Shadow1018的个人专页

位置方便，喺西營盤B2出口一出轉右直行，幾分鐘就到原區重開冇耐，店小小的但乾淨企理，滿滿人情味，老闆同老闆娘親切有禮🥰綠茶brownie 配雪糕，個綠茶味好濃，讚👍🏻💯開心果tiramisu 有好多開心果toppings👏🏻cream 好軟滑，值得一試價錢唔貴，每樣甜品都係$5x, $6x 左右，忘記價錢😆Latte 有驚喜😲拉花係酒店級👍🏻打卡一流🫶🏼而家仲有個$78 裝到滿活動添，高質嘅自家製bagel 同soft cookies係一間值得支持嘅誠意小店😄…查看更多

每次一家人食飯，我爸爸都好鍾意去潮福，今次唔係食蒸氣鍋，而係打邊爐，都覺得吾錯，同樣又平又好食。先選湯底，我地選左花膠雞湯，都有吾少花膠，雞味都好濃，再有每人嘅海鮮定食又有刺身同安格斯牛，牛好食，好新鮮，肥瘦適中。海鮮方面，有海蝦，好彈牙又大隻好新鮮，仲有貴妃蚌同聖子，都係大大隻，洗得乾淨，冇半點沙，桶蠔都好正，好肥美，又大隻，蠔味濃，好想再食丫，仲有黃刀貝龍躉等。另外刺身係三文魚同象拔蚌，三文魚好正，好肥好新鮮，我好喜歡佢厚切，而象拔蚌都好爽口，鮮甜，吾錯。到任食啦，有好多選擇，肉丫牛丫丸丫菜丫各種面類等等，可以話諗得到都有，例如 鵝腸，魚肚，日本蟹柳， 炸魚皮，炸腐皮，鯪魚滑，手打丸，羊肉，雞件，鮮冬菇等。整體好食丫，價錢又平，選擇又多，會繼續成為我屋企嘅飯堂。…查看更多

今晚去左銅鑼灣食飯，呢個麻神係台灣已經好出名，係香港開左分店就當然去試下。入去到地方都幾大，環境舒適，先嗌左個鴛鴦鍋，再另外點了不少食物，有特選牛頸脊，鮮花甲，手打鮮蝦丸，果凍鴨血，冰菜都有，食物好多元化，而且價錢合理，物有所值。佢嘅牛真係吾錯，入口牛味濃，而且脂肪比例平均，我覺得可以不用煮太熟更加好味，手打丸我都推介，好彈牙爽口，海鮮都好新鮮，花甲都好大隻，鮮甜美味，吾錯。食物環境都好滿意，而服務我都覺得好好，好細心，又會走嚟幫我地加下湯，同好有禮貌，我覺得可以再嚟，帶父母或者一大班朋友嚟食都岩丫。…查看更多

今晚去左接朋友收工，去左銅鑼灣食飯，呢度都係第一次去食咋，都吾錯，最重要係又吾貴，所以我都覺得好值得推介。我地下午茶時間去食，點左個香芒奇異蝦卷$45，佢份量都好多，而且兩邊都有蝦，炸得好香脆，芒果都好甜，吾錯。另外點左個吉列忌簾蟹肉餅，好正丫，熱辣辣，好大舊，又香蟹肉味，呢個$58。我仲食左個三文魚親子釜飯，$128，好好味，不過嗌左後仲見到個更吸引嘅海膽釜飯，吾緊要，下次再食啦。呢個三文魚親子釜飯都好吸引，魚好新鮮，三文魚又好肥美，仲有吾少魚籽，有幾種食法，可以加紫菜又可以加茶食，又可以就咁食，吾錯丫。整體都好滿意，服務又好好，值得推介。…查看更多

未到聖誕就食聖誕大餐，呢間韓燒，新蒲麻bbq，出左兩人份量嘅聖誕大餐，邊個話食聖誕大餐要一大班人架。首先前菜有香煎帶子，三文魚飛魚籽沙律伴花生醬，三文魚那個很有驚喜，好食丫。主菜有 極品韓牛，護心肉， 鮑魚，蘑菇，豬頸肉，芝士龍蝦，好豐富丫。芝士龍蝦大大隻，又好香芝士，好多膏，吾錯，另外韓牛係正嘅，正嘅韓牛點燒都特別好食，肉味濃，又嫩，吾錯丫。仲有聖誕特飲，一杯紅一杯綠，好靚好有聖誕氣氛，都幾好飲，吾會太甜。最後仲有隻好似鹿仔面嘅甜品，好得意丫，有心思，整體滿意又快樂。…查看更多

最近好多飯局要食飯， 嚟緊又冬至又聖誕，所以推介一下啲好餐廳俾大家啦。食左潮福，係一家大細食飯首選，佢人人有得食， 先喺餐單選擇好自己想食嘅嘢， 有店員就會幫你蒸同分畀每一個人食，服務好好。食物種類都好多，先講海鮮，已經有四款自選， 有貴妃蚌 ，龍躉件 ，鮑魚，大蝦，桶蠔 ，象拔蚌，大元貝，聖子等，一定有岩你心水，全部好新鮮美味，即蒸即食又健康又好食。肉類都好多選擇，雞牛豬樣樣有，瓜菜都有不同種類，食到好飽都一定要食粥，好好食又好鮮甜，正。…查看更多

今日試間未食過嘅蒸氣石鍋店，見到佢都有吾少分店，應該都吾錯。一到步，見到門面拎左好多飲食獎，上下兩層大大間。嗌左個五層搭海鮮鍋，特價$398一位，有美國龍蝦 ，聖子皇，深海元貝， 沙巴龍躉，白貝，全部都好新鮮，特別喜歡龍蝦同元貝，元貝超大隻，成隻碟咁大，好嫩滑， 蝦新鮮肉質彈牙，好食。我地另外都嗌左其他餐。另外要提下服務，因為真係頂呱呱， 平時另外食海鮮蒸氣鍋， 就算蒸完響晒鬧鐘，店員都唔會過嚟上菜，但呢間好好，真係一蒸好就拎上嚟，咁先吾會蒸到老，大讚。食到尾仲有個粥底， 全部海鮮精華喺晒粥入面， 非常之鮮甜呀，我就算好飽都食左兩碗，吾錯吾錯！大力推介。…查看更多

早幾日入將軍澳搵朋友，喺新都城諗緊有咩餐廳好食嘅時候，見到有一間叫咖啡灣的cafe,從外面睇啲裝修好靚， 朋友話係新開嘅，所以就決定試一試😁店員介紹左一個只限將軍澳店同荃灣店有限量供應的海膽黑松露蟹蓋飯，咁啱我其實好喜歡食海膽，所以叫咗一個呢個飯，另外仲叫咗個墨魚汁帶子意大利麵，同兩杯熱飲。海膽黑松露蟹蓋飯嘅賣相好得，呃like一流!食落個感覺有啲似意大利飯，但飯當中就有好重嘅龍蝦味同有好多龍蝦肉，海膽亦好新鮮甜美，一啲腥味都冇，讚👍🏻朋友個墨魚汁帶子意大利麵都好好味，有好多帶子之餘啲意大利麵仲好彈口，唔會過林。順帶一提，我地叫左一杯熱薑母紅茶同熱檸檬錫蘭紅茶，兩杯都係用Twinings 嘅茶包，相當揼本🤔最衰今次叫咗兩個主食食得太飽，食完之後已經食唔落窩夫，見到餐牌入邊啲窩夫賣相好靚，好想試😳下次如果兩個人來的話，應該只叫一個主食，然後再加個窩夫，咁就應該啱啱好🤗…查看更多

天氣得番十幾度，又係時候打邊爐啦， 朋友介紹我食呢間 ，話海鮮好新鮮， 一於試下。入到去即刻點湯底，佢都好多選擇，最後嗌左花膠湯底，好補丫，落左好多花膠，湯好甜，正丫。等緊食嘅時間可以食下前菜，有木耳同青瓜，冇限refill架。最愛嘅海鮮都到，上面勁大盆， 砌都好靚，好多種海鮮， 鮑魚，青口，象拔蚌，蝦 ，帶子 ，墨魚等等，果然冇介紹錯， 全部都好新鮮，最鍾意就係帶子，超級大隻，有成隻手板咁大隻，出面就咁街市買都應該好貴，回晒本。除咗海鮮肉類都好抵讚，佢西班牙黑豚肉同安格斯牛都好正，肉汁鮮甜，份量都好多好足夠。驚食吾飽？仲有任食menu俾你食餐飽，不過個餐都好多，都冇乜點嗌了。 不過見menu都好多嘢食，丸類，菜類，面類等等。最大驚喜係原來有甜品食，仲要係心太軟 ，啱啱焗出嚟，熱辣辣香噴噴， 一切開朱古力係流心架，唔會太甜， 細細嚿啱啱好，正丫，好滿足。…查看更多

平時食飯吾係食日本野，西餐，就中菜打邊爐，食到有d悶，今晚去左search openrice，見到呢間burger 店幾hot，就嚟試下先。佢係百德新街條食街入面，入到去左手第一間就係，吾難搵。我同個朋友一齊share呢個係menu有推介嘅大烤菇芝士牛肉漢堡，$105，價錢嚟講合理吾算貴，上碟幾大件，一分為二，好高身，材料十足，我喜歡嘅大烤菇一咬落去茹味好濃，仲有菇汁，好正丫，芝士同牛肉一向都好甲，食落好正，烤得熱熱嘅包好正，我同朋友都讚不絕口。另外點了個單骨炸雞翼，好香脆， 叫即炸 ，同埋有少少辣辣地，好好味丫。其實算好抵食，因為$105兩人食，都食到好飽，食埋野食每人吾洗一百，平時吾知食乜，又食其他食到悶，burger係好選擇。…查看更多

又係朋友聚舊，今次兩個女仔一齊去左plato，係旺角樓上嘅西餐廳嚟，諗住邊傾下心事邊食好西。上到去，坐左直落大玻璃旁，都幾有feel，其他食客都係情侶or一大班朋友聚舊多。我點了德國脆皮咸豬手，$218，包左餐湯同 蒜蓉法包同餐飲 。 上碟外貌好靚 ，用木大碟上碟，仲好細心切開左豬手肉，方便食，皮好脆，肉又好嫩滑，有肥有瘦，食落都吾會覺得膩，份量仲好多，不過我都不經不覺食晒，哈哈實肥死了。飲品點了白牛，正丫，係一杯有雲呢拿雪糕加係雪碧上面。大大杯，好飲，吾錯。環境播放住音樂，氣氛幾好，服務又好，餐飯食得好開心。…查看更多

去咗尖沙咀食飯， 最近天氣好凍所以好想食啲暖嘅嘢。 經過呢一間好多客人喺出面排緊隊，就知一定好嘢食呢，原來係食一人一鍋，立即又試下先。入到去，暖粒粒，出面凍凍地，入到嚟好舒服，嗌左蕃茄白豚鍋，入面好多材料， 有娃娃菜，白豚肉，淮山，粉絲，蕃茄，金菇，粟米等等，所以個鍋超多料又鮮甜，個湯仲要好濃蕃茄味，好正丫。佢可以配飯或者粉絲，我見好多人都係配粉絲，我就鍾意食飯，碗飯吾算好大碗，不過都係熱辣辣嘅，食完個鍋其實都好飯，最後食吾晒d飯。佢嘅服務仲好好，例如上碟嘅時候，店員會提我哋小心熱，而且上碟都好快，吾錯，難怪咁多客，好食又平，會再嚟。…查看更多

去左呢間朋友介紹話食豬扒飯好正嘅食店，叫炊豕店，係銅鑼灣，今晚去銅鑼灣，特登去試。經過門口就已經好多客人等緊入去，我就知我朋友冇介紹錯，一定好好食嘅， 鋪頭裝修以木為主，有少少好似日本嘅感覺，地方唔算大，但係好整齊乾淨。我同朋友分別點左兩個飯， 我嗌咗蔥油豬扒加煎蛋飯， 我朋友就嗌咗咖哩豬扒飯，吾洗好耐就送上。勁大碗飯，豬扒份量都好多，放滿了個碗，豬扒真係勁好食，豬扒好厚身但一d都吾un，仲好嫩林，但又係新鮮爽口嘅，出面又炸到卜卜脆，好好食丫。 蔥油豬扒係期間限定嘅，幾香，原本驚會好咸，不過冇問題丫，岩岩好，加隻煎蛋好正，我朋友嘅咖哩佢話都好正，我地旁邊那枱看到我朋友嘅咖哩都加錢要了一碗，哈哈厲害，朋友話係少少辣嘅，我諗加落飯應該好惹味。佢仲有小食嘅，我要了三隻鹵水雞翼，大大隻， 鹵水好入味，好好食，整體感覺都好好，下次帶埋另一個朋友嚟食先，佢好喜歡食豬扒實岩晒佢。…查看更多

去左旺角食韓國燒肉， 其實有得飲食任食韓國燒肉嘅餐廳吾多，我今日畀到一間 質素又好，價錢又平，又好食嘅韓國燒肉店。係旺角呢間running 燒，一到步， 店員招呼周到， 好快就送上前菜，又介紹白蘿蔔點用，原來佢可以幫手清左燒點左鐵板，都係岩岩至知。燒肉我覺得五花腩，肥牛都好好食，另外牛舌，雞腎都好正。 燒雞翼都好好食，佢仲好細心將我雞翼展開兩邊，方便d燒。佢有菜畀你，可以包住啲燒肉一齊嚟食，咁就冇咁肥膩喇。除咗燒肉，佢其實都有好多海鮮，有蝦，生蠔，帶子，扇貝等等。另外韓式冷麵都好好食，食完好涼快，仲有炸雞，脆卜卜熱辣辣都好正，應該即嗌即煮嘅，好味道丫。食完仲有甜品，選了雪條，係蜜瓜味架，好正好食丫，好舒服。…查看更多

滾得喜聽個名都知係打邊爐嘅地方，不過今晚我同朋友嚟試佢嘅小菜，因為朋友介紹過一碟話正，同得呢度食過，就俾人拉住嚟食。講嘅係呢碟招牌梅辣醬蒸肉蟹，真係吾講得少，因為我都覺得好正，一嚟食材好，蟹好新鮮，肉彈實淨，鮮甜，蟹蓋會開左俾你好方便食，好多膏好食，二嚟佢調味吾錯，真係冇係其他地方食到，喜歡食蟹嘅朋友要嚟試下，佢甜甜酸酸又辣辣地，同蟹又好甲，開胃，吾錯，果然叫招牌。第二碟點了三葱爆自然豬，哈哈，咩係自然豬呢，不過好香口惹味，炒得吾錯，又吾un，好入味，好食，送飯一流。最後嚟多碟，沙嗲安格斯肥牛粉絲煲，用石煲上碟，保存了熱力，食落熱辣辣，粉絲最正吸晒牛味，醬汁都調得好好，又係送飯最正，大大碟，食吾晒。好滿足，價錢又吾貴，服務招呼周到，我覺得幾好，一大班朋友嚟最岩。…查看更多