影片
更多
2013-12-30
3020 浏览
车队圣诞放题老公同佢车队班 FD 识咗咁多年,一直都 KEEP 住间中出嚟食吓饭, 吹吓水,而我老公亦由跛脚车手变成一个两子之父是日, 佢哋拣咗嚟呢间食放题,老公之前同啲旧同事食过话抵食仲话我一定好啱眼见佢咁期待我既感觉,心度已经甜咗出嚟啦......仲驶乜食.....细仔小晞喺我哋就出门口前发烧到38.8度,唔敢再带佢出街吹风,唯在麻烦婆婆帮手睇一阵一行8大一小,侍应姨姨话细路唔计....咦....咁咪悭返百几, 原先仲谂大仔朗朗去实蚀,唯有靠小晞呢个无限进食肚打均,最后唔驶钱, yeah~我哋8 个人, 送两板海胆hahaha 可能唔驶钱, 好似特别好味,当然不能同出面成两旧既相比,但质数唔错架剌身:甘海老 - 好鲜, 但要自行去壳海花螺 - 好好味三文鱼 - ok吞拿鱼 - 赤身, 我觉得唔好食, 但亦有人话好味剑鱼腩 - 我开始钟意食, 好鲜, 唔腥架, 好滑鲷鱼 - 好爽口希灵鱼 - 底有啲鱼子, 鱼肉有啲似秋刀鱼马刀贝 - 有啲似象拔蚌, 好弹牙, 有鲜味贝柱 - 仲以为系小带子, 感觉似食无乜味既江摇柱卷物:- 由于我唔食紫菜, 无食过寿司:三文鱼 - 质数同剌身一样火
车队圣诞放题
老公同佢车队班 FD 识咗咁多年,
一直都 KEEP 住间中出嚟食吓饭, 吹吓水,
而我老公亦由跛脚车手变成一个两子之父
是日, 佢哋拣咗嚟呢间食放题,
老公之前同啲旧同事食过话抵食
仲话我一定好啱
眼见佢咁期待我既感觉,
心度已经甜咗出嚟啦......仲驶乜食.....
细仔小晞喺我哋就出门口前发烧到38.8度,
唔敢再带佢出街吹风,
唯在麻烦婆婆帮手睇一阵
一行8大一小,侍应姨姨话细路唔计....
咦....咁咪悭返百几, 原先仲谂大仔朗朗去实蚀,
唯有靠小晞呢个无限进食肚打均,
最后唔驶钱, yeah~
我哋8 个人, 送两板海胆hahaha 可能唔驶钱, 好似特别好味,
当然不能同出面成两旧既相比,
但质数唔错架
剌身:甘海老 - 好鲜, 但要自行去壳
海花螺 - 好好味
三文鱼 - ok
吞拿鱼 - 赤身, 我觉得唔好食, 但亦有人话好味
剑鱼腩 - 我开始钟意食, 好鲜, 唔腥架, 好滑
鲷鱼 - 好爽口
希灵鱼 - 底有啲鱼子, 鱼肉有啲似秋刀鱼
马刀贝 - 有啲似象拔蚌, 好弹牙, 有鲜味
贝柱 - 仲以为系小带子, 感觉似食无乜味既江摇柱
卷物:- 由于我唔食紫菜, 无食过
寿司:
三文鱼 - 质数同剌身一样
火灸三文鱼 - 唔错㖞, 不过厚身啲好啲
天使虾 - 虾几弹牙, 好爽, 不过同旧饭一啲都唔夹既, 各自分开.....
饭 / 面:
宫崎牛肉乌冬同佐贺牛肉拉面基本上除咗面唔同
系无分别既
和食:煮牛肠 - 好似食牛杂, 但啲牛肠唔 "苏", 好香口同爽口㖞
黑豚生姜烧 - 啲猪肉有少少 "苏" 味
烧物:盐烧鸡翼 - 好香口, 无落难顶既七味粉腌, 只有盐, 唔错
盐烧牛舌 - 超赞!!!! 烧得好香口, 干身得嚟唔系硬, 仲有juicy 既感觉
盐烧锖鱼 - 又一力作, 唔腥, 香口有鱼汁
盐烧海虾 - 不过不失
日本冬菇 - 劲干身, 见到都唔想食
盐烧猪肠 - 劲香口!!! 我连食两串!!
扬物:芝士年糕 - 食唔到....但个样好得
炸虾天妇罗 - 老公话好味
日本蕃薯天妇罗 - 同朗朗讲话系 FRENCH FRIES.....但佢话唔系, 唔肯食
炸鱿鱼须 - 几香口
雪糕:
是日只有雀巢既红豆 / 芒果 / 朱古力拣
朗朗食咗朱古力
我同老公食红豆, 又几好味㖞
是日汽水任饮
埋单位位 $250 已包加一, 我又觉得ok 㖞~
可以再试
题外话/补充资料：
呢度都唔错, 连班男人都话够饱
(以上食记乃用户个人意见 , 并不代表OpenRice之观点。)
张贴
