阿叔泰麵 (積信街) (已結業)

.📍阿叔泰麵今次要介紹一間超yummy泰菜——阿叔泰麵💛💚個環境裝修得好有泰國style，冇得去泰國旅行去咗呢度先😂個人推介必食牛肉船麵（$60），係我目前食過最好食嘅一間！！！小店有建議要落「四大調味」，但落之前一定要就咁試下個湯底！聞落有陣陣好香嘅藥材味，飲落唔喺味精咸，而喺好清甜，真心正啊！！牛丸味道正常，但牛腩份量亦非常足夠，超級軟嫩入味🤤🤤見到「四大調味 缺一不可」，當然都要試下！落咗魚露+白醋+白糖+辣椒粉之後，個湯底會變得濃味咗！另外，仲試咗冬陰公湯麵（$60），加$5可以改配MAMA麵🍜湯底唔算好辣，偏酸為主，有青口、豆卜、蟹柳同海蝦。除咗主食，仲可以加$15自選小食，試咗無骨酸辣鳳爪同粒粒雞棗。飛天通菜（$25）都好正，醬汁甜甜地！午市套餐仲會附送飲品，有凍泰式檸檬茶/凍蜂蜜菊花露/熱青檸蜜，仲可以加錢叫其他特色飲品。試咗凍蜂蜜菊花露，唔會太甜消暑一流，而凍泰式奶茶茶味亦好香濃🥤連飲品都好高質！總括嚟講，好正嘅泰菜！💚💛推薦指數：🤩🤩🤩🤩🤩（5/5）💡 地址：大圍積信街31-51號安信樓地下Q號鋪