百悅軒

週末同朋友入去晚飯,估唔到竟然發現大大驚喜 ！

先上枱係炸子雞半隻，外皮炸得金黃酥脆，咬落香口帶脆聲，雞肉嫩滑多汁，連雞胸位都唔乾柴，食到停唔到口。

清湯羊腩係意外驚喜，羊腩、蘿蔔、枝竹料夠多，湯底清澈，帶淡淡藥材香，羊腩煮到腍滑冇羶味，飲落暖胃又抵食。

京蔥鮮菌爆海參炒得鑊氣十足，海參爽口彈牙，配上鮮菌同京蔥，鹹香惹味，非常送飯。

最後嘅鮑魚海皇豆腐煲真係足料，有鮑魚、蝦仁、帶子、魷魚，豆腐煎香再入煲，吸收晒湯汁嘅鮮味，入口香滑。

最後食埋送既紅豆沙, 真係好滿足！