影片
更多
2022-10-24
349 浏览
Veggie Kingdom 係一間位於尖沙咀嘅新派創意素食中菜餐廳，佢哋嘅餐牌上面有好多特色嘅菜式，例如酸菜魚，素叉燒，松子魚等等，全部喺其他素食餐廳都比較少見，吸引左好多人嚟到試吓，平日嘅夜晚都座無虛席。今次就試咗以下呢啲菜式，全部都幾有有驚喜。🌱緻素坊片皮鴨平時最鍾意食片皮鴨嘅我都係第一次試素嘅版本，餐廳用咗豆類製品去模仿片皮鴨嘅香脆同埋肉感，配埋青瓜絲，蜜瓜，紅椒等等嘅蔬菜同埋唔少得嘅海鮮醬，食落同真嘅片皮鴨真係有幾分相似，甚至少咁一份邪惡感！🌱黑松露炒麵炒麵好夠鑊氣，麵炒得夠乾身，食落爽口彈牙。豉油同埋黑松露嘅比例啱啱好，食落鹹香，亦帶淡淡嘅黑松露味。🌱秘制酸菜魚酸菜魚嘅湯底非常惹味，入面加入左酸菜，薑，辣椒同埋花椒等材料，食落酸酸辣辣，帶少少麻，辣度啱啱好，唔會蓋過咗其他食材嘅味道。素酸菜魚嘅魚肉係用左杏鮑菇，其他配料包括左筍片，雲耳，腐皮同埋薯粉等等，全部都超掛湯，好味！🌱脆皮蘿蔔糕蘿蔔糕入面有一條條嘅蘿蔔絲，外層嘅炸皮做得恰到好處，食落酥脆香口，但唔會過厚。面頭加左酸甜嘅千島沙律醬，味道好夾，推薦大家可以試試！
🌱緻素坊片皮鴨
平時最鍾意食片皮鴨嘅我都係第一次試素嘅版本，餐廳用咗豆類製品去模仿片皮鴨嘅香脆同埋肉感，配埋青瓜絲，蜜瓜，紅椒等等嘅蔬菜同埋唔少得嘅海鮮醬，食落同真嘅片皮鴨真係有幾分相似，甚至少咁一份邪惡感！
🌱黑松露炒麵
炒麵好夠鑊氣，麵炒得夠乾身，食落爽口彈牙。豉油同埋黑松露嘅比例啱啱好，食落鹹香，亦帶淡淡嘅黑松露味。
🌱秘制酸菜魚
酸菜魚嘅湯底非常惹味，入面加入左酸菜，薑，辣椒同埋花椒等材料，食落酸酸辣辣，帶少少麻，辣度啱啱好，唔會蓋過咗其他食材嘅味道。素酸菜魚嘅魚肉係用左杏鮑菇，其他配料包括左筍片，雲耳，腐皮同埋薯粉等等，全部都超掛湯，好味！
🌱脆皮蘿蔔糕
蘿蔔糕入面有一條條嘅蘿蔔絲，外層嘅炸皮做得恰到好處，食落酥脆香口，但唔會過厚。面頭加左酸甜嘅千島沙律醬，味道好夾，推薦大家可以試試！
张贴
