影片
更多
2009-10-04
20 浏览
一年一度中秋飯, 舅父今年選址荃灣的V CUISINE.自從舅父的公司搬左去德士古道果邊, 佢就成日渣車去V CUISINE食飯, 話貪佢有FREE PAKING, 仲有COUPON送.舅父講到咁掂, 今餐真係”落足嘴頭”, 要食個夠本!!先上一個前菜: “芥末華多夫雞絲沙律”. 感覺係個汁有點點酸, 又有點點辣, 好開胃. 沙律用上的菜款式亦多, 係酒店或西餐廳會選用的蔬菜, 不是一般餐廳食到的生菜ONLY. 而且賣相吸引, 第一道菜已令人非常期待。之後有”手吊一品脆燒雞”.係唔係手吊無從稽考, 但皮脆肉嫩是真的. 燒雞一上桌已經好香, 味道係甜豉油的味道, 唔太甜又唔太咸, 剛剛好.接力是”威士忌金栗燴牛膝”.牛膝燴得夠腍, 帶有好微的酒香. 個汁餸飯VERY GOOD, 最細心係送埋紅酒兩杯, 同有枝吸管比你啜骨髓. 果然係食得唔好0徒! 另外要一提的就係栗子. 依家好少菜色會用上栗子做材料, 因為要煮到栗子熟得黎有少少脆身, 好似炒栗子既感覺, 很需要技巧. 連在坐廚藝最了得的舅母都讚D栗子好食, 咁…應該真係唔錯.其後再上的是”大杉斑兩食”, 一個炒球, 一個蒸頭腩.蒸魚可以
自從舅父的公司搬左去德士古道果邊, 佢就成日渣車去V CUISINE食飯, 話貪佢有FREE PAKING, 仲有COUPON送.
舅父講到咁掂, 今餐真係”落足嘴頭”, 要食個夠本!!
先上一個前菜: “芥末華多夫雞絲沙律”.
感覺係個汁有點點酸, 又有點點辣, 好開胃. 沙律用上的菜款式亦多, 係酒店或西餐廳會選用的蔬菜, 不是一般餐廳食到的生菜ONLY. 而且賣相吸引, 第一道菜已令人非常期待。
之後有”手吊一品脆燒雞”.
係唔係手吊無從稽考, 但皮脆肉嫩是真的. 燒雞一上桌已經好香, 味道係甜豉油的味道, 唔太甜又唔太咸, 剛剛好.
接力是”威士忌金栗燴牛膝”.
牛膝燴得夠腍, 帶有好微的酒香. 個汁餸飯VERY GOOD, 最細心係送埋紅酒兩杯, 同有枝吸管比你啜骨髓. 果然係食得唔好0徒! 另外要一提的就係栗子. 依家好少菜色會用上栗子做材料, 因為要煮到栗子熟得黎有少少脆身, 好似炒栗子既感覺, 很需要技巧. 連在坐廚藝最了得的舅母都讚D栗子好食, 咁…應該真係唔錯.
其後再上的是”大杉斑兩食”, 一個炒球, 一個蒸頭腩.
蒸魚可以食得出條魚有無魚味, 炒球則可試得出條魚新唔新鮮. 測試後結果係兩道菜都好有水準. 蒸頭腩用火適中, 條魚唔會太熟搞到鞋晒, 而且有魚味. 斑球非常爽口彈牙, 證明條魚好新鮮.
最後一道”紫心蕃薯莧菜”, 最能體驗何謂FUSION.
一盤紫色的菜, 唔係個個都接受到. 婆婆見到話好恐怖, 表弟妹卻非常興奮. 連我呢個平日不太喜歡食蕃薯既小薯仔, 都忍唔住要試下. 講唔出好食定唔好食… 其實同平時金銀蛋莧菜果D莧菜差唔多. 不過配金銀蛋係咸的, 配蕃薯就甜甜地, 幾特別咁啦!
最後仲有蕃薯糖水送. VERY NICE!
因為散叫, 舅父仲用埋平時飲茶儲落的$500 COUPON, 咁豐富的晚餐都係$500賣單, 抵到爛!!
张贴
