Yummy (已結業)

同個fd去旺角買完靚衫後 梗係要醫飽埋個肚先得啦 見到廣華街呢間新開既餐廳好似特別咁 開頭以為只係一間bar 點知有主菜同甜品食 咁我地就試一試呢間新野呢間餐廳裝修得好別緻 除左有好搶眼既水晶燈之外 仲有個投影既鐘 其實本身我係唔知架 直到我同朋友自拍時先見到 好特別呀〰️珍寶芝士帆立貝肉蟹忌廉扁意粉〰️濃濃香草味既扁意粉 除左圖中既帆立貝之外 扁意粉既中間收埋咗好多粒細細的帶子仔同埋勁多蟹肉 麵條唔太淋 軟硬適中 忌廉汁加埋芝士既扁意粉真係絕配 〰️北海道3.6牛奶心太軟〰️我見到佢menu寫住係全港獨家嘅 而且我好鍾意食心太軟 所以我地忍唔住要叫黎試吓啦之前真係好似冇見過牛奶味嘅心太軟 其實叫嘅時候都擔心牛奶會唔會係冇乜味架呢 但係其實佢應該係加左煉奶所以有少少甜甜地 而一啖雲呢拿雪糕一啖心太軟真係好正 我覺得呢個我覺得牛奶都幾特別 冇平時嘅朱古力咁悶