ritter1207的个人专页

週末同朋友入去晚飯,估唔到竟然發現大大驚喜 ！先上枱係炸子雞半隻，外皮炸得金黃酥脆，咬落香口帶脆聲，雞肉嫩滑多汁，連雞胸位都唔乾柴，食到停唔到口。清湯羊腩係意外驚喜，羊腩、蘿蔔、枝竹料夠多，湯底清澈，帶淡淡藥材香，羊腩煮到腍滑冇羶味，飲落暖胃又抵食。京蔥鮮菌爆海參炒得鑊氣十足，海參爽口彈牙，配上鮮菌同京蔥，鹹香惹味，非常送飯。最後嘅鮑魚海皇豆腐煲真係足料，有鮑魚、蝦仁、帶子、魷魚，豆腐煎香再入煲，吸收晒湯汁嘅鮮味，入口香滑。最後食埋送既紅豆沙, 真係好滿足！…查看更多

週末晚飯時間，經過明記潮館，見好耐無食潮州嘢，就入去試下。等位唔算耐，職員安排得快，坐位之間都有啲空間，唔會迫住食，環境整潔，感覺幾舒服。睇完餐牌，揀咗個二人套餐，再加個優惠滷水拼盤，估唔到幾抵食，份量都唔少。🍲【粉絲蟹肉煲｜$448 套餐】呢煲係當晚最期待嘅一味。煲仔一上枱，熱氣撲面而來，打開蓋見到隻原隻蟹鋪晒喺粉絲面。蟹鉗同身都有肉，肉質結實冇腥味，鮮甜有彈性。粉絲索晒湯汁，煲底微焦位置仲有啲脆邊，香得嚟唔會太乾。味道鹹香帶少少麻油香，蟹嘅鮮味滲晒入湯底，成煲食落都幾惹味。三個人分都夠分，幾滿足。🦆【滷水鵝（小份）｜$448 套餐】滷水鵝一上枱，色澤深啡油亮，外觀已經好吸引。鵝件切得平均，厚薄適中，肉質唔算太厚，勝在滷味入晒骨，入口有香料味之餘，帶微甘，唔會死鹹。鵝皮唔油膩，連埋油脂一齊咬落口有少少膠質感。🥢【滷水拼盤｜$8（優惠價）】真心抵，加配價只係$8。拼盤有滷蛋、滷豆腐、豬紅同鵝腸，種類齊全。豆腐滷得入味，外層實淨但入面仍保嫩滑；滷蛋係全熟版本，蛋香濃郁；豬紅軟滑無腥味；鵝腸最驚喜，處理得乾淨又夠爽口，唔會有油膩感。一碟食落滿足感好高，呢個價錢真係好少見。…查看更多

講起Chatterbox Cafe嘅海南雞飯同炒粿條，真係值得一試。首先，佢哋嘅海南雞飯，雞肉滑嫩多汁，入口即溶，完全冇乾柴感。飯粒飽滿，用雞油煮得香噴噴，每粒飯都吸收晒雞油嘅精華，仲有淡淡嘅香茅味，啱啱好。賣相上，雞肉切得整齊，一碟雞飯配上黃澄澄嘅飯，仲有幾條青瓜絲作點綴，睇落已經好吸引。至於炒粿條，佢哋用嘅粿條夠煙韌，炒到每一條都均勻地裹上咗豉油汁，色澤油亮。炒粿條入面嘅蝦米、臘腸同芽菜，都俾呢道菜加添咗唔同嘅口感同層次。尤其係蝦米嘅鹹香同臘腸嘅微甜，令成碟粿條味道更加豐富。芽菜爽脆，唔會因為炒過而失去口感。蛋同韭黃亦炒得啱啱好，散發住陣陣香氣。總之，Chatterbox Cafe嘅海南雞飯同炒粿條，真係色香味俱全，絕對值得推薦。…查看更多

呢間火鍋店已經幫襯幾次，因為真係鐘意佢坐的舒服、食材又新鮮！今次哪左花膠雞湯底。材料好豐富，花膠好大塊，而且充滿膠質，同雞真係好夾。開頭飲一口湯好鮮甜。佢哋嘅牛肉拼盤好高質。唔單止款式多，試到曬唔同部位既口感。每一款牛肉都鮮嫩多汁，而且新鮮、重牛味。真係好正！個依比利亞豬都一樣有爽口，有濃濃豬肉味！廣島蠔大隻飽滿，蠔味濃郁，每，肉質彈牙，一啖又新鮮。其他食材，好似手打丸同埋蔬菜都水準穩定、新鮮！加埋一開頭唔同嘅配料都係用料精良，另依物更加新鮮。最後，唔能唔提嘅係佢哋嘅焦糖豆腐花。呢款甜品真係有特色，佢即場燒個焦糖。焦糖甜香同無糖豆腐花嘅清爽濃滑，勁夾！…查看更多

打邊爐 x 點心 一次過滿足兩個願望有日想打下邊爐，記得之前黎過呢到都幾好食，於是二次回訪！不過原來而家多左點心同埋打邊爐放題！先講點心，咁當然無早市咁多選擇，但大路想食都有齊了🤩呢到點心質素好好，即叫即蒸，一啲都無因為放題而影響味道。食左燒賣、金錢肚等等，全部都爽口彈牙，金錢肚仲要好惹味 ，encore左！隨左點心，仲有啲小食可以簡～～ 真係好豐富！食左醬油鴨、手拍青瓜等等，都係好味高質的！最後就去到打邊爐！ 叫左啲清啲既湯底，不過都好夠味～～ 佢有好多款配料可以簡，一定岩在場既人口味～ 不過最吸引都係餐跟既日本豬腩肉。肉質超級新鮮！仲有個海鮮拼盤，都好鮮甜而且新鮮爽口～～～ 到最後加埋粥底仲有一滿好濃味既海鮮粥！ 真係超滿足！一次過滿足咁多願望，真係好開心，下次再戰！…查看更多

今日放工，我去咗一間好抵食嘅小店，價錢真係超抵，唔洗去北上，閒日8點已經好滿座，因為勁抵食。招牌蒸餃真係蒸籠上嚟嘅，只係$38。餃子好大隻，好飽實，豬肉多汁少肥，湯啱啱好，好好味！香烤雞腿令我驚喜，烤得香口，肉質嫩滑多汁，價錢亦幾合理$28！花旗參竹絲雞盅都好特別，花旗參提味，竹絲雞更加豐富風味，湯汁夠味，令人回味無窮。鍾意酸辣嘅話，$60豬頸肉湯麵係好選擇。酸辣金湯味道鮮美，豬頸肉鬆軟量多，麵條有彈性，食落好過癮。最後花生醬拌雲吞都唔錯，雲吞拌埋花生醬，口感獨特，花生醬香濃，雲吞鮮嫩，夾埋一齊好味。想食抵又好味嘅食物，呢間小店絕對值得一試！…查看更多

今日同朋友試試半島酒店下面日本餐廳「釧」每位$1280的omakase午餐，從開始到結束，每一道菜都展現了師傳對食材的精湛處理和創意。首先，前菜是白子水雲，白子柔軟細膩的質地，和微酸的味道融化在口中，作為開場。之後左口魚的刺身，肥美的油脂掂配爽口蓮芋，較為清新，味道偏淡。另一道是時令的鰤魚，魚肉表面燒過，仲有自製的紫菜醬，令整道菜有豐富風味同口感。茶碗蒸都好有驚喜，入面係法國藍龍蝦搭配黑松露、山椒，龍蝦的鮮甜與黑松露的香味非常夾，亦增添了層次感和豐富的口味。鯛魚搭配水菜、荀絲和紫蘇花是一道色彩繽紛的菜品。鯛魚好鮮味，而水菜、荀絲和紫蘇花帶來了清新的口感。之後嚟到壽司，首先係石垣鯛、針魚和地金目鯛味道較淡的組合，然後係池魚、赤貝和赤身，最後係味道較濃同油脂豐腴的拖羅和牡丹蝦壽司。燒過的拖羅的香脆口感、燒蛇腹的獨特風味和牡丹蝦的鮮美相互輝映，給人留下深刻的印象。海膽非常鮮甜，份量十足，而且比日本食過的更好食，係全餐的亮點。另外仲有吞拿魚蓉同玉子cream brûlée。海膽的鮮甜、吞拿魚蓉的醇厚和玉子cream brûlée的滑順口感共同營造出一個令人垂涎的菜品。在甜品方面，腐皮搭配杯芽和白朱古力奶凍好特別，脆脆的腐皮炸到好似泡芙，同奶凍的滑順口感完美融合。在這個omakase午餐的最後，餐廳仲有新年主題的甜品。紅酒餅乾搭配低咖啡因蒟蒻同rosemary雪糕、巨峰沙冰和紅豆芝士蛋糕，不僅非常豐富，而且造型精美，有日本新年氣氛。最後，估唔到黑芝麻白朱古力都有驚喜，芝麻味好香濃，食完非常滿足。「釧」無論是壽司、煮物、刺身還是甜品都有心機同創意，如果您想試omakase午餐，絕對是一個值得推薦的選擇。…查看更多

平時係尖沙咀行街經過，一直都未有機會試，今次終於食到～一入黎已經好好招呼，個位又坐得好闊落！黎到呢到，點可以唔食小籠包。佢粒粒都好飽滿，皮又薄，仲有好清好鮮味既湯汁！之黎食左菜肉雲吞，皮都係好薄，不過雲竹吞就爽口好多， 但都一樣好好食！之後食既係金沙蝦球。一定要讚下啲蝦好大隻好爽口。鹹蛋黃醬就又多又香，包滿每隻蝦，好惹味！不過呢個就多啲人share會好啲！最後就一定係片皮鴨。呢到既片皮鴨都係即燒，所以都要等得一陣，但黎到真係皮脆肉滑，又熱辣辣，絕對值得等多一陣！最後食埋高力豆沙做甜品， 真係好滿足！…查看更多

今日試左呢間越南菜餐廳，入到去環境好清新，好似cafe，已經有種好清新既感覺。野袋方便選擇有 好多，基本上common越南既菜式都有，而且仲有好多選擇mix and match! 第一個係呢個春卷。佢無好重調味，不過成個味道都好清新爽口，係個好開胃既前菜！呢個海南雞飯就超有驚喜！因為佢皮爽肉嫩，袋落每一啖都好滑！ 連霹時鞋口既雞胸都一樣咁好食！配埋個蔥油就好惹味！之後既雞翼同埋豬扒都係蒜蓉牛油做底，個蒜蓉牛油好香好惹味！拎上黎已經聞到牛油既香味，令人食極唔停口！…查看更多

呢到外表雖然成個密室咁樣，但朋友話我知原來好好食，於是就黎左呢到食鐵板燒喇！入到去坐係吧台，先食左沙律同叫左杯啤酒，急急腳行到黎都降一降溫～～我地簡左其中一個set 再散叫已經好豐富！先講份量，佢雖然係精致既路線，但份量都會好足夠。整海鮮已經見到師傳好耐心，東星斑係好香好滑，連鮑魚都係爽口彈牙！不過印象最深刻都一定係白鱔，因為爽口得黎又希油脂真係超超超難忘👏🏻👏🏻👏🏻至於肉方面，我地叫左牛舌、牛柳粒、羊扒。師傅都好好手勢。因為我地叫5成，整到出黎真係岩岩好，超juicy唔鞋口！每個菜式側邊都希啲精致啲既伴碟，一邊面令賣相令啲，另一方面都提升味道！最後食埋甜品同炒飯，真無超級無敵飽。重點係價錢唔係好貴，但咁好食又好服務！一定回訪！…查看更多

宮崎肉本鋪@sugar+ 銅鑼灣最近同朋友去咗一間位於銅鑼灣嘅日本餐廳 - 宮崎肉本鋪，就喺糖街新既sugar+入面。呢間餐廳係專門供應九州A5和牛嘅，同時佢哋嘅環境同服務都係好一流👍🏻餐廳喺維園大球場附近，所以你可以飽覽到落地玻璃外嘅大球場風景，佢哋仲有好多半私人包廂，個包廂超高privacy，完全無需要擔心會有人打擾到。個環境舒適，裝潢日系，真係好適合一班朋友或者家人聚餐。食物我試咗佢哋嘅九州A5和牛鍋物，內有新鮮蔬菜、菇，同埋日式魚糕等。個和牛西冷真係極好味，肉質嫩滑，肥膩得剛剛好，入口即化咁，配埋鍋物嘅湯底，實在係太美味啦！肉嘅質量非常高，你可以食到牛肉嘅甜香！套餐仲包白飯、肉碎豆腐前菜、茶碗蒸、同埋麵豉湯。肉碎豆腐前菜好下飯，而茶碗蒸就清新滑口，清新既柚子sorbet 就為整個餐點劃上完美嘅句號😋…查看更多

今次呢個omakase 係食過咁多次最有心思，最用心同埋服務最好既一次！一開始經理已經好helpful咁welcome我地。食物方面非常豐富之餘，仲用左好多日本唔同既熱門冷門既食材，而且仲好新鮮，好有驚喜！ 全晚不停食，未停過！沖繩松葉蟹味道好鮮甜！北海道白玉粟米好清甜，但口感又介乎係爽脆同軟糯之間，好得意！石鯛魚卷海膽豆腐將幾樣新鮮食材放埋一齊，好鮮味！汁煮磯粒貝爽口彈牙，而且醬汁都十分入味！之後既新鮮龍蝦刺身都好補驚喜！隻龍蝦係魚缸拎出黎好新鮮，而且肉質鮮甜爽口。無咩肉既部分最後介煮左湯，好香濃！之後幾款刺身同壽司都一樣好食。因為佢用既魚真係鮮甜！而且師傅手勢都好好！ 最正就係左口魚既油脂同埋黑龍！之後仲有好多唔同菜式！ 北海道牡丹蝦好爽甜，仲有 埋燒蝦頭蝦膏，超級鮮味！另一個好好食一定係日本熊本小長井華連蠔！因為真係超fresh,超香濃既蠔味！ 真係好想encore ！之後仲有好多高級食材，好似白劍貝、活車海老、赤身醬油漬配馬糞海膽、慢煮4小時南非鮑魚配蟹膏麵豉！全部都好新鮮，而且經過師傳處理，再提昇左味道！之毛蟹拆蟹肉加蟹膏都係驚喜！拆左好方便，而且蟹肉鮮甜！成餐真係勁豐富！！ 勁飽！ 試左勁多野！最後仲有熊本赤肉蜜瓜同薑味雪糕，雪糕仲要自家制，真係超滿足！再食omakase一定會再黎…查看更多

好耐無飲茶喇！ 黎左呢到，環境又靚，坐得又舒服，點心又好食☺️香麻海蜇拼燻蹄係一個好好食既前菜，麻油味好香濃，海哲爽口，令人忍唔住繼續食。燻蹄肉質都好滑，唔會鞋！瓦煲上既豉油雞，煮得岩岩好，雞肉好滑，皮又薄。豉油味入味得黎，又唔會太鹹，真係好正！如果叫多碗飯就更正！小籠包皮幼薄，唔會食落成口面粉。點心岩岩蒸出黎，一咬開就即刻有肉汁流出黎！ 椒鹽鮮魷雖然唔算好驚喜，但都絕對係水準之上。佢炸粉好薄，脆口得黎又唔會成口粉。佢落既椒鹽都夠曬味，每一嚿都食到惹味既椒鹽，比好耐地方都出色！…查看更多

今日和朋友到了觀塘吃自助餐，此餐廳最近翻新，主打有得玩有得食，場地有得duk波，又有飛鏢掟。食物方面可以先選擇主菜，主菜全部都可以任叫，見到隔離枱叫了pizza，也是非常吸引！我們要了德國鹹豬手，外皮很脆，食多少少已經回本了！店員介紹了海鮮區，我們可以自行夾想吃的海鮮和份量，然後交給廚師發辦！由於海鮮是海鮮游水的，有蝦有蟹，鮑魚和蜆都很好吃，肉質彈牙，廚師火喉掌握得很好，有鑊氣！自助區還有凍海鮮、沙律、甜品，竟然有蘋果金寶！雪糕的種類也有很多，很滿足啊！…查看更多

呢到係灣仔一間樓上既西餐廳，估唔到超級有驚喜！！ 默為佢啲野食好好味之餘，食材都好高質，仲dey aged既牛扒！呢到服務好好，而且餐廳都對食物應該都好講究，默為每一樣野都會講解！Grilled lbericoPork Rib Fingers with Hot & Sour Sauce估唔到前菜已經咁好食！醬汁酸酸地好開胃，配上酥脆既rib finger,係完美既配搭！Black pepper crab tartare蟹肉配上牛油果再加埋脆片，蟹肉清甜，配搭後成個組合都好fresh，口感又豐富24 hourssous vide iberico pork rack。 店員表示用左慢煮方法處理，等iberio prok豐富既油脂石以逼到出黎，食落就無咁膩！ 而且咁樣煮左，咁厚既豬都唔會難口！高質！配菜有雞油浸過既椰菜，都幾特別，而且啲菜吸左油份，好香濃！30Days dry aged “44 farms" prime rib eye 300G 呢個係其中一款signature dry aged 個牛扒好濃牛味，而且仲好juicy 好腍身！ 成個口腔都充滿牛香味！ 職員話外層比較乾既新分都處理左，寶係貨真價實。signature Tiramisu我覺得呢個甜品好出色，就咁黎食都可以了。因為佢每種材料既味道都好濃，而且仲好滑，實係整得好好！…查看更多