kerawty的个人专页

今個月生日朋友帶我黎試呢個「明悅嚐味宴MING MOON DEGUSTATION MENU」！一直對呢間餐廳好奇（話晒都係香港少有嘅米芝蓮一星中菜廳）！呢個menu仲有sparkling wine / white / red 做pairing，不過我同我朋友都唔想飲酒，要咗杯果汁😂以下落黎逐個Dish介紹吓：1、明閣兩小碟（魚子醬酒香鵝肝凍、蒜泥紅油帶子）唔記得左影相，個魚子醬鵝肝凍其實係花雕jelly，我就覺得夾埋一齊食味道比較一般 // 帶子就唔係特別香或大粒，不過襯咗啲萵筍絲墊底口感都幾特別2、燒味二重奏（至尊蜜汁叉燒、黑松露鳯梨乳豬件）個叉燒好好食！！！食嘅時候仲係好暖，佢冇話做到個皮好脆或者窿邊嘅效果，但件件半肥瘦，唔漏而且好香軟～3、原個椰皇菜膽天白菇竹笙清燉松茸個湯好清甜，竹笙口感啱啱好！椰肉燉到好軟滑夠淋身，仲有少少香味，忍唔住刮晒嚟食（同埋我第一次見到有鋸齒嘅匙羹😂😂😂）4、酥炸釀鮮蟹蓋啖啖蟹肉，炸皮又夠香脆👍5、天池泡菜耀龍皇 黑椒和牛龍蝦鉗食嘅時候覺得自己去上咗黑白大廚，個泡菜汁同龍蝦肉好夾，又唔會搶咗龍蝦肉嘅味道又夠惹味！ 另外用左免治和牛肉包住條龍蝦蕊，咁樣嘅做法都係第一次食，好味6、鮑汁珍菌銀杏燴香苗佢個飯上面鋪嗰啲脆米，令到口感好過癮，本身佢啲白飯粒炒得夠乾身7、精選甜點 （遠年陳皮紅豆酥、薑汁桃膠燉鮮奶、十勝紅豆桂花糕）陳皮紅豆酥夠香，唔會太甜，本身諗住淨係食半粒都忍唔住食晒！桃膠燉鮮奶就反而一般（上菜嗰陣佢仲唔記得將桃膠鋪面），桂花糕都比較一般作為米芝蓮一星餐廳，今次服務有待改善。不過餐廳入面環境都好舒服，食物質素都可以，值得再回頭！…查看更多

最近留意到新都城UNY店開左《茶痴》呢間舖頭，見到佢地招牌嘅「研磨開心果燕麥奶茶」好似好正，於是專程去試。呢杯燕麥奶茶既感覺真係唔錯。杯茶有濃郁嘅開心果風味，甜度可以自選，加上有燕麥嘅香氣，感覺健康清新，唔似一般嘅廢水。雖然最近坊間有好多開心果既產品，不過呢杯奶茶一啲都唔濫，奶茶同開心果的口感好夾，開心果嘅香氣喺口中慢慢散開，感覺非一般！除咗招牌嘅「研磨開心果燕麥奶茶」之外，我地亦都試咗另一款「粒粒紅柚」。呢款水果茶可以話係色香味俱全，淡淡嘅粉紅色充滿夏日風情，茶嘅清爽柚子味清新怡人，加上口感順滑，給人一種清涼的感覺，非常適合喺炎炎夏日享用。呢款紅柚水果茶唔單止口感出色，還含有豐富維他命C，有益健康，絕對係一個不容錯過嘅選擇。📍將軍澳寶琳欣景路8號新都城中心二期UNY生活創庫UG樓UG036號舖…查看更多

呢間連鎖拉麵店位於一田超市入面，吧枱嘅設計俾人一種置身日本嘅感覺！嘢食方面，我哋兩個人各自叫咗個拉麵，另追加玉子同埋叉燒～黑鳴虎 (+炙叉燒 +半熟蛋）黑鳴虎湯底即係博多黑蒜油湯底，以黑蒜和豬骨熬製而成，口感濃郁，但不過於油膩，非常適合搭配拉麵😋叉燒肉質鮮嫩多汁，口感淋滑，仲有一定的甜味和香氣。鳴虎嘅叉燒肉係燒烤過嘅，表面金黃嘅顏色令人垂涎欲滴！蛋夠溏心又夠軟身，麵嘅硬度亦都剛剛好，成碗拉麵ichiban!鳴海老鳴海老湯底亦即係蝦味噌豬骨湯，真心正，好香濃嘅蝦味同鮮味。叉燒都好淋滑。好想encore！呢間餐廳嘅門面唔係好大，喺一田超市眾多食店之間未必係好吸睛，亦都唔係weekend約朋友坐低慢慢傾偈嘅餐廳。不過平日夜晚放工坐低靜靜地歎一碗好嘅拉麵，鳴虎就冇介紹錯啦😝…查看更多

成日夜晚跑海旁嗰陣都會經過一排嘅西餐廳，趁住今星期五晚心情好就揀左呢間餐廳食好西😊（呢間餐廳好多分店，朋友試過觀塘嗰間都大讚！）今次我地試唐賢街呢一間，一入到去有好大架雪糕車，立即心心眼😍 我哋好早去到～星期五6:30pm都已經差唔多full house！今晚我地兩個人又唔太肚餓，所以決定叫咗1個前菜再加兩個主食就算：Mussel with Garlic White Wine Butter Sauce青口肉質鮮嫩，食起黎口感非常好。青口自身帶鮮甜嘅味道，再加上白酒蒜蓉汁的調味，讓味道更加突出！香脆嘅蒜蓉包再配上白酒蒜蓉汁令人回味無窮👍🏼Japan WAGYU Beef Burger Steak on Rice和牛漢堡扒勁香牛味，入口即化，漢堡扒的肉汁搭配燒汁更加係絕配😆Seafood Salad with Lemon Dressing呢個前菜我當埋係主食架啦～所以on top 再加左 fried eggs + smoked salmon + portabello + 半份avocado！（如果有scotch eggs就好了🥲）呢個dish清新爽口，尤其喺夏天更加特別令人愛上～沙律上的海鮮包括蝦仁同埋帶子。海鮮輕輕煎過，令到佢色澤好靚，而且特別香！火候亦都啱啱好，冇影響佢嘅鮮嫩肉質口感。我特別鍾意呢道海鮮沙律色彩鮮艷，擺盤簡約大方，令我胃口大開😍Chocolate Gelato 食到最後已經好飽，但係仍然忍唔住想試吓佢啲Gelato！見到佢個Menu上面有豆腐gelato，我地超級無敵勁想試，但係已經賣晒😩😩😩於是我哋揀咗朱古力Gelato，一嚟到嗰陣俾佢個賣相靚到嚇親！個cone上面有啲彩針好吸睛（而且食到最後佢個cone仲係好脆口）～Gelato口感非常柔滑，入口即化，而且佢唔似其他嘅雪糕有咁多空氣，食起來特別濃郁😋重點亦都係佢唔會太甜！！！總體評價：如果你係cafe愛好者，咁呢間餐廳你絕對唔可以錯過～…查看更多

每次行過新都城都聞到香噴噴滷水味，想試好耐！今晚收工行過見到咁多人幫襯，我都忍唔住試吓先～Lunch食飽得滯，見唔係好肚餓，就淨係叫咗三樣嘢食試下…（1）滷水拼盤 - 金錢肚、花枝丸、蘿蔔配 蔥油滷汁拌麵牛肚嘅質地又嫩又有𡁻口，花枝丸夠晒彈牙。滷水好香之餘仲有少少辣味，再加上清甜爽口嘅蘿蔔，成個拼盤非常開胃。（2）而打淥滷汁拌粉麵條夠硬身，滷汁嘅甜鹹兩味，仲有蔥油嘅香濃，兩種味道溝埋一齊嘅感覺好夾，果然麵係滷水食材嘅最佳拍檔！（3）手撕雞冷麵冷麵嘅感覺冰涼清爽。手撕雞已經搣成細細嘅絲狀，嫩滑又容易入口。旁邊仲有爽口嘅蓮藕片襯托，成個麵嘅感覺軟硬兼施，口感非常好。除咗口感之外，個冷麵嘅靈魂——醬汁味道都非常豐富。除咗麻醬嘅惹味同蔥花嘅香之外，另外仲有一種微妙嘅酸味，為成個麵增加咗更多嘅層次。呢間滷水店嘅質素幾高，一定會再幫襯👍🏻下次試過佢嘅其他出品之後再推介俾大家😋…查看更多

最近發現喺公司附近有間台式料理，又未試過，收工之後專程去試試！由於當日午餐食咗個大餐，我哋叫咗兩個主食加一個小食就算啦～呢到斟水嗰啲都係全自助嘅！台式擔擔麵配雞排擔擔麵嘅麵條好有彈性，湯汁都好濃郁，又唔至於太辣。湯裏面加咗肉碎亦都令到口感更加豐富。雞排外皮炸得好酥脆，但係裏面嘅雞肉仍然保持到好嫩。除咗正常嘅鹽同胡椒粉，餐廳仲落咗啲秘製嘅檸檬汁，酸酸地嘅味道同雞扒配搭幾好。擔擔麵同雞排係非常夾嘅組合。如果你鍾意辣味同香口嘢，非常推薦呢個組合。羊肉湯米粉首先，湯底嘅味道好鮮，口感十分濃郁。米粉煮得啱啱好，唔會太軟或太硬，入口感覺好好。最後係羊肉。未食已經聞到羊肉嘅香味，食落質感好爽又唔膻，令人回味無窮。蚵仔酥蚵仔酥的外面炸到非常酥脆，色澤金黃。蚵仔酥聞落好香，未食已經流晒口水。蚵仔酥嘅外皮酥脆可口，裏面的蚵仔也非常鮮嫩，名副其實嘅「外脆內軟」。每一隻蚵仔酥嘅大小均勻，每一隻都能夠保持酥脆嘅口感。蚵仔酥嘅調味也非常好，香料嘅味道非常香濃，但又唔會太過刺激。呢個小食係成個晚餐嘅亮點🤩最後都想讚吓店員非常禮貌，出菜又快。走嗰陣落大雨，但由於佢超近地鐵站嘅關係，完全唔使濕身😙…查看更多

朋友喺灣仔返工，佢見到Samsen 泰麵隔離開左間泰國嘢，就捉埋我一齊試試！餐廳裝修好有格調，我覺得有啲似玩酒吧主題，成晚播住啲懷舊歌曲，都幾有feel！姜泰公釣魚餅呢個手打泰式魚餅好煙韌，非常彈牙，啖啖都充滿檸檬葉香， 一流☺️!泰黄油喇，阿雞呢個老闆話係招牌菜，咁梗係一定要試試啦！賣相好靚，雞皮焗到脆卜卜，同時雞嘅肉質做得都夠軟滑！蝦兵蟹將炒飯足料而又香氣撲鼻嘅炒飯👍🏼飯粒炒得夠乾身，濃濃嘅蝦味加埋大啖嘅蟹肉，令口感好豐富！老闆同我講左佢地嘅tips係用蝦頭油黎炒😋會回頭再試其他食物！ ☺️…查看更多

自從搬左過黎將軍澳，我同朋友成日發掘九龍東有咩好食。今次我地去到觀塘區工廈試下呢間OpenRice咁多好評嘅榮哥廚房私房菜~前菜包括本地水耕沙律菜伴芝麻醬、榮哥自家甜酸齋、雙色墨魚仔和茶燻流心蛋伴黑魚子醬配厚切茄子。前菜唔單止外觀精緻，而且搭配也很有創意。其中個厚切茄子令人印象深刻，口感出色!跟住到湯品啦~有原盅燉哈密瓜螺頭黑毛豚肉湯、姬松茸淮山甘筍黑毛豚肉湯姬松茸湯非常香濃，我特別鍾意。每一款燉湯都有落螺頭，份量十足! 哈密瓜做湯底呢個做法我都係第一次見，哈哈! 飲起上黎甜甜地咁，都唔錯!終於講到主菜啦~ 有香煎北海道帶子海中寶﹑桂花炒素翅、韓泡汁煮牛面肉配雙色蘿蔔（微辣）、招牌茶王燻雞同埋 魚湯有機菠菜苗。海中寶係蝦膠入面再包住粒珍寶帶子，爽口彈牙好好味! 至於炒素翅，雖然外觀好普通，但味道非常清新，非常適合作為一道輕盈的小菜。整道菜味道清淡，唔會太油膩，係一道好健康嘅菜式!韓泡汁煮牛面肉黎講，牛面肉燉得又淋又滑，十分入味。魚湯菠菜苗，魚湯味道香濃，菠菜口感嫩滑，完全沒有青草味!這家餐廳位置靠近地鐵站D出口，非常方便。試了這麼多菜式後，整體而言，我們給予整體評價是不錯的嘗試！」…查看更多

今日去咗試喺新都城二期嘅Cafe MED熊小館。餐廳嘅擺設幾得意，熊仔公仔固然係重點，仲有幾幅熊仔去匀世界各地名勝旅行嘅畫作。成個環境好適合一家大細去享受一個輕鬆嘅西餐🥰忌廉湯+蒜蓉包套餐頭盤係濃郁嘅忌廉湯同香脆蒜蓉包，好味又開胃鐵板肉眼扒配薯菜我地叫咗個5成熟嘅鐵板肉眼扒。塊肉眼煮得夠晒諗，一啲都唔韌，仲有好香牛肉味。牛嘅肉汁同燒汁非常配合。熊小館嘅鐵板餐係必食嘅推介😋香草蝦仁扁意粉蝦仁夠香又有少少辣味，意粉軟硬度掌握得好好，食落新鮮又爽口☺️朱古力心太軟經典嘅甜品通常因為太多人整而好少可以食到好食嘅，而熊小館嘅心太軟令我地食番久違、好食嘅味道。朱古力唔會太甜同太苦，比例好好。裏面嘅朱古力漿做到流心之餘，外層嘅朱古力皮保持到夠乾身、夠鬆化。呢個質素嘅心太軟真係好難得🥹白熊、黑熊特飲另一組經典組合。一邊係可樂配朱古力雪糕，另一邊係七喜配雲呢拿雪糕。杯裏面仲有個用顏色冰整嘅熊仔，超級可愛😍唔止小朋友鍾意，我都成餐飯不停互相交換嚟飲，愛不釋手😍…查看更多

咁岩今日平日中午12點前行過K11 Musea，又未食lunch! 我地就去左之前長期要排隊嘅幸福班戟食幸福感滿滿嘅soufflé pancake啦鋪面雖然比較細（一眼睇晒），但環境係幾靚嘅，不過冇乜服務可言，而且似（係？）快餐店！ 我地係第一枱：先坐低再去Cashier落單，飲水都係要自助。今日難得放假，唔想飲咖啡，淨係叫咗兩個pancake！熱朱古力班戟配自家製榖物朱古力醬超濃，又唔會太甜，好岩好西獵人口味。班戟好鬆軟，再加埋中間超軟滑嘅忌廉同埋脆口嘅穀物，食得好疏乎！奶茶班戟配自家製縠物口感同朱古力個款一樣，奶茶味亦同樣地好食！不過佢用紙兜裝住食物，令到個賣相即刻扣咗好多分！性價比認真麻麻～下次試吓第二間！…查看更多

將軍澳區難得開咗一間坐得好舒服嘅烤魚店收咗工之後揾埋住同區嘅朋友一齊過去食個晚飯喺佢未開張之前行過舖面，睇佢嘅裝修仲以為係食高級中菜，之後先發現原來係食烤魚，好有驚喜！今次我地叫左個2人餐，十份足料，講咗啲小食先:蒜蓉燒生蠔2隻賣相精緻，蠔唔會燒到乾晒，加埋蒜蓉好惹味！燒菠蘿 +韭菜 + 雞翼 +雞腳雖然串燒好快嚟到，但係完全唔使急住食驚佢會凍咗，因為佢會擺喺個暖盒上面一路㷫住，貼心位要加分😍雞翼表面烤到微微焦香，肉質仍然保持到鮮嫩多汁嘅口感，最重要嘅係佢唔會加太多七味粉，搞到食完之後要飲可樂解味精！菠蘿都燒得好淋甜，又多汁🥰 好啦，到個主菜 — 清江魚 （蒜香酸菜口味）清江魚出名肉質滑溜同埋味道清淡，成個烤魚鍋嘅賣相十分吸引，魚肉質軟嫩但結實。因為呢排熱氣唔敢食辣，如果唔係叫佢個藤椒湯底相信一定更加惹味！跟餐仲有兩杯特飲，百香果茉莉綠茶同埋青瓜蘇打～配返個烤魚餐清清地夠refreshing!總括嚟講，我覺得今餐性價比係高嘅，值得回頭再試😋…查看更多

美國主題同風格嘅日本料理，成間餐廳好funk & roll，周圍擺滿黑膠唱片，播嘅音樂都係七、八十年代嘅pop music我哋今晚試咗佢個Funkadelic Menu！佢個設計係有appetiser + main + dessert ，至於實際係食乜嘢呢，就會有廚師幫你揀嘅，有趣有趣！首先有Salmon tataki：三文魚半生熟，加埋上面嘅調味料同埋脆米，配搭一流！Karaage：雞件炸得好香脆透徹，口感嫩滑又juicy，再配上辣粉，將「香辣」兩隻字發揮得淋漓盡致！Tuna / Chicken Hotdog Signature dish：成舊壽司飯炸到好香，吞拿魚粒幾新鮮，雞件都好 juicy，配上微辣嘅醬料，既香口，又好味。Temaki：入口嫩滑，雖然係常見嘅餡料，但係吞拿魚嘅鮮甜，牛油果嘅香滑，軟殼蟹嘅鬆脆，再配上微辣醬，令到啲手卷食落去味道同口感都好好。美中不足嘅係佢外層紫菜有啲淋咗。Chocomonaka：外層有似淋左嘅威化餅，内面有朱古力mousse，再加上面有少少可可脆。佢哋presentation賣相就夠晒特別，不過味道認真麻麻 😬星期五晚再開枝酒，同朋友食飯好嘅去總結一個星期，呢間餐廳真係大推薦！佢嘅服務同埋氣氛真係一流，一定會encore 😍…查看更多

趁住Openrice網上訂座7折優惠去左試佢地嘅C餐日本產黑毛和牛。成個餐最好食嘅一定係寶盒裝住嘅A4和牛西冷、薄牛舌同埋壽喜燒脊里肉，靚油花而且帶有濃郁的牛肉香氣，令我沈浸喺食牛嘅幸福之中☺️另外想讚一讚佢個壽喜燒汁，非常好味。本身枱面淨係得燒牛汁，大家一坐落記住要點沙嗲醬、味噌醬，或者鹽醬。吧枱仲有檸檬醬，食到咁上緊可以refresh下反而極上花盛合上面除左牛舌之外其他肉（包括和牛肋肉、和牛里脊、美國牛横膈膜、豚肋肉）就比較一般。肉質唔夠嫩，有啲啲難以咀嚼，肉味亦都唔太突出，都幾失望～海鮮船更加係平平無奇，不過要特別讚吓呢間分店嘅服務員會主動幫你燒魷魚，同埋間唔中會比下意見我哋要燒幾耐～整體黎講，餐廳仍然值得一試，夠多種類同埋服務都好，不過再幫襯就唔會lu…查看更多

太古城開左間新餐廳，適逢我隔離位生日，於是我地立即去試試！叫左兩份set lunch，每人可以揀兩款tapas 加一款main。我地揀左：36 Month Iberico Ham with Crystal Tomato Bread火腿帶少少咸味，配上蕃茄碎嘅面包Soup of the Day今日係pea soup，味道偏淡Truffle and Cheese Bikini松露芝士烘底三文治，我覺得呢一款係最好食Crab Vol-au-vent暖暖地嘅蟹肉酥餅，都幾香到到Main Course:Spanish Seafood Juicy Rice (+$40)飯比平時嘅偏硬，亦都有少少太濕，味道都好香，但唔係咁值得+$40蚊食😅Iberico Pork Pluma呢個係西班牙黑毛豬近住豬肩胛肉和豬頸肉之間的部位。本身pluma肉質柔軟，口感濃郁，但今次都做得比較硬身🥲同事生日，叫咗個a la carte menu item - chocolate churros! 條油炸鬼長度幾好，分兩啖食晒，炸得好透徹香脆，成餐飯最好食應該係呢樣😝今次整體黎講仍然係good to try，不過set lunch黎講就唔特別推薦lu…查看更多

朋友生日帶佢黎呢度慶祝就啱啦！預訂咗window seat，兩個人坐四人台，而每一張四人枱都有一塊日式布隔住，夠晒privacy又坐得舒服☺️今日試咗黑毛和牛壽喜燒，非常驚艷😍 呢種高級和牛絕對值得一試，尤其是係啲肉煮得剛剛好，入口好淋滑，肉味又夠香😋 呢道菜非常注重質量和細節，配料有粉絲、蔬菜、菇類、仲有番薯！好鍾意佢哋嘅粉絲，夠晒有口感又彈牙。套餐嘅茶碗蒸仲好香好滑！鍋入邊本身已經有啲粉絲，佢個定食仲配埋飯同埋烏冬，下次再叫一定要記住叫佢上少一樣，如果唔係就會太飽，食唔到甜品啦～朋友叫咗個鰻魚定食，佢平時唔食鰻魚，因為覺得好腥！今次佢覺得呢個鰻魚OK，但又唔係話特別好食，冇佢之前喺日本大阪草津市場試過嗰個咁難忘～紫菜天婦羅炸得好好食😆壓軸甜品出場！個音樂盒真係好正，拎個甜品上枱嗰陣我朋友呆咗，佢話好驚喜完全冇expect過。個抹茶奶凍勁香、勁滑、抹茶味勁濃，甜度又岩岩好，係感動嘅味道😭如果真係要彈嘅話就可能係寫碟嗰度字體比較狂野😂呢間餐廳真係好好好正～我已經回頭咗三次啦😆…查看更多