由西貢碼頭行去WM酒店都好方便，慢慢行全平路10分鐘內行到。
平日冇乜人大把位，座位闊落坐得好舒服！
叫咗個 Weekday Afternoon Tea Set，有一碟雞翼薯條配5種醬、一個Pancake Combo (3件Soufflé Pancakes) & 2杯飲品。連加一$229。
食物全部都好食，只係醬入面嘅芝士嚟到都已「琼」咗做固體。另外美中不足係佢一次過上哂全部食物，我哋為咗個 Soufflé 唔好扁哂，就食食吓薯條就趕咗食Soufflé 先。不過我哋最後食完薯條，有位比較高級嘅staff話幫我哋換過啲餐具食甜品…er…我哋已經食完喇喎😅 佢仲好似好surprised咁。其實係咪可以食哂鹹先上個甜品畀我哋呢？
