有肉都要瓜菜類, 所以點了拌青瓜。這裡用的醬汁跟外面不太一樣, 是麻醬加少少辣汁拌爽脆青瓜, 很惹味開胃!酸辣湯($18): 1人份, 吃著碟上沒有湯的餃子, 拌這碗酸辣湯最好不過, 湯比較杰身, 酸辣度適中, 很開胃而且非常足料, 有蛋絲, 豆腐絲及木耳絲等。有菜有肉有湯的一人份晚餐, 夠豐富唔怕悶, 埋單$91! 這家餐廳的食物唔算大份亦唔貴, 一個人可吃得完,不會浪費, 吃得飽飽, 很滿足!…查看更多

約2年前, Dazzling Cafe剛在港開業時, 食過1次。那時很紅很多人排隊, 我和朋友於開舖前約半小時到達, 人龍由門口轉大彎地排到去後樓梯, 等到12點開舖, 排前面的就可以入座, 店坐滿座後, 就開始派籌, 我們的籌差不多等到3點才有位!! 店員像是從台灣來, 有笑容有禮貌, 很有台灣人的親切感。店員細心解釋每一款有什麼選擇, 就是店員推介了鬆餅可以加麻糬, 食起來有QQ口感, 味道真係一試難忘呢!! 好服務及好味道一直都想再食, 但就不願排隊!事隔差不多兩年, 這店已經開了一家分店在銅鑼灣, 心想人流分了在2間店, 現在應該不用排隊了!! 剛巧在尖沙咀要找晚飯地點, 朋友完全交我決定, 就係咁我終於可以再食啦!! 1900 到達, 有人龍在排隊, 從門口排到電梯口, 而且好快就向前移動, 等了半個多小時終於入坐了。朋友不肚餓, 所以我們沒有點主菜, 點了最低消費必須點的2杯飲品, 及1款小食和2款甜品, 這樣已經很夠飽了!!松露薯條($48): 炸到香脆的薯條加入松露醬拌勻, 看似沒有太多松露醬, 但其實很夠味, 不需要再加其他醬汁食!! 草莓繽粉冰淇淋鬆餅($95)(另加麻糬+$15): 終於可以再食到有這款鬆餅, 鬆餅的外皮是烘得好脆, 而入面加了麻糬真係有彈牙qq口感, 拌了3款醬(糖醬, 煉奶, 草莓醬), 我用煉奶配, 覺得好夾, 就冇再試另外2款醬了!! 香蕉巧克力蜜糖吐司($95): 選了正常口感, 正常就不太脆, 有點後悔, 因為上次選酥脆口感比較好味! 吐司沒有蜜糖味, 要自己加。雖說係香蕉, 巧克力和蜜糖的吐司, 這3樣食品分別都在碟上, 可以按自己喜好把3款食物加在吐司上食, 但自己混出來的味好像夾唔埋, 味道一般。冰釀蜂蜜蘋果茶($40): (唔記得影相...) 飲品面有塊薄菏葉, 唔覺有蜂蜜味, 有少少甜味和重薄荷味的蘋果茶, 唔太喜歡薄荷味。這次再去, 感覺係, 雖然店員還是講國語, 但全部都無笑容, 請他們點餐及加水時回應超冷淡, 完全沒有了第一次來店感受到的台灣人親切感。2人枱好細, 勉強放得下所有食物, 全餐感覺好迫。鬆餅和薯條是好味, 但吐司和飲品都麻麻地, 服務一般,  價錢不便宜, 短時間未必會再去了!…查看更多

跟朋友約飯局, 她建議試這間位於九龍城的店, 我當然讚成, 因為不想動腦筋, 而且看OPENRICE 都有很多笑臉應該不錯吧。我這天要從港島區出發, 還好有巴士到附近, 落車後行約5分鐘左右就到! 我們約於7點左右到達食店, 店內人唔多, 如果想找食店可以慢慢食慢慢傾, 這店確係必然之選。店舖裝修像日本的居酒屋。 除了主餐牌外, 牆上還掛了黑板手寫了一些特別菜式, 好快就揀好食什麼!! 這裡有酒供應, 但我們不太會喝, 所以沒有叫。前菜($10), 每位客人都會有1客的，我估計係每日不同, 今天是帶微酸辣的開胃芽菜! 彩虹卷($138)：外型看起來色彩繽紛, 見到都覺得好開心! 反卷的面層舖上了有三文魚, 油甘魚及吞拿魚刺身, 再加上蟹子和牛油果, 這幾款食材拼起來就做成彩紅色的效果呢!! 而反卷的入面包住青瓜絲及蟹柳。刺身都是好新鮮, 食每一件都有不同的撘配, 很特別, 原來刺身加上牛油果味道很不錯呢!鹽燒鯖魚($75): 不喜歡食魚的我, 但朋友想食所以都叫了這條鯖魚。原只係扮食一啖, 點知一試後, 覺得超讚, 魚皮燒到很香脆, 魚肉亦很鮮嬾, 熱食完全沒有腥味! 這魚要襯熱食, 因為其他餸菜來到的時間, 冷落了它, 到再記起它時, 再吃時已經凍到有點腥味。牛肉壽喜鍋($98): 看到這個鍋的顏色, 以為是日式那種常吃到偏甜味湯底。原來喝起來, 完全唔同, 都係有少少甜但亦吃到少少醬油味。侍應建議我們叫了1碗白飯($15)一齊食, 牛肉很肥美, 牛肉加湯撈飯一起吃, !!冬菇博多煮($78): 看餸名覺得很特別所以點, 上枱時覺得好像普通燜冬菇, 食完先知內有乾坤!!! 鮮冬菇釀了蝦膠, 蝦膠內含有粒粒爽口的蝦肉, 釀好的冬菇煎完再用醬汁煮, 原來冬菇加蝦膠肉係好好味!! 芥末焗廣島蠔($65): 焗好熱辣辣的上枱, 蠔面舖上了芥末醬一起燒, 吃起來芥末醬有少少攻鼻的感覺, 好醒神, 配入面隻蠔剛熟好JUICY, 好鮮!! 醬+蠔一起吃就不會覺有平常吃蠔會膩的感覺!!奉送甜品一客: 豆腐雪糕, 很清新的豆香味, 像雪糕口感的豆腐花, 哈哈!!對我而言, 九龍城沒有地鐵, 不太就腳, 本來比較少去。今日去完這間日本菜, 有點改觀, 其實撘巴士直達很方便, 而且食店有水準, 下次想跟朋友沒有限時地好好享用美味的日本菜時, 一定會再來這裡!!…查看更多

曾經看過朋友於臉書上傳這家店西瓜盅的照片, 印象深刻。 恰好在找家人生日飯的地點, 在OPENRICE這店的食評中見到同款西瓜盅被吸引了, 再看看其他餸菜, 好像這裡的海鮮餸菜很不錯, 決定試下。我於用餐前一天, 致電訂位及查詢7人用的餐單, 留下手機號碼等店員WHATSAPP給我。 約10分鐘後店員傳了幾個不同價錢的7位用餐單給我選擇。 因為有人不吃牛, 有人要戒口不能吃蝦蟹, 又因生日飯大家都話唔食西瓜盅,亦想查詢是否有壽包供應, 跟店員商量後, 又加又減又轉地得出了一個我和家人都滿意的菜單, 期待著!! 晚上分2個時段可訂位, 分別是18:00和20:30。我們訂了20:30時段, 當日20:15已經到, 好彩已經有枱執好, 即刻有位坐。店內沒有太多裝飾, 簡單為主, 人齊坐好就正式上菜, 先上的是冷盤前菜:小食(送): 桂花糖蕃茄: 雪凍了的去皮蕃茄, 吃起來有淡淡的甜香, 正~風味雞亦尖: 雖然外表白雪雪的, 但出奇的入味。雞皮沒有肥油的酥味, 卻有蒜味及少少甜味, 平時唔太食雞亦尖的我都食完再食, 好味!!拍青瓜: 爽脆帶酸味的青瓜, 普通。麻辣卥水拼盤(小小辣):麻辣手撕雞: 手撕雞和青瓜絲混在一起, 看起來沒有太多紅油, 但吃起來都幾麻辣, 雞肉和青瓜絲一齊食, 減少膩的感覺!麻辣鹵水豬大腸, 腸洗得很乾淨, 沒有臭味, 卥水的豬大腸很入味, 加了少少麻辣油, 不算太辣仍有香甜的卥水味, 正!!(原本有金錢肚, 因家人不吃牛, 所以定菜單時刪掉了麻辣鹵水金錢肚)砂鍋大魚頭豆腐湯: 非常大鍋熱辣辣濃香的魚湯, 沒有腥味, 好正!!  但不算太多湯渣, 鍋底有魚頭及少量豆腐, 每人都添了1次湯, 主菜未到已經喝了2大碗湯!!(店員話如果湯攤凍左, 可以幫我們翻熱呢!)蒜蓉粉絲蒸蟶子皇: 蒸得剛好, 蟶子皇真係好大隻亦好爽甜, 伴著蒜香的惹味!! 蒜容混合碟上入晒味的粉絲夠我送1碗飯了, 超正!!白胡椒爆炒南非鮑魚: 之前都係食清蒸, 爆炒都係第一次食, 炒得剛好, 鮑魚仲係好淋, 胡椒味好強勁辣口, 但都食到鮑魚的鮮甜味, 好味!!避風塘炒大肉蟹1只(小辣): 避風塘炒的肉蟹, 只係少少辣, 很惹味, 隻蟹應該好新鮮, 蟹肉好鮮甜又夠實!!士多啤梨骨: 多甜少酸味的醬汁包著豬肋骨,略嫌骨太大舊好難夾同咬!金華玉樹雞半只: 是一塊金華火腿夾一件雞不斷重疊排成的, 雞肉都算蒸得嫰, 原以為加入金華火腿疊著蒸雞會好咸, 原來唔會的!蒜蓉炒菜心: 這晚的菜心很大條, 偏老了點, 可能已經好飽, 這個吃起來普通!早一天預訂時, 請店準備了壽包, 賀家人生日!! 上枱時剛蒸好, 好大個, 脹卜卜, 咬落包的部份鬆軟, 內為蓮蓉餡不算太甜(沒有蛋黃), 雖然食左好多餸, 但都立即吃下1個大壽包!! 最後係甜品紅豆椰汁糕, 是椰汁味好香的椰汁糕,上面淋上唔算太甜的紅豆紫米汁, 味道ok, 但實在太飽了, 我吃了兩件就吃不下了。我其實唔受得太辣但又鍾意有辣果種惹味, 食左一半冷盤前菜已經頂唔住要叫汽水飲, 店員主動提醒可以讚好御膳+簽到+分享店內食物相就可送1支小樽的汽水送!! 抵呀!自己比較少去工廈的食店, 原對其服務沒太大期望, 但食完覺得比預期中好好多, 店員很主動, 主動詢問是否可上菜, 他們就出菜又唔會一次過, 但亦不會要每碟餸隔好耐。吃完主菜上甜品和壽包前, 主動的把我們枱上好混亂的碗碟及碗邊的雞骨蟹殼等都掃清, 抺乾淨, 才上壽包和甜品, 所以我們之後和壽包影相時, 張枱係非常整齊乾淨! 這餐我們一行7人都吃得飽飽, 個個都很滿意餸菜的味道和服務, 亦已經想下次再來食喇!! 哈哈!!…查看更多

自從那些年去台灣旅行時, 到了台灣人愛光顧的早餐店, 食到他們的蛋餅, 一試愛上。當年回港後就算想食, 只可以寄望再去台灣旅行再食。直到前幾年找到這家專賣台式蛋餅的小店, 終於唔駛去台灣都有台式蛋餅食喇。這天我點了肉鬆玉米雙拼蛋餅($30), 蛋餅如台灣早餐店的一樣, 即點即整。先煎最外層的餅皮, 加蛋煎熟, 中間加了肉鬆和玉米卷在一起再切成件, 上碟後於蛋餅上加了醬油膏調味。一口咬下, 先有餅皮的QQ口感, 玉米的香甜, 肉鬆的入口即脆溶, 再有少少醬油膏的甜咸味~ 真係幾似向台灣食到的味道!!小倆口特調樽裝咖啡(凍)($25), 是樽裝的台式咖啡, 奶味濃, 有咖啡味, 甜味剛好, 不會太甜, 咖啡入口好濃厚。可能是因為原樽冰凍, 沒有加添冰塊, 所以很原汁原味。如果你都喜歡蛋餅, 我會繼續這家支持台式蛋餅小店~…查看更多

是晚只有自己食晚餐, 突然想起北角的這家我主觀認為有點加拿大風快餐店的熱狗, 想去就去吧!! 看著餐牌, 1個人能夠的食力有限,  食雞翼還是薯條好呢!? 最後決定晚餐如下Nude Hotdog, Buffalo Wings (Honey Garlic), Ice lemon tea, 這裡是先到收銀付錢取單坐低等食, 侍應會將食物送到!!從前我是不喜歡吃熱狗, 自從某年吃過加拿大某街頭的車仔檔熱狗之後就喜歡上, 在香港想食類似的熱狗, 近似的暫時只找到這間。 這裡的熱狗都是即叫即整, 麵包和香腸都放在爐上面燒烘, 麵包就烘到外脆內軟, 腸仔就烘到有少少焦, 有燒香的味道, 外皮脆, 肉就熱。話明係NUDE, 所以上枱時仲係光脫脫的沒有加配料和醬。選NUDE的原因是這裡有個自助配料和醬料吧, 可以按自己的喜好加入配料和醬汁,  我加了香甜的栗米, 洋蔥, 仲有白色的少少酸的菜(上網研究後估計係德國泡菜), 還有Sweet Relish(甜甜酸酸醬配熱狗的肥膩, 好夾), 茄汁和芥辣!這個就是我整的熱狗!! 一口咬下好豐富啊!! 配料和醬汁的水份, 剛好中和加在烘到有點乾的熱狗。最後沒有選薯條, 而點了外面比較少吃到的Buffalo Wing(honey garlic), 一碟有6隻, 碟邊還有西芹配blue cheese醬。這個雞翼炸好後, 再撈了蜜糖蒜茸味的醬汁, 雞翼的外層沾滿了甜甜的蒜味醬汁好好食!!! 雖然炸過, 但食唔到炸粉/炸漿, 所以雞翼不脆, 但不影響它的美味!這晚店內人不多, 可以慢慢食和享受這頓美味的一人晚餐!!…查看更多

平日的午餐焗限了在一區, 亦焗限了食中西日韓的飯餸或麵食。是日約了朋友食午飯, 決定來個新嘗試, 難得朋友亦肯配合。我們沒有訂位, 在午飯多人時段係需要等位, 第二張籌就輪到我們。午餐有3個價錢的餐可以選擇, 我選了SET AMIRAL $148, SET 的內容有1客咸的Galettes, 1客甜的Crepe 及1杯飲品。首先飲品我選了不用加錢的Ice lemon tea.Galettes 我選了 La Corsaire, 主要的材料有煙三文魚, 蛋, 檸檬。用來包住材料的PANCAKE 皮係煎到很脆夾著煙三文魚, 一口咬下,外面的皮是脆脆的, 裡面的餡係咸的。煙三文魚變了熟三文魚的顏色, 雖然係魚, 但沒有腥味。另外, 亦不太覺得有煙味。Galette 上面放了salad, 酸酸的沙律汁拌脆脆的菜。Crepe 係甜的Pancake, 我選了LEMON & HONEY. 這個pancake的摺法不同, pancake 面加了檸檬汁再摺起了, 最後加了蜜糖在面, 酸酸甜甜的很美味, 這塊crepe 跟之前的galettes 的口感不同, 前者係淋身帶彈牙口感, 後者係比較脆。本來以為午餐只吃CREPE會不夠飽，原來吃了1咸1甜真係會夠飽, 下次可以再試其他口味。…查看更多

雖然唔太食到辣(最多接受到少辣), 但就是喜歡泰國菜, 因為泰國菜總是很惹味開胃, 這間店亦是我常幫襯的一間。是日午餐1行3人, 午餐如下:炸蝦餅($44): 1碟有3件, 蝦餅係冬甩型, 有蝦味, 夠彈牙, 但就偏油, 見到碟底張紙都吸了好多油, 不過食落就唔太覺, 表面一層仲有少少脆。碟邊有幾件酸菜, 醃得很入味, 用來解油膩最適合。 蝦餅配的醬係似蜜糖質地偏甜的甜辣醬。燒牛柳片($68): 牛柳片切得很薄, 1碟約有10小塊, 燒得剛剛好, 不會太乾, 咬起來還有少少肉汁, 有燒的香味, 此小食配一碟非常辣的辣汁, 辣到我食唔到~ 黃咖哩雞$82: 咖哩有很多選擇, 有紅、黃、綠、甜等款式的咖哩, 問過侍應, 最少辣的是黃咖哩, 所以基乎每次都叫這款, 今次選了雞肉。黃咖哩汁內有雞肉, 洋蔥及薯仔。煮得唔太入味, 薯仔只是剛變淋, 洋蔥都還是爽身, 雞肉應是白烚好之後放入汁度煮, 但不算油。亦叫了1客大飯$26, 全枱分享。用咖哩汁混入白飯中是很不錯呢~蝦醬通菜$55: 上碟的菜顏色還是很嫩綠, 惹味的蝦醬配口感嫩的通菜, 好味, 炒得好好!酸辣蝦湯(細) $46: 其實英文係TOM YUM KONG, 夠酸也辣, 3人分享的話其實每人都只有幾口(約細半碗), 這個湯沒有椰汁味, 餐前先飲很開胃。甜品係芒果糯米飯$35: 芒果的擺放是很有美感亦容易食, 有黑及白糯米各1小團, 糯米飯團面舖有椰漿。糯米夠淋亦煙韌好食~!這幾道菜基本上是每次必吃, 而且每次都能保持水準。…查看更多

周末街下午茶時段行經城市花園, 發現這家新開的茶餐廳, 名字後熟, 但想不起在那裡見過, 門外有新鮮出爐的麵包外賣。決定一試, 坐低後上網一查發現原來是跑馬地一有名的茶餐廳啊!!因見有賣新鮮麵包, 包類應該不錯, 我們叫左菠蘿油, 菠蘿包微熱, 吃的時候鮮油係不會太冰又不會已溶掉, 菠蘿包面皮, 好脆但又唔會散, 麵包本體軟熟, 好味!! 我見單上係寫著冠軍金獎菠蘿油, 唔知係咪真係得過獎, 真係幾好味! 還叫了一份下午茶餐, 五香肉丁煎蛋公仔麵, 雖然有五香肉丁但唔會全碗湯都係紅油, 公仔麵煮得剛好彈牙, 不錯~ 跟凍檸茶(+$3)散叫叉燒煎蛋飯, 飯面的醬汁像菜遠牛河的茨汁, 叉燒像平常在茶餐廳的沒有煎或翻熱的叉燒, 醬汁, 飯和餸好像不太夾, 味道怪怪的。在寫這食評時已想再吃這個菠蘿油!! 下午茶的公仔麵都味道也不錯! 只係碟飯就扣左分...真係有點怪。…查看更多

上個月某個晚上經過此店, 取籌後發現要排很多張枱才到, 最後決定擇日再試。 結果個多月後的今晚, 再次經過, 不用輪籌, 立即有位。我們一行四人, 共點了4道菜2杯飲品1個甜品, 如下:馬來拉奶茶: 精選飲品$38有2杯, 都有好多飲品選擇, 我們其中2人各選了1杯馬來拉奶茶, 因為拉過, 所以奶茶面有很多泡, 亦好似特別滑, 還帶有少少玉桂味, 不會太甜, 不錯。題外話: 座位靠窗, 有街景睇, 相中為窗外境。馬拉盞炒通菜$65: 馬拉盞炒得很惹味, 味道是很好, 但通菜莖部口感很硬很老,  可能現在不是通菜季節吧!?酸辣燒豬頸肉沙律$66: 燒豬頸肉沾有酸辣的味道, 酸辣中和了豬頸肉的肥膩味道, 放於生菜面, 雖叫沙律, 但只有碟底有一塊生菜及少少芫茜, 此生菜沾了太多酸辣汁, 太辣咬了一口就吃不到了。菠蘿海鮮炒飯$95: 是用菠蘿做容器上碟,旁邊伴著1小碟的肉鬆及腰果。此菠蘿容器的形狀是高而窄的開口, 有別於一搬菜館矮而濶的開口, 菠蘿容器內有炒好的菠蘿海鮮炒飯, 好香菠蘿味, 其中有甜甜的菠蘿粒, 都有少少的海鮮炒於飯中, 面頭有用獻汁炒過的海鮮舖面, 有蝦肉, 蟹柳, 魷魚, 扇貝肉。魷魚和扇貝肉煮到有點“un”。香葉粉絲大蝦煲(2隻)$198: 先講粉絲, 粉絲用肉碎、香葉、葱, 調味料, 仲有大蝦一齊煮, 粉絲入晒味, 煮到變左豉油色, 又煮到剛剛好, 不會太爛又唔會硬, 正。 但大蝦煮得老左少少, 口感變“鞋”了。甜品選了香芒椰汁糯米飯$56: 上碟時黑糯米及白糯米各1團都是熱辣辣出煙的, 白糯米我期待的是軟熟煙韌, 但這個白糯米口感像黑糯米一樣, 咬起來內煙韌外夾雜住有少少乾硬。 芒果好甜, 椰漿放在碟邊自己加, 可隨自己的喜愛加減椰漿調校適合的甜度。食材和火喉可以再好啲, 還有進步空間, 普通的一頓泰式晚飯。…查看更多

之前幾次經過這店總是有很多人等位, 所以一直未試。平安夜周圍都係人, 周圍都要等位, 概然周圍都要等位, 就等下這間,  這間門口貼了很多代言人韓星李鍾碩的相, 門口和店內的電視亦不停播著K-pop 勁歌, 很有韓國FEEL!大約等左廿多分鐘, 終於有位, 好好彩輪到我們時是4人卡位, 可以坐得舒服啲!根據他的MEUN 所寫, 點解韓國人成日食炸雞都唔怕熱氣? 亦可以保持身材苗條和皮膚嫰滑? 主要就係靠食橄欖油和食酸羅白。點菜後會送上3小碟前菜:酸蘿白, 泡菜和魚仔! 但酸蘿白不是太酸, 只有好淡的酸味, 而且一碟只有約5粒, 雖然可以REFILL, 但冇主動問是否要refill, 所以要自己叫侍應幫手。睇meun時被蜂蜜脆片炸雞(10件)($138)吸引了,  點菜後炸雞最快送到, 有5件雞中翼及5件雞槌。可以要求要膠手套, 會俾每人1隻。估計雞是一早炸好的, 只係微暖, 炸雞面加了栗米脆片, 再淋上蜜糖(碟底都有好多蜜糖), 炸雞的粉漿不太厚, 亦不會吸滿油, 雞肉好滑, 炸雞沾上甜甜的蜜糖感覺好像少了熱氣, 好味。之後蟹肉沙律($45), 蟹肉其實係切碎了的蟹柳肉, 爽脆的生菜, 車厘茄加了芝麻醬, 味道不錯。2個人吃完了10件雞後, 特濃蕃茄撈拉麵($82)才上枱, 係原煎pan上枱, 熱辣辣的, 除了拉麵還有2隻蝦, 1隻青口及少許蔬菜。 味道是蕃茄味的汁和韓國的即食麵及大白菜等材料放在一起煮至汁變杰, 麵變淋和入味。 這個麵煮得太淋爛, 我還是比較喜歡彈牙口感的麵, 這個不適合我。雖說是特濃, 但蕃茄汁的味真的不濃, 無咩味啊。除了食物, 我們亦叫了2杯飲品, 分別係柚子茶及韓國荔枝梳打, 但唔記得影相, 味道正常的。去炸雞店都係炸雞做得較出色。…查看更多