街坊Cafe (已結業)

今日約咗三個朋友一齊食下午茶，去咗女人街裏面一間街坊Cafe。餐廳環境好似幾特別，每幢牆都油咗好有香港特色嘅壁畫。我哋叫咗兩個下午茶餐同一個午餐。午餐：街坊碗仔翅、松葉蟹腳蟹肉意粉、滴漏咖啡下午茶套餐：和牛豬仔包、抺茶吉士雞蛋仔伴雪糕，飲品：凍榛子咖啡、芒果特飮餐廳的食物質素相當唔錯，價錢相宜。我最鍾意係個白汁蟹腳意粉，估唔到有咁多蟹腳同蟹肉，仲有好多蟹籽添！個醬汁撈起嚟非常好味，而且佢啲意粉煮得剛剛好唔會太淋。朋友最鍾意嗰個甜品，真係好有特色，有晒香港街邊小食風貌！甜品係鐵板上，燒溶咗嘅棉花糖伴著香脆嘅雞蛋仔，再加埋綠茶雪糕！Yummy