angelakaman's Profile

 特登過嚟銅鑼灣買野, 趁仲早 (7:00左右), 老公話想食間拉麵, 話平日好多人排隊, 就點咗佢去排趕到去, 老公話已經讓咗兩pair 人入去,不過我到咗都可以入去嚕 (佢要人齊先俾入)佢得兩隻麵, 一個係豬骨, 一個係蝦,我同老公一人一個餐, 各自搭一個餃子/沙津要先俾錢, 我見有得有八達通, 仲毎份餐可平 $2餃子ok, 唔太特別,沙津巧正呀~佢有啲wasabi 味, 我係唔食wasabi 架,但我都覺得好好味呀~入面又有啲龍蝦仔, 爽口~yummi~等麵到時, 我留意到佢話佢哋啲麵無加奶我仲心諗......邊會有人食麵會諗到湯底加奶架.....到啲麵嚟, 我習慣先飲啖湯.....的確有朕奶味喎,應係啲豬骨味嚟, 因為真係好濃骨香我加咗啲辣芽菜, 少少蒜, 少少芝麻 (好香架)成碗麵即刻提醒哂~老公啲蝦麵都好好味,佢話覺得蝦好過豬骨喎叉燒都不過不失,半熟蛋好好味~OVERALL 都好味, 如果唔駛排咁長龍的話就更加好啦~ …Read More

今日係初五, 完全諗唔到食乜,老公決定同我一齊去食蠔,之前同姨媽飲茶見到話試吓都好喎, 就嚟咗呢間入去前睇吓MENU, 同蠔客相比貴咗啲喎,仲要佢係位處於樂富而唔係紅磡喎.....個門面都好奇怪, 俾條通道分開兩邊,感覺似係啲車仔檔咁.....仲不停播啲不知明既mv, 有新有舊......坐低, 有位叔叔介紹吓我哋order 咗半打蠔 (因為都唔平....)再叫咗一客牛扒, 一客墨汁蜆肉意粉overall 都好好味, 係貴啲囉.....…Read More

老公去佐敦買野,佢話啲fd 講 RAMEN CHAMPION 有新鋪去到, 見到有兩間, 但老公仍然情歸呢間個麵依然好彈牙, 我上次去食, 係偏硬身,唔知係咪有人俾意見佢, 現在無咁硬我好鍾意佢啲芽菜,我偷咗老公啲嚟吔個湯好正, 加埋啲辣粉, 一流!!! …Read More

老公去佐敦買野,佢話啲fd 講 RAMEN CHAMPION 有新鋪去到, 見到有兩間, 其中一間喺 どてちん Dotechin我見佢個叉燒好似幾正, 今次就試咗特濃豬骨拉麵+章魚燒我坐正間鋪對面,等咗好耐.......睇吓張飛, 成20分鐘都唔到我.....終於問....嗰吓先出咋老公嗰碗已經食完好耐啦一食.....個章魚燒個心係冰架老公嗰舊就室溫....第三粒先叫做暖, 第四粒先熱....發生乜事??面ok叉燒ok蛋唔算係溏心, 溏心應該個心係溶溶地而佢係個黃外圍係全熟, 個心無咁熟.....最恐怖係啲湯, 個味係ok 架,但係......佢好杰....好似啲bb 糊仔咁滯我食拉麵係慣咗將啲麵放入湯, 再舀入口架嘛我未試過食完飽到想嘔我下次一定唔會再食佢…Read More

同咗老公出去食吉豚屋老公話好好味啲位都幾密, 不過無計啦,旺角區啲租咁貴.....係咁架啦打開個 MENU, 價錢唔算貴我揀咗個 "吉列炸蝦豬柳定食", 要餐改烏冬老公楝咗 "南蠻炸雞飯" 都係要餐嚟到啦~我個餐唔錯, 啲蝦好爽, 不過無蝦味,坦白講, 我都好少食吉列蝦有蝦味.....豬柳好脆, 唔蘇, 唔鞋偷食咗老公既雞, 都幾好味~以呢個價錢算係唔錯,當然不能與 とん吉比啦, 價錢都唔一樣~…Read More

今日老公嚟接我放工,佢話想食上海野, 觀塘有兩間我哋成日去,一間係觀廣上海一品香, 另一間係忘不了,上海一品香自從轉咗手後啲野好似油膩咗同埋我一路都覺得佢食LUNCH 抵食過晚飯,最後老公揀咗忘不了今晚無乜人, 我哋想坐卡位, 個門口姐姐話有人BOOK 咗枱好, 我咪又到走嗰刻都無人嚟下次唔該用另一個藉口:(老公想揀魚香茄子.....NONONONO,我實在唔想食....次次同佢一齊都唔係食魚香茄子就沙嗲肥牛最後揀咗蟹粉小籠包, 四川肉末炒飯, 酸辣湯, 回鍋肉酸辣湯 - 保持水準, 酸辣度都啱啱好回鍋肉 - 我鍾意個肉質, 啲椰菜都唔太林身四川肉末炒飯 - 唔算辣, 我食開小辣既都覺得唔辣, 但炒得好乾身, OK蟹粉小籠包 - 明明熱熱地食最好, 老公係要我等多陣, 搞到暖身唔夠好味 呢間係OK 之選,如果想好食啲, 呢區就係家傳滬曉…Read More

 今日除夕，早放工過咗太古城接老公，行咗一陣老公話想食呢間拉麵佢話平日都好多人, 啱啱行到見到6：30 已經人頭湧湧好啦, 試吓先~一路等位一路睇定有乜食,兩公婆都揀咗辣味拉麵見咗個餐牌, 個忌廉蟹薯餅好似好好味咁, 又叫埋食物質數唔錯, 如果唔多人的話我係會再嚟…Read More

 車隊聖誕放題:)老公同佢車隊班 FD 識咗咁多年,一直都 KEEP 住間中出嚟食吓飯, 吹吓水,而我老公亦由跛腳車手變成一個兩子之父是日, 佢哋揀咗嚟呢間食放題,老公之前同啲舊同事食過話抵食仲話我一定好啱眼見佢咁期待我既感覺,心度已經甜咗出嚟啦......仲駛乜食.....細仔小晞喺我哋就出門口前發燒到38.8度,唔敢再帶佢出街吹風,唯在麻煩婆婆幫手睇一陣一行8大一小,侍應姨姨話細路唔計....咦....咁咪慳返百幾, 原先仲諗大仔朗朗去實蝕,唯有靠小晞呢個無限進食肚打均,最後唔駛錢, yeah~我哋8 個人, 送兩板海膽hahaha 可能唔駛錢, 好似特別好味,當然不能同出面成兩舊既相比,但質數唔錯架剌身:甘海老 - 好鮮, 但要自行去殻海花螺 - 好好味三文魚 - ok吞拿魚 - 赤身, 我覺得唔好食, 但亦有人話好味劍魚腩 - 我開始鍾意食, 好鮮, 唔腥架, 好滑鯛魚 - 好爽口希靈魚 - 底有啲魚子, 魚肉有啲似秋刀魚馬刀貝 - 有啲似象拔蚌, 好彈牙, 有鮮味貝柱 - 仲以為係小帶子, 感覺似食無乜味既江搖柱卷物:- 由於我唔食紫菜, 無食過壽司:三文魚 - 質數同剌身一樣火灸三文魚 - 唔錯喎, 不過厚身啲好啲天使蝦 - 蝦幾彈牙, 好爽, 不過同舊飯一啲都唔夾既, 各自分開.....飯 / 麵:宫崎牛肉烏冬同佐賀牛肉拉麵基本上除咗麵唔同係無分別既和食:煮牛腸 - 好似食牛雜, 但啲牛腸唔 "蘇", 好香口同爽口喎黑豚生姜燒 - 啲豬肉有少少 "蘇" 味燒物:鹽燒雞翼 - 好香口, 無落難頂既七味粉醃, 只有鹽, 唔錯鹽燒牛舌 - 超讚!!!! 燒得好香口, 乾身得嚟唔係硬, 仲有juicy 既感覺鹽燒錆魚 - 又一力作, 唔腥, 香口有魚汁鹽燒海蝦 - 不過不失日本冬菇 - 勁乾身, 見到都唔想食鹽燒豬腸 - 勁香口!!! 我連食兩串!!揚物:芝士年糕 - 食唔到....但個樣好得炸蝦天婦羅 - 老公話好味日本蕃薯天婦羅 - 同朗朗講話係 FRENCH FRIES.....但佢話唔係, 唔肯食炸魷魚鬚 - 幾香口雪糕:是日只有雀巢既紅豆 / 芒果 / 朱古力揀朗朗食咗朱古力我同老公食紅豆, 又幾好味喎是日汽水任飲埋單位位 $250 已包加一, 我又覺得ok 喎~可以再試…Read More

隠家拉麵工場 Kakurega Ramen Factory尋日睇 OPEN RICE 突然好掛住呢度啲拉麵由於現在都係家庭日, 當提早少少同老公預祝 X'MAS因為呢家好多人架, 遲少少啲野又無甚至收工一放工就仆過去,可能係12 月23, 啲人去哂開 PARTY老公去到先, 話佢去到排第一, SO LUCKY!!我要白, 老公要紅, 佢仲加叉燒:)上次去到無哂 FIRE BALL, 今次有, 毎人要一客兩位鄉里以為係炸魚旦之類,原來係一個辣球,放落啲麵度打散佢我唔敢打散哂, 只用一半,啲味好濃 (唔太味精) 好正~下次同老公share 一個都ok 啦 坦白, 我呢啲食開小辣真係有少少over 咗,下之真係一半就ok啲叉燒好好味,唔乾, 之前喺 RAMEN CHAMPION 嗰邊都係偏乾身,所以一直我都唔太愛吃,呢度係好乾滑架聽佢教, 加少少昆布醋,加嗰少少酸味落去個湯會無咁 "漏"好滿足呀~好想再食但係我又好full, 無可能加多個麵佢仲有外賣麵但我又自問煮唔返嗰個味, 無買......…Read More

Crostini Bakery & Cafe今日同事表妹請佢食餅佢同我分一個呢個唔知乜野名,但係, 佢朱古力既coating 好好味,入面有啲脆脆粒粒, 加啲果味 (酸酸地) 既jelly同埋朱古力慕絲最重要唔太甜, 好啱我呀~…Read More

 今日阿姐請食 LUNCH係 X'MAS + 冬至飯,去咗 THE LANE 食,阿姐話早咗兩星期訂位架啦佢預咗一間房俾我哋一 TEAM 人環境實在不錯~是日有三個餐,1) 粟米片炸雞 (忘記咗係飯定意粉)2) 大蝦帶子 RISOTTO3) 牛柳是日餐湯 or 黑毛豬沙津+ 餐茶位位盛惠 $203我揀咗 (2), 因為見英文話係 TIGER PRAWN.....即刻口水都流.....枱上既兩款包, 我食咗黑啲嗰隻個包完全無味架.....反而係啲牛油有香草, 又幾香黑毛豬沙津嚟啦加咗少少 PEPPER,啲黑毛豬好大朕 "蘇" 味, 但其餘個味都ok到主菜, 個大蝦煮得唔錯, 有蝦味,帶子煮得帶一點生, 啱哂我,仲有舊炸過既菠蘿加兩粒車厘茄啲餸的確不錯, 反而係個 RISOTTO我呢啲大鄉里, 的確食唔慣,我啲同事話好味,但我覺得有種有米骨既feel最後我都食唔哂餐茶無乜得別 …Read More

早幾日既 PARTY 食咗 TONY 既cake好掛住佢啲野,等我又寫吓我食過啲乜先切餅:Hazelnut and Chocolate Crunchy Cake- 好香朱古力味, 好滑Mixed Berries Napoleon- 我無食到, 但同事話好好味Mango Napoleon- 我既至愛, 細細舊, 食出又有脆口同creamy 既感覺我覺得個 SZ 啱啱好Pink Rose- 查實真係得個靚字掰開啲花瓣就得嗰細細舊蛋糕嚟當tea 都唔夠皮- 芒果拿破崙係我至愛,不過....大個就差少少,當然你把刀要好利, 先唔會切到散哂我都係 PREFER 細舊既切餅多啲…Read More

澳洲牛奶公司同老公去咗麥奀記食面,呵呵, 佢碗面有幾大碗.....我又點會夠飽呀老公直頭話我食五碗都唔夠呀! (死友, 講到我好似好大食咁....查實...我食三碗到咋嘛)我哋去咗澳洲牛奶食甜品老公叫咗燉奶, 我要燉旦佢話佢嗰個好滑 (直頭一匙都無俾我試)我嗰碗好潤 (老公上次食話太水) 真係水遠任何時間都咁多人我上次食佢個茶餐....奶茶唔算好飲 (無銀龍/翠華嗰皮)炒旦又俾人講到天花龍鳳,但我覺得一般咋喎駛唔駛趕頭趕命好似食緊米芝蓮咁呀?…Read More

無限大 Mugendai之前一路都去開佐敦嗰邊食 RAMEN CHAMPION知道九龍灣開咗都轉投呢邊,但發覺呢邊無佐敦嗰邊咁熱鬧同好味....呢邊我幾乎食均, 今次唔記得食過呢間未, 所以再食過今次我揀咗一人餐, 係一客$78 既拉麵加一客餃子拉麵質地彈牙, 湯底亦好清甜, 但唔係濃郁嗰隻,食頭幾啖真係一流, 可能面有一層豬油粒....但亦可能呢個關係, 食食吓好 "膩", 唔可以再飲埋湯叉燒幾好食, 唔鞋, 亦唔係好肥餃子係凍咗啲, 如果熱啲應該好好味…Read More

11月25日係我哋既結婚週年,老公知我鍾意食蠔, 上OPENRICE SEARCH咗呢間,食評好似都幾好, 就膽粗粗嚟試吓,一早book 定位, 點知早咗嚟, 咁啱又有位。我哋毎人一個餐, waiter 問咗我哋鍾意邊啲,我哋鍾意食甜啲既,佢就幫我哋發板等唔算好耐, 雖然我老公覺得耐hahaha 佢慣咗嗰啲快餐mode啦.....先嚟4 款唔同地方既, 再嚟一隻珍寶蠔, 嘩....隻隻唔同feel我好滿足呀, 至愛珍寶蠔之後再用珍寶蠔嚟燒....我覺得都係生食正啲再order 咗一板海膽.....原來好味既海膽係咁既味......之後要個hams 意粉同跟餐既意粉都好好味.....埋單7xx我覺得合理總好過為咗食蠔而去食buffet其實其他野都係麻麻......浪費哂啲quota…Read More