coletepinky的个人专页

約朋友、家人出去食乜最方便？我一定答我最愛既火鍋～今次我同朋友㨂咗焱選套餐，湯底就試三味鍋湯底，包括火焰清酒煮蜆、養生人參藥膳鍋、青花麻辣鍋～個火鍋上嗰陣真係好似睇緊表演咁～侍應加清酒、放蜆，炒咗一陣，再加火令到啲蜆變熟，最後再加湯底隔住個mon都想再食多次～人參藥膳鍋無乜苦味～麻辣鍋我啲朋友話好辣，但我覺得唔算～清酒煮蜆有少少甜味～好正～～前菜柚子沙律酸酸甜甜好開胃～麻香拌蟲草花更係我最愛既前菜，蟲草花本身無乜味，口感有少少彈牙，再加埋麻香令我忍唔住食完又食～感覺好清新～加咗杞子既冬菇，食落去有少少杞子既酸甜味，冬菇依然好香，不過我一向麻麻地鍾意食杞子，所以如果可以會想揀冬菇～太正喇個蝦棒，好鮮甜彈牙～～我真心想叫我朋友唔好食俾埋我～花膠牛丸，咬落去有爆汁既感覺，入面有小花膠～唔好以為好怪，牛味好濃郁，個丸做得好爽口～海鮮拼盤，所有海鮮固然新鮮～蝦爽口，帶子好鮮甜～不過淥既時候要留意唔好淥太耐～會影響食材質素～我最愛既安格斯牛頸脊～雪花均勻～牛味香濃～就算有時失手淥耐咗啲都唔怕話好難咬～一流～響鈴唔會好似出面食嗰啲未淥先淋～淥一陣依然保持到少少脆口～粟米都好甜～仲有佢啲醬都係勁多款任選架～…查看更多

今年生日，同朋友黎呢到打邊爐～地方寬敞～坐得好舒服唔洗逼住～坐底無耐，店員就拎咗調味料俾我地揀，唔洗行出去～仲有六款～對我黎講，最唔少得既當然係蔥、乾蒜同辣椒，有諗過試唔試中間嗰樣野，但唔知咩黎我又無問，都係放棄咗lu~任食火鍋選擇都唔少～我最愛既牛當然唔少得啦～其中一個真係好少喺出面見到，就係麻辣牛肉～我同我朋友第一round就叫晒兩款牛～仲有響鈴、魚皮餃等等，安格斯肥牛片雪花分佈得都算平均～牛味都好出～麻辣牛肉個超正～麻辣味當然有啦～食下食下我諗起以前細個成日食既零食～一包包係超市買到既牛肉乾～～個味勁似～唔好以為佢好韌呀～～一啲都唔覺～魚皮餃其實我一向都麻麻地鍾意食～覺得多數都太鹹～但我估如果下次我再黎呢間，魚皮餃會係我必選食物之一～佢皮薄，一咬落去爆汁～唔會好似出面嗰啲咁鹹～而家諗返都想再食～土魷魚，淥咗幾耐都好爽口～花雕雞件，雞勁滑～～唔知係咪我地放咗好多落去，個鍋都有少少酒香味～啲粟米好甜～～佢個菇菌拼盤都有好幾款菇～～墨魚滑好彈牙～～呢到唔算太嘈～我同我friend邊食邊吹水～～超正～～…查看更多

每次在尖沙咀經過時，也看到這家食店的門口站滿一群食客，我就在想：這家食店為何這麼多人呢？真的這樣好吃？ 一直到現在，在屯門也有分店了～終於在星期六，我跟好友一起在這分店吃午餐～屯門分店和尖沙咀分店一樣，由早到晚也是這樣多人，店員也沒停過的一樣～我們取了票～就在門口等候～看著日本風格的裝潢～聽著301號、302號...廣東話、日文，輪流播著，等了很久，到我們了～～～～～桌上整齊的放著一樽一樽調味品，侍應還體貼的問：你們想喝凍水還是暖水？ 我們在看Menu，問侍應雞白湯及豬骨湯有甚麼分別？原來雞白味道較清新，而豬骨湯湯底較濃厚～我跟朋友也是愛口味較濃的豬骨湯底～我點了辛辣炙燒豚肉味玉拉麵，而她點了炙燒豚肉味玉拉麵～我們還點了一個抹茶雪糕～辛辣炙燒豚肉味玉拉麵先來喝一口湯底，先是有點辣，然後再有豬骨湯濃厚的味，兩者配合得很好，不會過辣而蓋過豬骨湯的味道～拉麵軟硬適中（當然拉麵的軟硬度是可以選擇的）、富彈性～至於豚肉，我先吃了一口肉，感到有少少粗糙，但肉再配合豚肉的肥膏一起吃，也不會感到油膩，反而這才是適中～吃後口腔裡仍留著一點油香～玉，就是雞蛋的意思，在這個”溏心蛋”中間夾開，滿滿的蛋汁流出來～哇～～～把一點蛋汁放在麵條上，其他的自己吃掉～沾了蛋汁的麵分外滑、香～別看這碗麵好像很少，但我朋友吃不完，而我，向來吃得多的我，吃完這碗麵也飽飽的～抹茶雪糕不得不提的抹茶雪糕，它令我明白到為何抺茶雪糕總要配上紅豆～只吃抺茶雪糕時，有少少抺茶的苦味不會過於苦澀，雪糕黏度也高～紅豆的甜度適中，兩者配合一起吃，紅豆的甜去了抺茶雪糕的苦澀～或者一啖苦、一啖甜，這感覺來的更好～問了侍應才知道，原來這雪糕是由日本空運來的～我跟我的朋友說，若有機會，我們再一起來～現在總算明白為何門口總是站門一群食客了～…查看更多

自從離職後，間中都有約前同事聚舊，真想念以前一齊低能既日子～今日難得再聚，我地三個belebala傾咗好耐，又難得間餐廳唔算嘈～呢間野已經由我在職時話一齊去食，因種種原因去唔到，今日終於黎到喇～我地三個都大嗌肚餓～叫咗三個小食、三碗麵～～仲有三杯飲品～七味雞軟骨 - 三個小食入面我地最鍾愛都係呢個～淡淡既咸香，我諗咗好耐先記起呢個香味，應該黎自係鹹蛋王，雖然係中辣，但我覺得唔算太辣，小小辣，加咸香，毫無遺和感～入口酥脆唔難咬開～食完一粒又一粒～都唔覺膩口水雞 - 口水雞既中辣堅辣～～唔好睇佢細細碟，但雞都好多～肉質好滑，但辣味略為蓋過雞味～但整體都ok～戀味毛肚 - 毛肚即是牛栢葉，亦係我平時去茶樓最愛食既一味，呢個牛栢葉既做法同酒樓既好唔同，佢係凍食黎既，爽口、少少辣～但居然食出清新既感覺，平時酒樓既牛栢葉都好濃味～但佢唔會～香鍋肥牛米線 - 一向鍾意食牛既我必然會揀肥牛米線～勁足料，米線唔會過淋或過硬，恰到好處，酸辣味啱啱好，肥牛唔會好鞋好老～我地三個都叫咗凍蜜語水果茶～哇～正～～香甜～多水果食咗咁多辣野有呢杯水果茶中和返～～果然值得我期待既一間餐廳～～相處時間太短喇～～好想快啲再約～呢度唔算太嘈～我地都傾咗好耐～仍唔夠～下次再一齊黎～…查看更多

今晚同家人去咗荃灣明記食晚飯，四個人叫咗五個餸～份量都多～蠔餅既炸粉同蠔既比例適中，好鬆脆，蠔好大隻，無腥味豬紅我就麻麻地鍾意，嫌唔夠辣，同埋偏韌本身我唔太鍾意食魚，不過既然叫咗，就試試啦～佢表面好多粗鹽，肉既質地比較結實，將塊皮拎開，仲見到條魚既黃油～唔腥，亦無泥味，配埋佢個豆瓣醬真係唔錯～不過有時唔小心，會連埋佢啲粗鹽一齊食咗，咁就好咸⋯仲有呢個拼盤，豬耳，腸都好爽脆，味道唔算太濃～啲腸無臭味～好少會同家人打冷～呢間野都算唔錯～佢地仲話下次要再黎～…查看更多

同朋友一齊去到一間裝修勁似日本神舍既餐廳食放題～就連餐廳內既裝修都好有feel～坐得唔逼好舒服～呢啲環境最啱我地邊食野邊吹水～～就連食物種類都好多～先講吓最讚既帶子～帶子又大粒又鮮甜～唔會滑跚跚～馬刀貝雖然到而家都唔係好知咩黎～但好爽口～甜蝦唔會梅～好新鮮～見有海膽壽司～老實講～雖然我好鍾意食海膽，而我深知香港海膽質素多數一般～今次都係叫一件試試先～但堅係估佢唔到～無平時香港食海膽既腥臭味～少少甜美～唔算得上好似日本食既質素，但已經好好～章魚小丸子～新鮮熱辣送上黎～入面落足料～～同係出面食既都差唔多～仲有我最愛既一口牛肉粒～～牛味重，因為加咗乾蒜，令成個小食更惹味～個汁可以拎黎送飯～～外脆內嫩既芝麻雞翼～外層唔會油淋淋～入面仲有汁唔會炸得太乾～肉質嫩滑～加埋芝麻更香口～甜品當然唔少得紅豆雪糕～～…查看更多

今日同朋友去開旺角，行完街再去食晚餐～就試吓呢間泰國菜～室內裝修都好特別～前菜我地叫咗個酸辣脫骨鳳爪，酸酸辣辣好開胃，鳳爪爽口，配埋青瓜同埋配菜，感覺都幾清新～我朋友食頭幾件鳳爪都仲可以，再食就唔係好得，佢都唔係太食得辣～泰式芒果蟹肉炒飯，估唔到芒果同炒飯既配搭都襯～芒果甜甜地，加埋落啲飯到食極唔膩～蟹肉都好多好平均咁佈滿成個炒飯，幾乎每啖飯你都食到蟹肉～～西蘭花炒鮮蝦，蝦彈牙唔會'梅'，西蘭花略為硬～味道唔算太濃，恰到好處～…查看更多

同朋友係旺角食完晚飯行咗陣街，越落越大雨，但又唔想咁快散，就去咗食甜品～入咗去呢間甜品舖到食，原本以為普普通通，只係裝修唔錯～但內有驚喜～我叫咗個橙酒梳乎厘，一開頭只食到蛋白味，但食耐啲就食到橙香，同埋有少少重酒味，唔嗆喉，同埋好香～成個梳乎厘簡直入口即溶，好似你食緊捲出黎既棉花糖咁，我朋友個甜品只食咗一半，我就已經食晒～士多啤梨拿破崙，士多啤梨少少酸甜，拿破崙做得好鬆化，啲cream既份量亦都適中，再配埋雪糕食都唔會有膩既感覺～下次再經過旺角都會再同朋友黎食多次…查看更多

放工後約咗朋友去銅鑼灣行街同埋食好野～好彩一早訂咗位，七點過後越黎越多人～呢間餐廳裝修得令人有種休閒既感覺，正好俾我同朋友舒舒服服咁邊吹水邊食野威靈頓三文魚配檸檬刁草汁 - 一層薄而鬆脆既酥皮包住嫩滑既三文魚，食落外脆內軟，檸檬刁草呢個汁本身都好清新，三文魚沾上個汁，更令鮮味提升～另外不得不提既係佢個配草～沙律食得多，但今次佢配個士多啤梨醬真係好少食，個醬令啲菜變得酸甜，我都忍唔住食清 ～意式香草雞翼 - 雞翼焗得恰到好處，香草味都入晒雞肉到，肉質唔會太韌，咬落仍有肉汁～太陽蛋煙三文魚 - 係出面好少見成隻生雞蛋放落pizza到，一開頭都只係抱住乜都試既心態去叫，但出到黎既效果居然令你有驚喜～薄餅餅底好脆，pizza既面仲佈滿芝士，本身煙三文魚既味已經好香，再加上生雞但令成個pizza 上面既三文魚變得更滑～最後仲有好特別既朱古力茶，雖然飲落朱古力味唔太重，但聞落就有好濃既朱古力香味～…查看更多

難得到weekend可以同一班朋友聚吓～結果遇正落晒大雨，不過我地班人定咗去，就當然貫徹始終啦～不過喺呢到燒野食堅係落雨都唔怕～場地係有蓋～仲要落晒透明膠防止雨水撇入黎～我地人數都唔少，所以叫咗個十人海鮮餐，另外當然唔少得既乳豬啦～我地拎住卷，就可以去換食物同飲品，佢仲會連埋燒乳豬說明書、剪刀等工具俾我地，一應俱全～咪講笑，睇落以為十人海鮮餐都有機會唔夠食，點知我地咁多人都係食唔晒～十人餐包括帶子、蝦、豬扒、雞扒、芝士腸、丸、雞全翼等⋯帶子鮮甜，食落唔會有雪味亦唔會霉～佢豬扒、雞扒、雞翼會提供兩款口味，兩者都醃得好入味，豬扒食落唔韌～開始燒乳豬嗰陣，我同我啲朋友拎住本野研究～睇吓點燒～結果就係咁喇～我地放咗係爐上面，一邊燒乳豬一邊燒其他野食，燒到中途我地仲諗咁搞有排都未食得喎～點知原來職員會幫我地燒埋～～再送返黎俾我地～～之後仲幫我地斬開～～～好正呀～～～～啲肉汁同我啲口水都漏晒出黎～～作為一個食肉獸，碗上面當然要有好幾件燒豬啦～～個皮勁脆～好似食薯片咁～又唔會好似係街市買既燒肉咁咸～堅係忍唔住食咗好多～～點埋個醬食酸酸甜甜咁～yummy~~~而家諗返好想再食～走既時候好彩有shuttle bus如果唔係我地都幾大鑊～好想快啲再一齊聚埋再食好野～…查看更多

等到月頭出咗糧，就同朋友約埋去銅鑼灣食好野再行街～前菜叫咗個拖羅筋沙律，拖羅筋平時太少試到～燒過既拖羅筋入口煙韌～口感有啲似煙肉～但食落去會有魚油香味～磯煮鮑魚呢個菜式設計得好貼心，預先幫食客將鮑魚切開幾片再放返落個殻到～鮑魚好入味甜甜地～有少少分唔出甜味係黎自醬汁定係鮑魚本身～咬落去唔硬好稔～牛肉稻庭烏冬，本身勁鍾意食牛既我當然會叫呢碗麵啦～烏冬上面舖滿牛肉～牛肉嫩滑，食落無牛既羶味，但脂肪香味就充滿住成個口～令人好滿足～不過麵就偏淋～巨蜂梳打無想像中咁甜～呢間餐廳食物同服務都唔錯～下次有機會再同朋友黎食～～…查看更多

媽生日又點可以無蛋糕呢～以前都試過買呢間野既蛋糕俾佢食～見佢都鍾意，所以佢生日都係決定黎返呢間買～～草莓半熟芝士蛋糕，上層啫喱滿佈士多啤梨，切開既時候，入面係軟心，最低層係朱古力海綿蛋糕。士多啤梨酸酸甜甜，而芝士好清淡，兩樣一齊食好夾～玄米奶茶，我媽飲奶茶就飲得多，但用玄米茶取代紅茶做出黎既奶茶佢就未試過～玄米茶我成日都覺得佢既味好似炒香咗既米咁～估唔到佢配奶茶會有種清新既感覺～茶味較清，更突顯奶香味～…查看更多

同朋友去脫毛之前，佢知我想食辣野，所以專登黎到呢間食川菜～侍應都好好，主動介紹我地飲緊既茶～我地叫咗晾衣白肉、鐵板魷魚鬚、擔擔麵～作為前菜，晾衣白肉本身就咁食會比較清淡，再沾上佢個汁，味不會太濃，正好要黎醒醒胃～鐵板魷魚鬚未食已聞到佢既香味～魷魚鬚唔難咬開，孜然粉再加辣椒，唔會好辣，成碟餸都好惹味～我平時都唔係好食椒，我朋友叫我試試佢既辣椒，但今次都食到～～擔擔麵睇落去成碗都好紅～一開頭都擔心食唔到～但食咗一啖麵之後，本來覺得無乜野，但慢慢麻辣味出晒黎～～我都仲可以接受到～但我朋友要即刻搵菠蘿乳酸沙冰解辣，但我地兩個仍然忍唔住食完又食～今餐雖然略貴～但我同朋友都覺得辣得好爽～～～…查看更多

同好耐無見既朋友約咗好耐，終於約到聚餐喇～我同佢望住menu三心兩意～好多野都好想食～～後尾叫咗幾碟share食～～龍蝦汁海鮮扁意大利粉意粉質地煙韌，好有口咬，龍蝦汁唔腥，濃度啱啱好～之前試過一啲龍蝦湯腥到放入口就唔想再飲～入面仲配咗墨魚、青口、蝦等～蝦都煎得好香口，又唔洗剝殻～啱晒我啲懶鬼～芝士煙肉蘑菇吐司一個會起司既吐司～～好似食緊pizza咁～吐司外面脆脆地～入面好鬆軟～好彩有個沙律係到～要黎清吓味蕾～～焗芝士什菌薯皮唔知係咪放得耐咗，個皮有少少硬～不過個芝士配菇都幾惹味～草莓麻薯鬆餅非一般鬆餅～～我本身都好鍾意食鬆餅～～平時鬆餅比人感覺都係鬆軟為主～但佢係煙韌～同時不失蛋漿焗出黎既香味～配上cream同雪糕～一凍一熱～～加埋士多啤梨雪糕～我深信黎多份我都食到～～我同我朋友太耐無見～一邊食一邊吹水～唔覺唔覺都傾咗個幾鐘～～但啲員工既服務都好～我地唔小心倒瀉野～佢地都好快幫我地清理～見佢地相處都好好～令成個舖頭氣氛都warm～…查看更多

好懷念呢間餐廳，以前讀書晚餐好多時會係到食～同朋友重回呢間餐廳，本來想食辣既我，就忍唔住叫咗個鍋，麻辣湯配肥牛，入面既配料唔少，有豆腐、菜、冬菇、芋頭、蘿蔔、烏等～湯底比較麻，但辣味唔夠，不過都好惹味～～牛肉不過不失，就算俾我整到老咗啲，但牛味都重～粟米好甜～～豆腐唔算好滑～～成個鍋連飲品都只係56蚊～抵食～我同我朋友一人一鍋都食唔晒～～…查看更多