影片
营业时间
今日营业
全日休息
星期一
全日休息
星期二至日
12:00 - 15:00
18:00 - 21:00
公众假期
12:00 - 21:00
公众假期前夕
12:00 - 21:00
以上资料只供参考，请与餐厅确认详情
相关文章
大角咀呢个小区真系卧虎藏龙，今日为食🐑去咗呢间「马来椰爷」，一听个名就知道充满马来亚风味！🔥招牌菜一定系呢度嘅秘制喇沙，每一台必点，呢间店人气都好旺，店仔细细爆晒场！🦀G4 原只炸软壳蟹蚬肉无味精椰爷秘传叻沙掺掺 $135竟然可以唔加味精？呢个汤底食落去有啲似白咖喱🤍 ，竟然唔加味精味道都够浓郁，一定煲咗好耐同加咗好多料，呢个汤底咸度适中，主要充满椰汁香甜味，虽然浓厚但系仍然算清，唔会食到成口渣，食到一半加青柠🍋🟩，加咗青柠更加清新！配料方面都好足，大量腌制过嘅蚬肉，重点一定系软壳蟹，🦀🦀炸得出色，入口淡淡香脆，浸住汤嘅位置就充满汤底香气，汤底有好轻微辣椒，但系系完全唔太辣可以放心，入面仲有青瓜同芽菜令到唔会太油腻，推荐！🦐G3越南虎虾青ロ海鲜椰爷秘传叻沙 掺掺 $98汤底一样，配料不同但美味依然，成个感觉都丰富充满海虾同埋青口嘅海鲜香气！「掺掺」系咩？即系米粉+油面，两沟之下口感更加独特，米粉可以索晒汤汁，油面就更加有口感，两者都可以互相配合！PO2斑兰椰汁（冻）💚🤍味道都唔错，可以点，配合惹味嘅喇沙一齐食一流！🩷P03真.百香果茶（冻） $22（少甜，少冰）真系有成个百香果！佢本身都唔系好甜，甜味比较天然，所以唔使叫小甜都得！✨只收现金💰朋友话可以再过嚟食，证明真心OK，另外今次唔记得叫多士，唯一缺点就系有时要等位！
继续阅读
呢间餐厅都真系收藏咗好耐，但由于佢都系一间长期人龙小店，所以一直的唔起心肝去食，但𠮶日见唔算多人排队，即刻决定去排一排😗鲜牛油班兰椰香 手工咖央多士 $38必点‼️ 劲厚身嘅牛油好软滑，咖央酱嘅斑兰味好浓郁，多士烘到好脆，所以食落嘅口感好丰富又好舒服，佢真系击败香港99%嘅咖央多士❤️原只炸软壳蟹蚬肉无味精椰爷秘传叻沙掺掺 $135一上枱真系哗咗声，只软壳蟹成半个碗咁大😂 炸到脆卜卜，非常香口，蚬肉都系海量，汤底浓厚，又无添加味精，椰香味好出，辣味慢慢咁渗出嚟，对我哋嚟讲系有少少辣，掺掺比例啱啱好，夹埋配料索哂啲汤底，超级惹味🫶🏻 另外仲有一小嚿青柠伴随上枱，店员话食到一半觉得太腻，可以落落去解腻，相当贴心😌四重香虾叻沙 掺掺 $108四重虾就系用咗越南虎虾、樱花虾、爆炒辣香虾同埋优质虾籽，汤底嘅虾味比椰香味更突出，辣味比另一碗叻沙更明显，汤底亦比较杰身，面头布满大量樱花虾，大大只嘅越南虎虾经爆香后，外层微微脆身，肉质口感比较扎实，如果钟意食虾同埋重口味啲嘅朋友呢个系必点👍🏻芒果椰香鲜奶 $28芒果好甜，椰奶解辣一流😛话梅桔仔梳打 $28酸酸咸咸嘅话梅配上清新嘅桔仔，饮落开胃清新又解腻🥰收藏咗咁耐都唔去真系有啲后悔，个感觉就系相逢恨晚😩 食完之后，你叫我再排嚟食，我都会排，太好食了，未到饭点都会叫个咖央多士外卖拎走啊🥰
继续阅读
笑话：「🤔咦 点解又有油面又有米粉既？嗯⋯一定系比错左，可能上家食油面一齐煮，唔觉意捞左啲落我米粉到，呢个厨师真系大懵丫🤥！！」以上系我n年前第一次系掺掺既谂法😂Ok笑完啦系咪！？🤣入正题啦！😋weekend下午等左十令分钟，舖头细细座位唔算阔落，特别系我要孭住Kala👶🏼动作大少少都惊整烂野🤣职员态度有善，定价略贵，不过好食的话都叫值！另外留意店家只收现金哦😌 ❙ 黑酱肥牛·卤水炖金沙骨·椰爷秘传叻沙掺掺 ❙ $88 ❙ 鱼肉片·卤水炖金沙骨·椰爷秘传叻沙掺掺 ❙ $88叻沙都分好几种，难得黎到就紧要试招牌啦🤤香喷喷既叻沙带有啲啲椰香，食落偏甜，零辣度，净返一半时落啲青柠汁会无咁腻，虽然食完唔口渴，但我食到起晒痰🤣🤣不过都系觉得好食！！尤其史生劲满意啰😚金沙骨好味！非常入味而且骨肉易分离，完全唔柴👍🏻另外肥牛都好正，份量慷慨，食唔出黑酱系咩味，总之就好味啦😂鱼肉片唔够邪恶，正常表现😌 ❙ 鲜香蕉流心班兰椰香手工咖央多士 ❙ 跟餐$33第一啖系食到香蕉既香甜，嗒下嗒下就慢慢渗啲班斓既独突清香，整体对我黎讲甜左少少🤏🏻史生就觉得好好食，我会视佢为甜品多🤪一试无妨既～ ❙ 气炸新鲜卤肉卷 拼 甜酸酱 ❙ 跟餐$23呢个就失望啲😬气炸得太干太硬，差啲戒损上颚🫣 ❙ 话梅桔仔水（热） ❙ 跟餐$8我终于唔洗饮热柠水啦🤭🤭呢款好似健康得黎又几特别，食咁浓既野配搭清清地野饮最适合不过😋
继续阅读
原本bookmark很久，见好评极高，对这间的叻沙极高期望。刚好有事去大角嘴，所以即时想起这间餐厅，终于有机会会一会它！门面不好找，只是细细的一度玻璃趟门。一进店面座位是非常狭窄，完全动也不敢动。坐下用qr code自助点餐，我跟友人点了一个大家大推的软壳蟹椰爷汤跟四重香虾喇沙，非常期待！出餐很快，汤够热，材料非常新鲜！吃得出软壳蟹是即点即炸，热辣辣非常脆口！唯一不足是腌蚬肉换成蛳蚶会更鲜香。汤底方面椰爷汤底不是想像中的椰子味，只是淡淡的淡奶加虾水？而虾汤以为会很浓虾味即用虾头去爆香那种…可惜可惜！只是靠虾子粉搭伴，汤底不够虾味，味道单调！由于天气炎热，店内又不是太大冷气，再加上汤头很热，愈吃愈热，想要店员拿杯水…谁不知是滚烫烫的开水。由于店内太热跟友人一吃完立刻埋单。在门口见到贴上叻沙的图片见有匙虾酱或辣酱？如果可以加建议大家问问店员….不然可能汤底太过单调，也许只是不对我的口味暂时未能打破我心目中最好味的港岛叻沙店*汤
继续阅读
📍马来椰爷大角咀榉树街62号富多来商场第二期地下14号舖「鲜香蕉流心班兰椰香手工咖央多士」 真系好流心🤣但嫌个多士唔够脆🫢「四重香虾叻沙汤面🦐」系几香虾味，带少少辣味🤏🏻但系个汤好浊😥 入面有太多料… 食唔出鲜味，只系有种求其拼凑一齐嘅感觉，啲海鲜都唔多新鲜🫥「原只炸软壳蟹蚬肉无味精椰爷秘传叻沙掺掺」好香椰奶味👍🏻但同虾面有一样嘅问题😿整体而言个人觉得店家系以料嘅澎湃度取胜，但我对各样用料嘅配合度有所保留🫢💰人均~$150 😋总评分: 5/10 #foodlab奥运 #foodlab大角咀
继续阅读
您可能会有兴趣的...