TERA (形點 I)

营业中

休息中

🐻元朗Yoho Mall係Pet friendly商場，🐻👩🏻🐻👨🏽成日會同隻肥仔🐱逛下，所以周不時留意有乜好西食，近排發現左一間日式西餐TERA，裝修走日本簡潔風，吸引到🐻👩🏻既目光，特別係佢主打班戟，好甜既🐻👩🏻真係忍唔到要入去食返餐。🐻坐低望下餐牌，好快就決定食乜，分別係安格斯手打牛肉漢堡同香煎紐西蘭肉眼配燒肉汁，配上餐湯粟米忌廉湯，粟米打成蓉，味道甜絲絲順滑口感，最緊要係熱度十足，飲完成個人暖笠笠。另外追加左杯烤杏仁拿鐵，杏仁香烤味，配上咖啡的苦澀味，醒腦提神。🐻安格斯手打牛肉漢堡，漢堡內的生菜蕃茄芝士麵包都係配襯，咬一啖漢堡肉，牛肉的肉汁爆發，滿滿的肉味散發，漢堡肉完完全全係主角，真係好有驚喜。🐻香煎紐西蘭肉眼配燒肉汁，煎到外皮微微焦脆，肉質依然保持嫩滑彈牙，沾上燒肉汁味道剛剛好。 🐻主角其實係開心果梳乎厘班戟，班戟充滿空氣感，口感綿滑，旁邊滿佈果仁，加上開心果醬，🐻👩🏻三扒兩撥就成個食哂。