Yo Roll (新文華中心) (已結業)

疫情下，除左工作以外。最主要嘅日常活動就係同買家交收同四圍搵好西食。但係而家夜晚有禁堂食。今日交收完都4:00。所以又喺尖東附近行吓睇吓有咩外賣可以買返屋企食。其實由火車站行去交收地點，已經見到呢間yo roll裝修非常吸引，而且仲會播住日文歌。成個氣氛就好似去咗日本咁。見佢陸陸續續都有食客喺門口度等。而且佢主打卷物。咁就決定買幾個卷返屋企同屋企人一齊開心share。忍者卷$78-入面包含黑松露蛋黃醬，牛油果，同軟殼蟹。蛋黃醬味道香濃，配合埋面頭大量嘅黑松露，加埋牛油果嘅香。非常惹味。武士卷$68-入面包含拖羅，紫蘇葉，蔥同埋黃蘿蔔。拖羅好新鮮。拖羅油香充斥着成個口。非常回味。富士卷$68-有木魚絲，鰻魚，牛油果同蔥等配料。呢個我大推。木魚絲加鰻魚。成個味道層次好豐富。總體嚟講。絕對值得推介大家。地點方便價錢唔貴。