Asobu Bistro (已結業)

間中去黃埔睇中醫 我自己都會周圍搵食 今日經過一間熔岩蛋小店 望入去都幾多人 小店細細 坐滿曬人 我羊群心理 決定食埋一份。照燒雞扒熔岩蛋飯配鮮茄醬*雞扒唔會太肥膩 亦唔會太乾 如果雞皮脆d仲正。鮮茄醬酸甜適中 真是用新鮮蕃茄煮 唔係用茄汁 幾好。重點是熔岩蛋* 鮮黃色 賣相不錯 店員溫馨提示 在中間輕輕𠝹一刀 嘩 半熟蛋即刻向兩邊流出來。牛油味好香 熔岩蛋好滑 撈飯真是一流。配埋鮮茄醬一起食 yummy!脆炸雞翼餃子*炸得幾香脆 不過雞翼略為肥 餃子餡料主要係豬肉。小嚐三件 不錯。我覺得熔岩蛋真的可以翻兜 鐘意食蛋的粉絲必試。