in_amber的个人专页

一本食堂Itsupon Syokudou-日本菜🇯🇵-採用日式和櫻花裝修🌸, 環境闊落💓-有口罩派發俾有需要嘅人，非常善心❣️Itsupon Syokudou, a sakura-themed Japanese restaurant located in Kwun Tong. Everything from traditional Japanese umbrella hanging on the ceiling, right down to an array of cherry blossom decoration, the restaurant takes you on a trip into the cherry blossom viewing season🌸🇯🇵🍣! 火焰壽司拼盤HKD$98(帶子、三文魚、吞拿魚、甜蝦、海蝦、蟹柳）Seared Sushi SetHKD$98 🔥🍣(Scallops, salmon, tuna, shrimp, sweet shrimp, crab sticks)味道分(tastefulness)：⭐️⭐️⭐️⭐️打卡分(photogenicity)：⭐️⭐️⭐️⭐️份量分(Size)：⭐️⭐️⭐️總分(overall)：⭐️⭐️⭐️⭐️👍🏻每一件壽司都捏得大大件，味道豐富之如又非常飽肚😛。👍🏻當中我最鍾意嘅係帶子同海蝦壽司，因為帶子新鮮甜美，而灑上沙律醬後嘅海蝦顯得特別酸甜爽口🦐！👍🏻Seared sushi set brings out a special aroma and taste from the raw fish fats, which is perfectly served with soy sauce and salad dressing on top. Seared scallops and shrimp are my favourites❤️! 雜錦魚生丼 HKD$78Sashimi Rice Bowl HKD$78味道分(tastefulness)：⭐️⭐️⭐️打卡分(photogenicity)：⭐️⭐️⭐️份量分(Size)：⭐️⭐️⭐️⭐️總分(overall)：⭐️⭐️⭐️😛賣相吸引，份量非常之多，可惜味道一般。😗Topped the sushi rices with colourful raw fishes, Sashimi Rice bowel is a popular dish in many Japanese restaurant. Although the sushi rice is abundant enough to serve two people, more efforts should be put into the raw fishes😢!一本食堂 (觀塘)觀塘鴻圖道30號3樓…查看更多

上年食過嘅臭臭鍋，今年朋友又想話再食，決定平日夜晚都要照去食返個一人鍋😆-臭臭鍋係無得book位嘅，所以想確保有位嘅就建議早啲去排隊👍🏻我地一行三人平日夜晚去，七點去到等左10分鐘就已經有位，走嘅時候八點到亦唔見有太多人等緊~-餐牌黎講選擇唔算太多，都係個九款臭臭鍋，招牌嘅、辣嘅、芝士嘅、健康嘅款式都有😀每個餐仲可以跟白飯或者方便面餐牌後面就有可以另加嘅火鍋料，同埋台式飲品😗仲會教你點樣調製醬汁嘅比例，3比2比1，確保你食到最正宗嘅味道🥰-芝士牛奶鍋🧀 ($115)湯底有忌廉味，唔知算唔算係芝士加牛奶嘅味呢😗哩個鍋嘅肉係白豚肉，分量唔算多，另外仲有啲丸啊、麻吉燒咁，仲有啲烏冬喺裏面，不過都係得幾條🤣啲材料唔算太入味，但相比另外嗰個鍋算濃味-藥膳羊肉鍋🍲 ($115)反而覺得哩個有啲失望，湯底味無乜藥膳感覺，主要都係靠佢嘅3:2:1醬汁🤔對比芝士牛奶鍋，反而呢個藥膳鍋羊肉嘅份量都幾多🥰配合返藥膳主題，哩個鍋都幾多蔬菜👍🏻-整體來講一人鍋算幾多料，乜嘢都有啲咁，仲有唔同嘅湯底啱晒唔同口味嘅人😆朋友非常欣賞，但個人就覺得未有好大突破，味道正常、材料亦未算特別好正🙈-8鍋臭臭鍋 (尖沙咀)好味度: 6.5/10抵食度: 7.5/10回頭度: 6/10…查看更多

聽過銅鑼灣本店有好多好評，成日想試下點知比我係佐敦嘅food court巧遇到😀-講下個food court算比較高級，整體野食嘅價位都要$80~位唔算太多，lunch time好多人好多學生，搵位要啲時間🤔-哩間都幾多人叫，特別受學生歡迎👏🏻選擇唔太多，有分刺身丼同類丼-溫泉蛋牛油果吞拿魚腩蓉丼🥚🥑🐟 ($88)牛油果同吞拿魚嘅配搭幾特別，之前聽日本朋友介紹過，牛油果點豉油食落好似三文魚，又真係幾似喎🤫牛油果本身同吞拿魚腩都幾夾，牛油果幾好唔會太生，吞拿魚魚腩亦都幾肥美，油脂分布好好👍🏻但餸同飯嘅比例係一比四，如果可以多返啲牛油果同吞拿魚蓉就更加抵食啦🙈❗️仲有樣好慘嘅嘢，就係我食晒成個飯，先醒起佢擺漏咗隻溫泉蛋，所以識唔到佢嘅溫泉蛋做成點😭-餃子三隻🥟 (+$12)餃子幾好味嘅，不過煎得有少少油，皮唔算特別薄，裏面嘅肉都算幾juicy😀 $12三隻呢個價錢抵晒🤣-整體來講唔算太特別，感覺食返啲普通肉類丼會抵啲，再唔係下次去銅鑼灣本店再識真個味🤭-スーパー丼Express (佐敦)好味度: 6/10抵食度: 5/10回頭度: 5/10…查看更多

同朋友諗住去新開嘅K11 Musea睇下，行下行下見到有個美食區，就搵左哩間新開嘅黎醫下肚-見佢好多人排，不過等得唔耐，5分鐘就出到order-本身想叫凍抹茶latte，但唔知係新開無耐所以未準備好，定賣晒，佢話暫時得返兩三款熱飲，同埋雪糕結果就揀左抹茶雪糕黎試值得一提係，佢竟然有好多焙茶嘅嘢，啱晒焙茶控🤩不過今次都係試番啲普通啲嘅先，試吓佢嘅抹茶點-抹茶軟雪糕🍦$38雪糕幾軟，唔會係個種凍到有啲冰粒喺裏面👍🏻未到來講牛奶味唔濃，反而更加突出到抹茶嘅甘味🥰不過個人來講就覺得甜左少少雪糕筒都係抹茶味，仲要唔係剩係得個色，食落去真係有陣陣嘅抹茶味🍵-整體來講係唔錯嘅，算係少有嘅高質抹茶食品，下次再嚟試吓佢嘅焙茶野先😋-本茶 (尖沙咀)好味度: 8/10抵食度: 7/10回頭度: 8/10…查看更多

一直食開另一間豆腐花，朋友話原來大埔仲有另一間都好出面，所以行完街就去食返碗-佢舖面無位坐，只可以企係度食，或者夜左佢會擺啲紅色膠櫈出黎比大家坐😗-價錢真係好抵，仲有幾款豆腐花唔使$10就有交易🤩size仲無因為價錢要少咗~-薑汁豆腐花 $9我揀嘅嗰個係典型嘅薑汁豆腐花，同平時食嘅差唔多真係好好食，最鍾意薑汁呢個組合🥰豆腐花都好好，好有豆味又唔會太碎，豆腐花係一層層嘅，唔會好似出面嗰啲搞到未食已經爛晒😋唯一覺得如果啲薑汁再薑啲就好啦-花奶豆腐花 $11我就第一次食花奶配豆腐花呢個組合啦，估唔到又唔錯，仲以為用花奶會好甜，點知甜到啱啱好👍🏻但兩樣野夾埋算係好有突破嘅味道，但想試新野嘅絕對值得一試-豆腐花 (大埔)好味度:7.5/10抵食度: 10/10回頭度: 8/10…查看更多

去開西灣河做野，經過見到好多人等緊，決定買返去屋企加下餸😗-都好多款式揀，有淨雞，又有飯盒，如果返工附近有哩間，就啱晒外賣返公司食🤭-招牌脫骨海南雞(半隻) $85肉質一啲都唔鞋，出奇地好嫩滑，但滑得來又唔會太油，真係好少有🥰同出邊嗰啲唔同，唔會有任何碎骨，拆肉真係拆得好好👍🏻成盒都有三層雞肉，價錢係貴左少少，多多幾舊肉就更加抵啦🤣要特別講下啲醬汁，佢嗰包秘製海南雞醬汁真係一絕，雖然未係好食得出係咩味，但係幾濃味，鹹得黎又甜甜地🤤另外佢仲有比常用嘅薑蔥同埋甜酸醋-平時唔鍾意食雞鴨鵝嘅媽媽，都讚哩隻雞好正，睇嚟真係唔錯，下次再買下唔同嘅雞試吓先🤩…查看更多

今日係last day所以一行八人揀左黎Plato食返餐好嘅，慰勞下大家👍🏻!!!提早係電話/openrice book位仲有折扣添!! -環境唔錯，都幾多位，枱之間又唔會太近，唔怕傾計尷尬-⭐️黑松露薯條🍟 (Like & Share facebook即送一客)⭐️我地八個人佢說最多送兩客，咁我諗大概四個人一枱會送兩客🤔 唔錯嘅，薯條係脆嘅但又唔會太鹹，可惜黑松露唔多，味亦唔濃，唔多松露嘅香味😗但以贈送黎講算唔錯-是日餐湯加麵包🥖 (跟餐)中規中矩，正常湯一碗，正常麵包一舊🤣-西班牙海鮮飯 🥘$188我叫左哩個，事關早兩日睇電視見到好想食，點知有啲失望😞成個飯無咩味，飯粒有少少過軟，佢咁嘅色我會expect味道濃返少少🙈海鮮唔錯，有魷魚、蝦、帶子、青口-松子仁火箭菜香草醬意大利粉 🍝$138朋友揀左哩個，食左啖試試味🤣老實講，哩個令我幾失望，佢草青味都真係幾重，誇張啲講句，真係每食一啖，都有種好似隻牛食緊路邊啲草嘅感覺🤢可能我一向對菜無興趣，所以先咁反感掛。。-日式銀雪魚伴黑松露意大利飯🐟 $228果然係一分錢 一分貨，貴少少嘅真係好食好多😭黑松露味幾濃，銀雪魚又煎得香😆早知我都叫哩個😭-薄荷朱古力 ☕️🌿(跟餐補差價)唔錯嘅，比起出面好多餐廳，佢嘅薄荷味先多，可惜朱古力有少少過甜，搶左薄荷嘅味道😳-提提佢夜晚有個minimum charge (唔知晏就有無)，每人要order一個set/一個main!!-Plato Cafe & Bistro (佐敦)好味度: 6.5/10抵食度: 5/10回頭度: 6/10…查看更多

係旺角食完晚飯就緊係要轉場食個甜品，同朋友繼續吹吹水🤤-之前有朋友去過哩間，見佢幾特別就拉埋朋友試下👍🏻-我地8點去到，可能大部分人仲未食完晚飯，所以人唔多嘅-龍珠星球 (芒果西米) 我地係因為佢嘅水果星球黎嘅😍真係好靚，啱晒中意打卡嘅朋友👍🏻但啲火龍果同提子啫喱就普通，睇個樣以為會好甜點知無咩味，芒果西米就正正常常，無咩突破-珍寶芋圓仙草 (古早黑糖)珍寶芋圓同平時芋圓唔同嘅地方係，佢大粒好多，因為佢係有餡料㗎🥰不過未算好多，餡料唔算多味🤔而且唔知係咪因為佢要包餡料，個芋圓出邊無平時嗰啲咁煙韌😗黑糖底唔算太甜，幾配芋圓嘅😆-粒粒果甜品 (旺角)好味度: 6.5/10抵食度: 6.5/10回頭度: 6/10…查看更多

同朋友諗左個幾鐘食咩好，結果佢家姐推薦咗最近好hit嘅Pici，決定walk in去試一試-我地夜晚630去到，兩個人已經要坐bar枱，但都到8點都只係得一兩group人等緊，未算好爆場-不得不提佢地嘅服務態度係極級好😍好似返左美國食野咁，會同你介紹daily special，又推介下啲set👍🏻食到一半仲會問你how’s everything，令成個用餐experience升級晒☺️-Olive oil & vinegar with bread 🥖點完餐9秒9有人倒橄欖油同黑醋比你，再有個細紙袋裝住五塊包，典型西餐嘅前菜👍🏻-Ravioli $140 🍅🧀(Smoked salmon, mascarpone, cherry tomatoes, carpes, lemon butter)作為ravioli嘅愛好者，當然要叫黎試試😗個樣已經夠晒surprise，唔好見開嘅正方型🤭好中意佢mascarpone同smoked salmon嘅配搭，mascarpone本身係一隻淡味啲嘅cream cheese，完全可以帶出三文魚嘅煙熏味♥️ 可惜嘅係lemon butter未係好特別，令成碟菜少左種層次感-Pappardelle $140 🐮🥕(Beef cheek ragu, onion, carrot, celery)朋友叫嘅哩個反而就比較普通，味道未係好出，牛肉經過slow cook後都幾鬆軟，但未算係好特別🤔但值得一提係意粉做到al dante嘅口感，好好食🤤-Limonata Rosa $55🍸Sicilian Sunrise $55 🍹叫左兩杯mocktail飲下，都唔錯嘅，但個人覺得sicilian sunrise裡面嘅pomegranate嘅味有啲假🤔-哩度係無加一嘅，相反哩度講明tips係會全數比staff嘅👍🏻果然係好似外國咁-Pici (灣仔)好味度: 7.5/10抵食度: 7/10回頭度: 7/10…查看更多

一直都知道W Square有好多好野食，今次終於可以黎食下哩間泰國野😋-我地六點半到都仲有好多位，但轉眼之間就坐滿晒咁濟，要黎食嘅朋友建議早少少到or book位🌟-入面都幾多位，枱與枱之間都唔會太逼，啱晒好耐無見想catch up下嘅朋友！-香芒軟殼蟹米紙卷🦀睇開我food blog嘅朋友應該都知我係勁鍾意軟殼蟹😆今次有埋芒果真係唔試唔得雖然佢每舊唔係好大，但作為前菜就啱啱好👍🏻整體唔錯，芒果令到成個米紙卷多左份清新感✨軟殼蟹炸得唔錯，唔會太油但keep到脆口要特別講下佢加左九層塔入去，個味好出，中意金不換嘅朋友就啱晒你啦🤣-泰式蝦炒金邊粉🦐佢上面有用蛋漿整嘅網係上面，啱晒又想食pad thai又想打卡嘅你😆比起泰國嘅炒金邊粉，佢嘅蕃茄味重啲，但又唔會炒到啲金邊粉碎晒👍🏻仲有花生同青檸比你自己想加幾多就幾多🥜如果可以係側面加啲辣椒粉，比想食辣嘅朋友加下就更好🤭-原個椰青大菜糕🥥哩個甜品大推！好特別！裡面有好多椰子肉，大菜糕嘅部分仲要係用返椰子本身嘅水整嘅，成件事好清新🥰-泰式甜品拼盤(小)😋得兩個人所以叫左個細嘅，叫完先知原來得大嘅有香芒糯米飯😭但哩幾款都唔錯，椰汁西米糕依然係我大愛♥️其他都幾好，唔會太甜，啱晒我怕甜嘅朋友😗…查看更多

Pop Street (西營盤)-想搵間平平哋嘅同朋友敘舊，無意中發現呢間多國菜，啱晒想食唔同野嘅人，滿足晒大家嘅願望😏-星期日黎食都仲有lunch set，仲要包埋小食同飲品，個價錢會唔會太抵🤩-唔知平時啲小食係咪一樣，但我今次去係每人有兩條雞串😗雖然只係普通超市可以買到嘅雞串，但依然幾好味-Vietnamese 香茅豬肉絲越式法包配薯條🇻🇳 ($62)越南發包個包幾好，軟硬適中唔會太硬，裏面嘅蘿蔔同青瓜絲同豬肉好夾😗唯一係食嘅時候有啲麻煩，裏面嘅嘢成日跌落嚟🤣-USA 奇津手撕雞漢堡配薯條🇺🇸 ($58)英文叫cajun chicken，但以個人去過美國生活一年，呢個漢堡個味唔太cajun🤔個汁ok嘅，但未有驚喜個漢堡嘅包無煎下，所以有啲軟同乾😢不過以佢呢個價錢真係算咁上下😆-鋪面唔大，坐到大概二十人，可能因為星期日同埋偏晏去，多人但唔洗等位，可以坐耐啲傾計都得🥰-Pop Street (西營盤)好味度: 7/10抵食度: 8/10回頭度: 7/10…查看更多

作為港島人，好日都唔去一次荃灣，難得今次入黎搵朋友，緊係要搵間甜品試下🤘🏻-今次揀哩間係因為見到佢都幾多好評，同埋好多好多好多唔同款色嘅甜品可以揀，所以就決定要try try佢☺️-入去舖面唔大，坐得有少少迫，下午茶時段無人等先可以坐耐啲，相信夜晚黎應該就係食完即走嘅節奏😗-焙茶心太軟🍵🍫作為心太軟控嘅我都哩個幾有驚喜☺️綠茶抹茶味就見得多，焙茶就少見啦～幾中意佢保持到焙茶嘅茶甘味，唔會過甜🥰配埋個雪糕一熱一凍正到無朋友！隔離仲有夠焦糖脆脆，令成碟野多左種口感😛唯一係覺得心太軟個蛋糕如果可以薄返啲就更好👍🏻-雜果厚pancake🥞雖然佢從來無話過自己係梳乎厘pancake，但張相睇落好似，難免會令人同梳乎厘pancake比較🙈如果以厚pancake黎講，算係做得唔錯，厚得黎唔會太實，又幾有蛋香😗但未算好特別-整體甜品唔錯嘅，其他野例如窩夫個啲都好吸引，可以再試🤗-Aroma (荃灣)好味度: 7/10抵食度:6.5/10回頭度: 7/10…查看更多

之前同屋企人去附近老三陽買野，見到開左間咁靚嘅餐廳，就決定要搵日試試佢😋-價錢黎講係銅鑼灣算唔錯，每人一百蚊都唔洗，但又有正宗台灣野食😆-宜蘭鹽酥雞滷肉飯🍚🐤哩個好好食😭😭鹽酥雞分開上，唔會比滷肉汁浸淋😗最中意嘅係佢炸粉薄得黎好脆，雞肉唔會老，係咸左少少姐😋唔會好似好多出面嘅鹽酥雞咁，層炸粉厚過塊雞🙈滷肉飯嘅肉肥瘦適中，有滷肉飯必備嘅油香味，但又唔會太肥膩，配埋白飯食啱晒♥️-台灣野食我比較中意哩間多過阿元來了🙈雖然價錢係貴少少，但感覺佢比阿元更台灣口味😗-犇之食堂 (銅鑼灣)好味度: 9/10抵食度: 8/10回頭度: 9/10…查看更多

一點幾兩點去到都要係出面排，等左大概20分鐘終於有位，裏面大概有20個位，唔算好大🤔-9號 - 咖哩豬肉 + 和牛漢堡蛋包飯🥚🐮🐷 ($95)對日本咖哩情有獨鍾嘅我，食親日本野都揀咖哩😋哩間嘅咖哩同平時日式咖哩唔太一樣，唔會太甜又唔太辣咁至於個和牛漢堡就好正，入口有牛油嘅香味，但唔會比佢嘅汁搶走晒啲味🥰兩邊嘅汁配埋中間嘅日本滑蛋加飯，眨下眼就清晒🤣-1號 - 咖哩豬肉 + 濃茄牛肉🐮🐷🍅 ($79)朋友個個有哩度出名嘅濃茄牛肉，啲茄汁真係幾濃，但又唔係用茄汁整嘅個種濃，食得出佢真材實料🤤只不過個人認為濃茄牛肉聽落好似茶記啲餐咁，硬係好似同日本野有少少唔夾🙈-整體水準幾日本feel，如果價錢平民啲就仲抵食啦😆-貓之眼 (灣仔)好味度: 8.5/10抵食度: 8/10回頭度: 8/10…查看更多

禮拜日三點去好多人，係出面排左大概20分鐘先有位😗入到去唔大位又唔多，大概30幾個位，個人認為有啲太迫，啲枱有啲太密所以講野要大聲少少先得🙈-Menu成日都係同一份，雖然唔太多，但樣樣都好吸引😋咖啡menu都好多款式，仲有啲特別啲嘅味添！-Salmon Eggs Benedict ($78)🍳本身Egg Benedict有三款配搭可以揀，有菠菜/煙肉/煙三文魚，但好似多數配三文魚所以都係揀左哩個配搭👌🏻Egg Benedict做得好好，蛋黃流心，上面仲有個sauce🤤係一塊麵包上面有兩隻蛋，啱晒同朋友每人一半🥰配埋個沙律，成件事好健康～-Black Truffle Poutine ($62)🍟話就話poutine，但佢無落brown gravy😳但依然無阻佢嘅好食♥️溶左嘅芝士份量適中，唔會多到太膩，加埋上面好足料嘅黑松露，好香好濃味😭加上薯條無因為溶芝而變淋，成個野加晒分👍🏻-Chai Latte ($38) + Peppermint mocha (40)☕️朋友話好難得有地方有Chai Latte，所以就叫左黎試，而我就一向中意peppermint同choco嘅配搭，所以揀左peppermint mocha😆同朋友各自覺得咖啡係幾好，都有chai tea同peppermint嘅味，但未算好有突破，不過對比出面好多coffee shop，算係做得唔錯👍🏻-係旺角鬧市中都有間咁慢活、悠閒嘅餐廳真係唔錯，如果可以無咁迫就完美啦🥰-Pause It (旺角)好味度: 8.5/10抵食度: 8.5/10回頭度: 8/10…查看更多