Chimau的个人专页

對而家嘅抗疫真係好無言，龍門任般毫無邏輯。飲食業一定首當其衝，真係好慘慘！尤其係居酒屋好似呢間咁，你叫人點做外賣呢？居酒屋就係開心在一班人食下串燒飲下酒吹吓水，疫症似感冒，但係我哋做人嘅身心就不停被揉爛，其實精神健康都好重要！我哋都要對自己好啲！我最愛嘅串燒店原來而家可以買返屋企自己燒仲送埋個無火環保烤爐俾你。呢隻環保炭，效果好好，唔會燶，又保持到肉汁。加埋味鹽同照燒汁，我覺得自己有大廚九成功力食材新鮮唔在講，包裝乾淨仔細，加少少運費仲送到樓下。而家可以兩個家庭聚會吖嘛，一於再約朋友嚟在家居酒屋一下先！…查看更多

以前偶然都會返深圳食酸菜魚，不過始終廣東人口味，呢啲偶爾食下就OK。一年唔會食多過三次。馬鞍山竟然開咗一間都食得過吓喎！鯛魚味道比較淡，我都係推薦鱸魚，有啲油脂魚肉夠滑。老檀酸菜魚只係BB辣，容易入口。驚喜有萵筍可以揀，爽脆清甜。另外加咗鴨血，好滑。薯粉另外分開上，要嘅時候加入湯食，本身薯粉上嘅時候係溫暖嘅，食嘅時候唔怕唔夠熱。呢點係細心嘅。一人前酸菜魚包括選湯底，選魚，選兩味餸菜（我揀咗萵筍同豆腐皮）。另外追加鴨血同一杯熱飲。埋單$100，唔算平。…查看更多

點講好呢，首先佢嘅菜單從來都未見換過，去食午餐嘅話越嚟越唔知食乜嘢好。今次叫咗羽衣甘藍大蘑菇沙律，個蘑菇差唔多生咁滯，只係係咁易炳過個面。羽衣甘藍竟然連買中間好硬又苦嗰條莖上碟。dressing 只係豉油，油醋，仲要得幾滴。可以用難食去形容。冇辦法食晒成碟沙律唯有叫多個水牛雞翼。ummmmm.... 水牛雞翼絕對唔會有一大舊粉，再加上好似咕嚕肉嘅汁。根本就唔係水牛雞翼，差過快餐店。仲要唔夠人手，叫極無人。結論短期內絕對唔會再去。…查看更多

都有10年冇去過呢間餐廳，印象中係好好食嘅，尤其是意粉。今次同閨蜜一班女仔慶祝生日，餐廳做C區可以坐7個人。第一個感覺，乜呢度咁黑嘅咩，雖然話要有情調但係好似黑得滯我第二感覺，就係睇餐牌好似冇乜嘢好叫咁嘅，冇乜選擇咁。於是我哋七個人叫咗兩個 seafood tower (each for 2 people) , 一個 grill platter (for 4 people),侍應仲提議我哋叫四個湯可以分7碗俾我哋。呢位侍應哥哥服務好好！係讚嘅，仲願意幫我哋呢班好麻煩嘅女人影相。seafood platter 嘅𧐢係 fine de Clair, 好有海水味但係超級薄身，食咗好似冇食咁。蝦同翡翠螺都好鮮甜，北海道元貝夠大隻，龍蝦正常發揮。至於grill platter, 感覺係…真係冇乜特別。好普通，羊扒肉質係靚嘅，牛扒有啲過熟。加埋一個baked Alaska做甜品，兩支白酒。平均$800一個人。總括， OK啦可以啦，短期內唔會再去。不過是侍應哥哥服務係好好嘅。…查看更多

特登嚟呢度朝聖因為睇到食評話呢個係全香港最好食嘅churros. 少少一間店果然好旺場，不停有人入去買，只有兩個員工而佢哋Churros都係新鮮壓出麵團新鮮炸，仲要慢慢逐條搽上frosting, 所以大家預咗需要等一陣。款式好多有，有原味，有其他frosting, 可以加雪糕，有迷你版。成件事係幾得意嘅，佢嘅玉桂條係比較脆口嗰種，我自己就比較鍾意食中間多D dough, 煙靭d嘅。總結係幾得意不過不失啦。我自己會唔會再嚟? Probably not…查看更多

一直係西貢最好味海鮮酒家沒有沒有其中。唯一缺點係貴！！不過煮海鮮嘅價錢都清楚列明喺每一台上邊嘅Menu。亦喜歡佢哋啲夥計唔hard sell ！好多一家大細嘅熟客都成日去幫襯，豐儉由人如果叫少啲海鮮，食正常嘅小菜，價錢就唔會咁那利。香港人食西澳龍蝦平咗就梗係要食下！食呢一隻斤半， $640一斤。芝士汁煮伊麵底。佢嘅芝士係特別濃郁。加了金不換簡直提升20倍，比一般嘅豉椒炒好食好多。聖子非常爽口，洗得好乾淨一啲沙都冇。奄仔蟹當做用鹽焗，不過食到一口鹽好鬼鹹。霸王雞好食過西貢其他店起碼20倍呢餐埋單，就係硬件食過呢四味餸，冇飲酒，總共＄2500…查看更多

20年前我係美心嘅擁躉，尤其是鍾意星光行嘅北京樓，佢嘅填鴨係最好。唔知係咪集團方向改變，而家覺得佢哋每一間店都好工廠流水作業咁。八月花以前去過一次覺得係高級粵菜。而家絕對唔可以用高級形容。上菜次序亂咁嚟，都唔係上咗涼菜先。第一味上來竟然下單尾炒飯。今次去純粹有人俾咗張$300禮券。食味係不過不失嘅。但真係頂唔順嗰種流水作業。龍蝦炒鮮奶係炒得幾好味龍蝦湯泡飯都幾好味個爐仔燒唔知乜嘢豚肉，其實係一片片叉燒放喺個爐再pat 一pat松露上去, 完全係懶惰嘅所謂高級粵菜扮高級整出嚟嘅gimmick …查看更多

好耐冇去過科學園以為淨係得以前幾間向着吐露港嘅餐廳，原來開咗啲新奇數之後咁多嘢食。呢間隱藏咗喺唔知4樓定5樓，竟然出邊有片大草地，週末應該好多家庭客吧。小朋友可以喺草地跑來跑去。吞拿魚海軍豆沙律菜新鮮，多吞拿魚(無乜味），加balsamic glaze, 碟頭大，食味普通蟹膏蕃紅花意大利飯唔係好食到蟹膏味，飯唔太濕，ok拼盤有肉丸，炸豆腐，炸雞翼，炸魷魚Calamari 個炸槳唔得。豆腐炸得幾好炸魚薯條我係抱有極大希望，之前食過佢一次係好好食。唔知點解今次真係唔得。炸槳入邊加有啤酒，但係唔知係咪加得太多，酒精完全揮發唔到，食落去好大陣唔好嘅氣味。個面糊仲好粘口。最後順帶一提，我係Walk in, 又入座一刻起侍應嘅面口都好差…查看更多

臨時臨急幾個女仔出嚟食飯，好彩book到呢度。星期日當晚連我哋都只係得三張枱。想清清靜靜嘅好選擇。好多人覺得嗰度好難搵，真係有啲尋幽探秘嘅感覺。我搭咗地鐵金鐘站出會驚Conrad酒店lobby行出去，過馬路，餐廳就係Asia Society 入邊。食物方面老實講，非常普通。賣相OK嘅，食你真係令人冇乜印象。八爪魚凍，係無味真係冇乜味！交貨嘢所以食咪同大家超市買嘅冇分別煎鱸魚，皮夠脆，味道偏淡佢話係玉桂條churros, 呢個真係我食過最難食的Churros, 佢仲有個好尷尬好似蓮蓉咁嘅餡喺條油炸鬼入邊，外面 glazing 超甜，如果你淋埋個Sauce，真係即刻糖尿病。總括係一個靜靜地傾偈幾好嘅地方。…查看更多

請原諒我張相影得太衰。一個字，係好味嘅！！ 點了fish burger, 加牛油果，煙肉，他他醬，特別點了keto 包，啱晒我呢啲減肥人。魚🐟：外脆內嫩。外賣半個鐘之後食都仲脆。好大塊。炸法係fish and chips 嘅 batter, 有heart ，唔係就咁沾面包糠咁行貨牛油果🥑:大大件，童嫂無欺煙肉🥓: 超脆他他醬：可以酸多少少Keto 包：預咗唔好會好食，不過令我呢種食低碳嘅人食到個 🍔 BURGER 已經功德無量🙏🏻。佢哋算好與時並進。有埋 vegan cheese, low fat dressing 就更好了…查看更多

同老公慶祝因為佢鍾意食扒訂咗呢度。呢度係切肉店butcher + 入邊係餐廳。裝修平實美式風格，座位有少少迫。食物選擇不多，有幾款頭盤，各種不同嘅扒同 side dishes. 諗咗好耐要牛肉嘅邊部份，點知落order先講俾我哋知，當日只有tenderloin, rib eye, and sirloin。等我仲花咁多時間去研究，頂！前菜嘅牛肉他他，小小失望。基本上只係牛肉加橄欖油加少少鹽胡椒。比較喜歡多啲調味嘅tartar, 最好有喼汁少少芥末洋蔥同生蛋。同時呢個他他肉味亦不夠濃。我哋點左 tenderloin and rib eye. 生熟控制得好好，肉質亦適中。佢哋應該係對自己嘅肉好有信心，所以只有海鹽放一角做調味。佢哋選擇嘅靚海鹽係好大片嘅，係flakes。但放喺肉上邊一片片實在太鹹，我自己比較傾向grind出來的。 我冇特別問牛肉嘅出產，牛味偏淡。Side dish potatoes gratin 幾好。總結，不過不失。…查看更多

第一次去食lunch。💥要夠$600消費才有2小時泊車環境💐🛋一入去，好光猛，見到藍天🌤白雲☁️，令人心情特別愉快。modern Chinese 裝修也算有品味, not too much not too little. 有驚喜又驚艷！💕💕餐具各方面也是高級酒店中菜廳格局茶☕️收$25 一壺，香片不錯Menu 📔酒店價錢，選擇不算多服務🧑🏻‍💼正常酒店服務點心❤䄂子蝦餃非常吸引眼球🍊🍊🍊🍊有䄂子味(加了韓國䄂子醬在餃子皮）皮好厚和幾甜吓，好似食果汁軟糖。噱頭嘢🤷🏻‍♀️牛肉球好味！有粒粒馬蹄帶子腸粉again, 顏值勝過味道。皮過厚，帶子無鮮味又薄又少。黑魚子燒賣黃色皮變成白色皮+橙色蟹子變成黑色魚子正常發揮的燒賣乳豬拼盤(乳豬件、海蜇、黑毛豬叉燒）乳豬夠脆，叉燒酥軟入味、海蜇不夠麻油香燒鵝汁乾炒牛河食唔到燒鵝汁味，牛肉嗱到好淋亦都完全冇牛肉味，河粉炒到碎晒，火候控制得唔好所以食落一口油。結論，普通過普通。結論：食環境，食整體感覺，係舒服的。食物好普通。可以偶爾再來。…查看更多

突然想吃西班牙菜，但星期五當日早上已經很多餐廳訂不到晚餐位。遠遠訂咗呢間荃灣的餐廳，都係抱住試一試嘅心態，畢竟係一個老區，擔心食到「港式偽西餐」。之前喺 open rice睇到佢啲餐牌, 見到啲餸菜都好真正西班牙喎，就book 了。佢晚餐有set，不過想試多啲tapas ，選擇散叫。🍷Sangria 正常發揮，白蘭地比較落得重手🍘 黑毛豬火腿球併盤～～即係croquettes 可麗餅薯蓉fluffy 外脆內軟, 墨魚汁的尤其美味🍤 鐵板蒜蓉辣椒大蝦～～香、有蒜、辣椒及芫茜香味，附面包沾炒蝦油吃🥖鮮番茄蓉法包～～法包塗上橄欖油焗脆，再用蒜頭擦在麵包，上加上新鮮番茄肉和羅勒。醒胃，很好的餐前小吃。🥓煙三文魚燒豬腩肉生菜包～～係當日的today’s special ，幾特別！豬腩係在西班牙吃的味道。🐟🍋檸檬汁醃白堤魚柳～～～anchovies 即係鬼佬鹹魚，當然冇中國鹹魚咁鹹同埋乾，好重嘅魚味有沙甸魚嗰種鐵銹味，少少鹹加埋檸檬汁同橄欖油搭一蒜片同埋一條辣椒，好啱我個人口味(不過唔知一般香港人鍾唔鍾意了）🐙🥔🌿迷迭香烤馬零薯酸豆章魚 ～～比較普通，無香草味，章魚淡而無味🥘招牌西班牙炒飯 ～～ 其他tapas 水準都幾好不過嚟到呢味菜就有啲失望。雖然佢唔似D港式咗嘅店，唔係用中國米或泰國米，但你欠缺咗paella 最重要的”socarrat”!!! 即是飯焦，要脆的。但呢個無。🍮西班牙焦糖燉蛋～～基本上唔係西班牙焦糖燉蛋（flan)，更加似法式焦糖燉蛋。因為西班牙燉蛋應該係倒轉，譲啲焦糖液體狀流落去。佢而家嘅焦糖係用咗火槍令到佢變脆。麻麻哋，啲燉蛋食落去好粉咁。炸肉桂條🫔～～普普通通，冇乜咬口🌟🌟🌟總括嚟講係幾唔錯嘅一餐，用比較合理嘅價錢食到港島區西班牙菜嘅水準。係一間我會再幫襯嘅餐廳。…查看更多

去開呢個小商場買烘焙嘢跟住修甲，行過比香味吸引見到呢間文清樣小店，有一對文清樣靚仔靚女青年人應該係老闆。咖啡香氣好吸引於是買咗一杯手調。30幾蚊一杯，前算好平，希望年青人繼續做得住。不過佢哋同我就冇乜互動，可能我個樣惡。年青人唔好淨係同同溫層嘅人溝通，見到街坊都要傾吓計先至做到熟客。咖啡有三種咖啡豆揀，smoky, nutty 同另一種唔記得。揀咗nutty, 係好味嘅，會再嚟。…查看更多

今晚girls night out, Friday 太難訂位，先會用 open rice short list D條件然後搵到呢間有位。當到處都爆但佢大把位，都有搏一鋪嘅感覺。首先我想話D人嘅食評，又話fine dining ，有啲又話唔係 fine dining質素囉⋯⋯其實佢價單、地點已經明顯表明不是fine dining. 唔好覺得幾個 course 就係fine dining. 這極其量只係non 港式西餐。唔好再美麗的誤會。有啲人又話食豪D先揀呢度。其實⋯⋯價錢唔係豪價囉。今晚只有兩枱，都幾慘。地點、裝修、氣氛都欠奉㗎啦。不用有 expectation。不過，食材足料，烹調係「真」西餐做法。味道亦及格有如。呢個價錢，我覺得性價比係好高嘅。花之戀:大拖羅他他/那威煙三文魚伴伊朗魚子醬/ 海赤蝦配三文魚子擺盤靚，沙律菜新鮮鮮蟹肉粉紅汁燴意大利飯軟硬 恰到好處，有蟹肉鮮味香煎亞特蘭大鱈魚伴香草檸檬牛油忌廉汁魚皮煎得夠脆(西餐魚的重點）鱈魚夠厚身，薯蓉不是開粉，是真薯做還有牛油香。紅酒汁燴紐西蘭羊膝軟熟入味慢烤澳洲鮮嫩羊架正常發揮，件頭亦大Tiramisu 較失望，無乜mascarpone cheese, 又無咖啡味。只係用whipped cream 同朱古力粉扮tiramisu 自家製番薯雪糕超級好味，推薦！！…查看更多