hungru.foodie的个人专页

喺香港識bagel嘅選擇唔係好多，今次見堅尼地城有間bagel小店，所以就去試吓🙈呢間bagel小店除咗賣經典款式之外，仲有一啲特別口味，例如叉燒蛋同埋越南口味，將西式bagel同東南亞風味混合!🇻🇳Bahn Mi BagelBahn Mi 係越南嘅傳統三文治，一般會用發包夾住雞肉青瓜同蘿蔔絲，而呢款就用bagel代替左法包🥯啲蘿蔔絲酸酸地配上烤雞肉食落好開胃清新👍🏻🥤朱古力花生醬奶昔奶昔本身嘅花生味好濃郁，朱古力味唔算好出，不過唔係太甜，所以唔會好膩😙欣賞佢配咗朱古力條，朱古力脆脆，同埋麥提莎，飲奶昔之餘，令口感好豐富😍…查看更多

去靜靜地嘅咖啡店一向都係避世嘅好選擇，呢間分店雖然屬於何文田分店，不過其實喺旺角行過去都好方便👍🏻旺角站行過去大概10分鐘，位置方便得嚟又旺中帶靜，適合去渡過一個休閒嘅下午。而且好歡迎寵物，有好多人都會帶埋狗狗去坐吓嘆吓咖啡🐶🐱🍝🦐蕃茄大蝦意粉意粉軟硬度適中幾彈牙，蕃茄醬亦都好鮮甜入味，而且份量都好足👍🏻🥑牛油果煙三文魚多士我哋因為唔想食得咁飽，所以叫咗一份多士。一上菜見到佢嘅擺盤已經好吸引，除咗三文魚同牛油果，仲有溫泉蛋同埋芥末醬，配上新鮮嘅車厘茄，夾埋一齊食啱啱好💖☕️龍眼蜜咖啡抱住冒險嘅精神叫咗呢杯龍眼蜜咖啡，意外地幾好飲，估唔到淡淡嘅龍眼蜜同咖啡有幾夾，唔會太甜好清新✨…查看更多

邊個話食蛋包飯一定要去日本餐廳？欣賞呢間港式蛋包飯老字號，就算由行仔嘅一個小攤檔到搬咗入舖頭，都依舊保持住佢食物嘅水準！午餐嘅選擇依然係蛋包飯，芝士蛋包飯，同埋肉燥飯三種選擇，所以餐牌都唔使睇㗎啦，適合有選擇困難症嘅朋友，唔使揀嚟揀去🙈咖喱蛋包飯🍛欣賞佢用港式炒蛋嘅方法，做到好似日式蛋包飯咁，蛋味好濃之餘又好滑。炒到有啲似流質嘅蛋同咖喱汁融為一體，係撈飯嘅不二之選😍而佢嘅咖喱汁又唔會太鹹，所以成碟咁食都唔會覺得好重口味。裏面再配上雞肉炒飯，雞肉嘅份量都唔吝嗇，每口都有肉好滿足☺️…查看更多

行大館嘅時候見到樓下好多餐廳，不過想搵個靜靜哋嘅地方坐下，所以就去咗藝術館樓上呢間cafe。一直都知佢幾出名，上到去都幾impressed，環境係幾寬敞，又有室外嘅area，人少少都幾舒服，適合坐喺度一日靜靜哋傾下偈🫶🏻🍓日本士多啤梨三文治見到好多人都推薦呢度嘅水果三文治，所以決定試下士多啤梨！平時食忌廉都好怕會好漏，不過佢呢個忌廉好輕盈，麵包亦軟熟，好能夠帶出士多啤梨嘅香甜，令整個層次都提升不少🤤🍊柚子撻好有驚喜😍柚子味清新，甜度適中，特別鍾意佢嘅內餡呈流心狀態，撻皮香脆，令人忍唔住一啖接一啖，好快就食曬。芝麻雪山椰子奶同芝麻糊嘅結合，坦白講味道較淡，雖然係高人氣之選，但不至於驚豔，不過第一次嚟都可以一試，始終個樣都幾靚啱打卡🤣…查看更多

小妹身為紅磡區街坊，早喺呢間日式家庭料理店開業時就食過，當時覺得尚可，之後人龍越來越長就更唔想等（個人認為唔值等>20分鐘😝），適逢有朋友大駕光臨黃埔，又見唔駛等，就決定再試呢間區內名店，不過略為失望，大部份小菜都流於普通水準，但呢個價錢就偏貴啦🙈菜單上選擇多，米飯、主食、冷盤、熱食、甜品都有得自由配搭，對於乜都想試，每樣試少少嘅朋友嚟講，都係一個好選擇，只不過揀吓揀吓，價錢都唔平，每人亦限低消$80。醬油蛋飯米飯香軟，但未至於講到咁驚豔，飯亦唔夠熱；醬油蛋少失望，雖然賣相吸引，質地厚稠，但醬油味同蛋味都唔夠濃郁，唔盡興呀😆。松葉蟹薯仔沙律用料的確多，但味道較單薄，青瓜亦淋咗失口感。雖然加咗蟹肉，但竟然唔及大户屋嘅薯仔沙律好食同醒胃🤪紅酒汁煮牛肋條牛肋條軟腍，但整體味道過於單一，紅酒味唔算出，亦冇呢道菜應有嘅惹味同配料香味。奶油菠菜鮭魚唔算特別，鮭魚肉質唔夠嫩滑juicy~柚子手羽中柚子味調較得幾好，係醒胃嘅，但坦白講呢味本身就應該最唔易出事。…查看更多

再訪白鬚❣️呢間算係我覺得喺西貢數一數二好食嘅食店，何況主打印尼料理更為罕有。店內環境舒服，二樓仲有梳化區，夜晚會好chill咁喺大螢幕播電影🎞️。呢日行完山，特登嚟食個靚飯，順便挨住啲豆豆梳化放鬆一下😌😌1️⃣牛骨湯飯 ($108)每碗大概有3至4嚿牛骨，亦有牛腩同蘿蔔。牛骨湯經長時間熬製，飲落唔係好濃味，而係相對清甜嘅牛肉湯😋，無味精，飲哂成碗都唔會「涸」喉。 牛肉煮得好腍身，冇用太多調味料，所以肉味更突出。最地道嘅係個自家製辣醬，咸香辣共冶一醬，個人認為唔好加落湯，而係用嚟蘸點牛腩送飯，咁就同時食同清甜牛湯+惹味牛肉！😍2️⃣印尼雞湯粉 ($72)印尼雞湯（Soto ayam）係種黃色、帶香辣嘅雞湯，地道食法除咗可加入湯粉，仲有粉絲或白色米糕（Nasi Himpit）。呢度就冇得揀米糕，但飯/麵同樣夾！湯底濃味得嚟唔會太鹹，可能為迎合港人口味，地道薑黃味被較重椰香味取代；雞肉足料亦鮮嫩，配料有蛋、芽菜、豆卜同印尼風味十足嘅蝦片🤣 加埋自家製參峇辣椒醬，幾有特色。3️⃣炸素春卷 ($23)外皮酥脆，餡料調味適中，食落清爽唔油膩👍…查看更多

好開心偶然搵到呢間坐得舒服又充滿日式風情嘅居酒屋。店內掛滿日式壁畫同燈籠，和風滿滿，食得特別有feel😎 每次有客來到就會打鼓🥁歡迎，幾特別😆呢度供應嘅食物多類型又多款式，除咗串燒、刺身、一般料理，仲有壽喜燒同石板燒，價錢唔貴又好食！鍾意飲sake仲可以試下清酒放題添~~1️⃣松茸雜菌壽喜燒（配安格斯牛肉） $268+稻庭烏冬($28)鍋底備好足料松茸雜菌，壽喜燒甜度適中，但食到後期稍覺偏鹹。牛肉色澤鮮紅，脂肪比例均勻，入口肉味都算濃郁，呢個價錢好收貨。隨鍋附上嘅雜菜豆腐拼盤，有生菜、娃娃菜、洋蔥、蘿蔔同雜菌（又係菇🤣），夠哂豐富。食壽喜燒，點少得個烏冬！？索哂汁食先叫圓滿 🤤成個餐兩個人share啱啱好🥰2️⃣鹽燒和牛舌 $48有驚喜👍每嚿都好厚肉，燒得夠香，咬落爽口3️⃣鹽燒雞翼 $28味道係正常水發揮，雞翼開邊後較薄身，唔夠厚肉多汁4️⃣迷你甜薯牛油燒 $15燒得乾咗啲，冇乜特別…查看更多

九龍城一直都係地道泰菜集中地，今次就去咗昌發，想食泰麵就要識😆食完真心驚喜👏🏻小店嚟講，呢度唔單止多選擇，食物質素高，價錢夠抵，真正大件夾抵食，會再幫襯。1️⃣遊船河(金邊粉) $50天氣涼番，食碗熱辣辣♨️嘅船河填肚好滿足。呢個船河湯頭都算濃郁，配牛肉片同豬肉丸。粉麵揀番金邊粉，我認為係最吸收到湯汁精華😋，泰式香料都新鮮，整體水準有B+，香港食到嘅味道嚟講叫正宗啦！2️⃣泰東豬肉生菜包 $69泰國東北菜較重口味，著重辣、咸同酸味，所以呢個生菜包嘅肉碎會更酸辣開胃，米香味出眾，配爽脆生菜，一啖咬落去真係好夾，份量仲要足到爆，食極唔完咁👀3️⃣蠔仔煎蛋 $128見隔離枱食得咁開心，聞落又好香，所以抵受唔住引誘叫咗😆。想講：值得嗌！蠔仔煎蛋用鐵板上，熱力將香氣送入你個鼻，仲要大大塊好震撼。煎蛋嘅底部酥脆香口💯，蠔仔夠多，肥美又唔腥，仲有海量芽菜墊底平衡油膩感👍🏻👍🏻，附上甜辣醬，所以一啖接一啖都唔覺滯。不過有時店舖會轉粉多脆口個款，所以落單嗰時可以講明要腍嗰隻。4️⃣芒果沙冰 $38勁勁勁大杯，滿到瀉；芒果味可以再濃啲，不過唔係死甜，都收貨啦😌📍環境較細、座位偏窄、唔算光猛整潔，但老舖小店，小妹唔太介懷📍自行手寫落單…查看更多

希雲街行到最督督，有間隱世手工burger店，鋪頭細細，得8張2人枱，好彩揀咗平日夜晚嚟，唔駛排就有得坐低。呢間小店出品有水準，堅持全自家製材料，成個包由外到內都俾足心機，抵讚👍🏻除咗牛肉漢堡，雞堡都高質！1️⃣Sick Burger! 牛肉漢堡 ( 單層$62/雙層$90/三層$118 )麵包係店家自己研製，以法國奶油麵包(Brioche)作多次改良，混入洋蔥碎同秘密配方，淨係包已經惹味，外脆內軟，唔係一般包廠來貨。漢堡用上安格斯牛肉，邊位煎到焦香，有肉汁，加上洋蔥、梅子醬、自製醬汁、車打芝士等等，有適中甜味酸味加持，食哂都唔覺膩😝2️⃣Sick Chicken! 雞肉漢堡 ( $62 )炸雞皮夠脆口，肉質依然多汁嫩滑。調味方面，雞肉用多種香料混合而成嘅Masala同酪乳醃製，好少食到雞堡都有印度風味，加埋紫蘇葉、檸檬皮碎、紅洋蔥等調味，再用凱薩沙律醬汁平衡較濃烈香料味，真係少有食到嘅驚喜配搭，誠意滿分！3️⃣蔥油洋蔥圈 HK$34食唔停！🤩洋蔥圈用黑啤炸漿混入青葱、黑芝麻等製成，好夾好香脆！(原來靈感確係源自葱油餅🙈)，蘸沙律醬一齊食，中和炸物油膩感。…查看更多

大圍呢間木系和風居酒屋，店面雖然唔係好大，但座位闊落，樓底夠高，空間感十足，仲有bar枱同tatami位，坐得舒服又有feel~~食物方面都算高質，餐牌好多選擇，菜式有心機諗過，價錢亦親民，推薦之選。🤩1️⃣鮮帆立貝肉($80)肉質鮮甜，不過可以再厚肉啲😜2️⃣壽司自選壽司🍣：蔥拌吞拿魚、三文魚、油甘魚、金目鯛。壽司以赤醋飯製成，配上豐富甘香味嘅刺身魚，整體好滿意。3️⃣豚肉豆苗卷($48)好奇試一試，點知有驚喜喎💜。醬燒豚肉夠香，juicy但偏重味，好彩有中間嘅豆苗令入口感覺爽口，一重一輕，兩者幾搭。4️⃣蕃薯併南瓜天婦羅($78)南瓜同蕃薯都好新鮮，炸粉薄身，入口酥脆但唔油膩👍混入鮮蘿蔔蓉嘅天婦羅汁，唔會過鹹或過甜，充份中和炸物油膩感，沾天婦羅食好夾。5️⃣味醂魚乾($68)鹹香魚味濃郁，燒得剛好唔會乾柴，保留到咬口，送酒一流🍻6️⃣自家製梅酒($58)誠意之作，有梅香，淡淡酒味🥃，甜度酸度啱啱好，易入口。…查看更多

好耐冇去呢間主打手工意粉餐廳，以往食過真係好驚喜，但唔知係咪分店越開越多難保水準，定係午餐較頹？今次對成個餐都有啲失望😥。沙田分店午餐Menu有三個set，價錢分別係$98、$138、$158，今次小妹揀咗 Set B，包前菜、意粉、甜品，送埋無糖紅茶，呢個價算抵食，不過除咗免費餐麵凍冰冰、硬掘掘，意粉表現亦有失色。【前菜】1️⃣蘑菇湯食得出用咗大量新鮮蘑菇而製，味道香濃，上枱時熱辣辣，坦白講食前菜最開心2️⃣田園沙律🥗沙律菜新鮮爽甜，畀足芝士，又夠濃味【意粉】3️⃣煙三文魚忌廉汁扁麵  (+$10)嚟到主打手工意粉，好彩力保到意粉口感彈牙，食落唔會有麵粉味。不過汁醬太濃稠，而且溫度亦唔夠熱，好快覺得飽滯，彷彿要同時間競賽食快啲😅。4️⃣慢煮豬肉辣醬寬帶麵微辣開胃，意粉厚身有嚼口，但豬肉辣醬較鹹，加埋個醬好杰，膩感好重，食到有啲辛苦，最後係食唔哂【甜品】5️⃣提拉米蘇好多人嚟食tiramisu朝聖，雖然咖啡味香濃，但就蓋過酒味，而且啲layers去哂邊？？😭 有人話質感creamy，但整體太濕潤了吧，蛋糕同忌廉嘅比例差太多，冇左層次感。6️⃣紅莓醬意式奶凍質感幼滑，酸酸甜甜既紅莓醬可以中和全餐油膩感，但由於偏淡口清新，如果share甜品嘅就先食奶凍，再食tiramisu啦，否則奶凍就會好淡口無味😆。總括而言，Lunch Set唔太推薦，之前喺中環分店食晚餐好食好多，希望有緣再食會令我重拾信心啦!…查看更多

食泰菜，唔一定盡在九龍城嘅，今次就喺尖沙咀搵食，介紹一間抵食又好食嘅泰菜！🥰如果週末過嚟，好大機會大排長龍，所以小妹特登避開人群，搵個平日夜晚來，果然即到即入🤭店面為大排檔裝修，鐵皮加五顏六色poster 牆身，紅藍綠櫈都好有大排檔vibe。泰菜本來就以「五味雜陳」見稱，而我覺得呢間餐廳表現有驚喜👍🏼保留到泰菜精髓，價錢亦十分親民！1️⃣ 燒牛肉 $138必點之一✨✨牛肉切片，燒到五成熟，中間呈粉嫩嘅紅色，咬落去即刻有種幸福嘅感覺🤌🏼 因為個牛除咗保持到肉質嫩度夠juicy，味道仲非常濃郁，炭香味一流，調味亦剛剛好！配上泰式酸辣汁，辣度唔惹少，啱哂好辣之人🥵；就算耐辣能力弱少少，但食到開始有膩感，不妨蘸少少汁，事關佢夠哂開胃同解膩！2️⃣ 醉貓炒河 $88醉貓炒河係比泰式炒河Pad See Ew （See Ew 即豉油嘅泰文譯音）更重口味，加入多種🌶️🌶️辛辣香料，例如九層塔、辣椒辣醬、胡椒（通常會連胡椒梗一齊放入去炒），味道更強。呢間嘅醉貓炒河冇得自行加配肉類或蝦，主要落咗豬肉碎、洋蔥、豆角、車厘茄、九層塔一齊炒，味道合格，略嫌唔夠重香料同胡椒味。溫提：少辣仍算偏辣，可自行加糖平衡，如想試到原始風味，就挑戰原本辣度啦！畢竟醉貓炒河係sell辣，有傳佢個名就係因為好辣可以消宿醉，叫醒隻醉貓，由此命名。（🇹🇭泰國炒河仲有好多種，之後有機會逐一介紹！🌞）3️⃣酸辣鳳爪沙律 $78鳳爪大隻厚肉而爽口，配料如蕃茄、洋葱、青瓜、唐芹都幾fresh。不過，雖然我叫咗少辣啫，但結果唔單止一啲都唔辣，亦都唔夠酸、唔入味，偏甜，味道較失色，少少失望。🙈4️⃣酥炸皮蛋蝦餅 $78皮蛋蝦餅上枱時仲熱辣辣，夠香脆，蝦餅彈牙唔厚粉，所以唔覺油膩。皮蛋有流心效果，夾埋一齊食好match😋5️⃣椰青 $48冇㗎~食泰菜嘛，就算知道喺超市買椰青🥥平一半有多，你都係會嗌㗎嘛！好在椰青十分多水，飲落鮮甜，大熱天時食香辣濃泰菜夠哂爽。飲完椰青水，記得刮埋椰青肉嚟食！✍️評分味道：9/10環境：8/10服務：8/10打卡值：8/10抵食：9.5/10…查看更多

素食餐館「素年」登陸港島，喺灣仔藍屋範圍內開設第五間分店「Wanaka」，依然堅持選用本地種植有機食材。小店身處鬧市一角，室內係木系簡約裝潢，窗邊大玻璃加強採光，同時室外亦設有雅座，可以靜靜享用美食，放緩急速生活節奏，同時感受香港本土歷史文化。1️⃣ 泰式飛天本地通菜長通粉 ($108) 芸芸清新選項入面，呢個長通粉睇落係最濃味，不過以為有「泰式」就好辣就畀佢fake咗啦😆 其實只係較惹味嘅炒通菜鋪面。長通粉配料有野菌、甜椒同自家製酸忌廉，雖然通菜較惹味，但其他食材味道較淡，整體味道唔算十分出眾。個人認為可以加多些少辣同鹹味，咁配埋解膩嘅酸忌廉就平衡得更好😗  2️⃣ 夏日三文魚芒果壽司 ($128) 壽司足料大大嚿🍣，配上有機本地秋葵、蘆筍、牛蒡、甘荀、蘿蔔漬、紫椰菜、自家製千島醬汁，夠哂清新，用料豐富，色彩繽紛，🤩望到就食慾大開！呢度嘅「三文魚」當然並非真魚啦，而係用蒟蒻製成嘅素食版三文魚，但口感依然紮實。配上自家製千島醬汁同芒果🥭，結合各種新鮮食材，真係開胃飽肚又健康！3️⃣ 夏日戀人（巴西莓，藍莓，火龍果，香蕉) (+$56) 由巴西莓、藍莓、火龍果同香蕉打成嘅沙冰，口感順滑，清新水果風味即刻消除夏日悶熱感🥵。咁多種果味嚟講，莓味係最出，酸酸甜甜，亦有香蕉帶來嘅綿密口感，夏日解渴解暑一流㗎。✍️評分味道：8.5/10環境：9/10服務：8/10打卡值：9/10抵食：8/10…查看更多

今年Restaurant Week(25/7 - 27/8)又嚟啦，用平價食到高質food，機會難得當然唔會錯過啦！今次去咗呢間薄有名氣嘅西班牙餐廳，個人覺得中午嚟最抵食，而喺Restaurant Week期間更設有特定午膳套餐，可以加錢揀鎮店之選juicy龍蝦飯，成個餐有埋tapas前菜、甜品，兩人落樓都係$700，比起平時一個龍蝦飯都$590，真係抵食好多㗎~~前菜 - 1️⃣麵包麵包外皮偏硬難咬開，唔算好出色👀比較特別係個蒜味蛋黃醬，蒜蓉味幾香，頗開胃，令平平無奇嘅麵包成功升格🤣2️⃣Tuna Tartare 呢個吞拿魚他他size有拳頭咁大，配有3塊細多士，同平時有四個迷你脆餅裝住嘅版本唔同，但兩款都係面頭鋪上吞拿魚，下面用牛油果醬墊底。呢道前菜比平時略為失色，除咗冇落蟹子，估計因為原個上，要客人自行夾吞拿魚、牛油果同多士嚟食，容易令比例失衡。小妹今次就唔係好食到牛油果提鮮嘅味道，少少失望；吞拿魚雖然唔腥，但偏淋同難咬開，口感一般。3️⃣Octopus Croquettes (+$48) 炸到金黃色嘅章魚小丸子，有木魚鋪頂，配上Takoyaki醬，充滿fusion感。一口咬落去，外層酥脆，內層嘅章魚肉質算彈牙，都唔算厚粉，表現尚可。主菜 - 4️⃣Juicy Lobster Rice (+98pp) ✨✨終於到心心念念嘅主角出場了！足料大份嘅龍蝦飯，一上枱就聞到濃濃香味，龍蝦十分大隻，厚肉彈牙好多膏，飯同汁完美融合，每啖都吸曬龍蝦汁精華，質地亦調得剛好，唔係杰撻撻，令飯芯保持到微硬口感！一啖食完又一啖，幾飽都要食哂佢！記住，一定要至少兩人先KO到佢🤭甜品 -5️⃣Crema Catalana 加泰羅尼亞焦糖奶凍，有一層薄脆焦糖蓋頂，下面係奶製布丁。Crema Catalana係由牛奶製成，之後加入粟粉同雞蛋；同法式Creme Brulee唔同，後者則用濃濃忌廉同雞蛋製成。呢個Crema Catalana 雞蛋味香濃，奶凍口感涼涼哋，幾順口。6️⃣Burnt Basque Cheese Cake 巴斯克焦香芝士蛋糕🍰，外層有深焦色嘅焦黑痕跡，內裡質地柔軟而濕潤，偏軟滑，味道唔會過於甜膩，都算幾好。📍我被安排坐喺一樓，枱同枱較近，好易聽到哂隔離講乜🙈📍裝修有異國風情，幾好打卡📍服務唔錯，侍應主動招呼清枱✍️評分味道：8.5/10環境：8.5/10服務：9/10打卡值：9/10抵食：8/10…查看更多

📢📢薄荷控注意❗天氣熱辣辣，喺銅鑼灣行多步都原地溶化解體🥴，呢個時候有杯凍入心嘅解暑刨冰，將會係你嘅夏日福音 :’) 1️⃣ 朱古力森林 （薄荷特濃朱古力）($128)一上枱就為你帶嚟震撼視覺！刨冰夠巨型，賣相又吸引，大家不免手機食先！但記住唔好影太耐，因為天時暑熱，再凍嘅刨冰都會有溶嘅一日😆 刨冰入口即化，有濃濃薄荷味，好抵讚！頂部有曲奇餅碎同奶蓋，中間嘅刨冰都仲有唔少餅碎同朱古力脆波，口感好豐富，配合得好好👍 唔會啖啖一樣味食到厭，唔覺唔覺好快KO咗！🤪隨刨冰附上嘅特濃朱古力醬，建議可以分三次倒入刨冰，等你食到尾都有朱古力味🤭2️⃣ 黑極 (黑芝麻豆腐) ($128) 刨冰頂部鋪上豆腐奶蓋➕一粒芝麻蛋卷(海邊走走)，裡面有黑芝麻粉同花生碎，中間藏住黑芝麻雪糕，食到最底仲有豆腐花，層次感十足。黑芝麻味超濃郁，初入口嗰幾啖確係好驚艷，但坦白講，除非係黑芝麻控，否則啖啖芝麻味就會有啲悶同overwhelmed，覺得可以用豆腐/果味雪糕取代黑芝麻雪糕，或加入如焦糖脆脆嘅配搭，提升味覺刺激。📍刨冰即叫即整，製作需時，同埋今次送錯單等耐咗 🙈 但係值得的！📍呢個份量，一個冰兩人分會比較理想。📍星期六日晚繁忙時段較多人，要排隊，但都算郁得快，唔駛等到天昏地老。✍️評分味道：8.5/10環境：8/10服務：8/10打卡值：9/10抵食：8.5/10…查看更多