影片
更多
2004-05-14
8 浏览
我都有同小黑貓相同的經歷……4月頭，我打電話到Allez Allez, 留左個message, 叫佢地覆我。第二日下午就有個女士打黎同我confirm booking, 我同佢講想book 間有露檯的房，佢好晦氣咁話，"我地間間房都去到露檯嫁喎！"，我心已經打左個突，唔通我睇錯左？好似得兩間房同露檯連住喎？咁好啦，跟住我又再同呢位女士講，可唔可以安排我坐房？點知佢用一個好串，好串態度話，"我依家答唔到你嫁喎，要你黎食個日先可以覆你喎，你知啦，，老實講，我地係要賺錢，可能到時你要坐聽嫁，咁啦，如果你無問題，下個星期出左menu, 你要先比deposit嫁！"我聽左依段說話，我真係好唔開心，重來未試過book位D人咁串，咁無禮貌，仲要係私房菜，which depends very much on 口碑，好失望，好失望……好唔想去…過左個多星期，呢位小姐又打黎啦，今次態度正常D，同我講menu已經出左啦，要比deposit之類，我今次已經唔敢再問佢可唔可以比房我，唔想又比人串……我覆佢email，話比佢知我要食D咩，跟住係email到"請求"佢此間房我坐，因同女友anniverasry，想食
4月頭，我打電話到Allez Allez, 留左個message, 叫佢地覆我。第二日下午就有個女士打黎同我confirm booking, 我同佢講想book 間有露檯的房，佢好晦氣咁話，"我地間間房都去到露檯嫁喎！"，我心已經打左個突，唔通我睇錯左？好似得兩間房同露檯連住喎？咁好啦，跟住我又再同呢位女士講，可唔可以安排我坐房？點知佢用一個好串，好串態度話，"我依家答唔到你嫁喎，要你黎食個日先可以覆你喎，你知啦，，老實講，我地係要賺錢，可能到時你要坐聽嫁，咁啦，如果你無問題，下個星期出左menu, 你要先比deposit嫁！"我聽左依段說話，我真係好唔開心，重來未試過book位D人咁串，咁無禮貌，仲要係私房菜，which depends very much on 口碑，好失望，好失望……好唔想去…過左個多星期，呢位小姐又打黎啦，今次態度正常D，同我講menu已經出左啦，要比deposit之類，我今次已經唔敢再問佢可唔可以比房我，唔想又比人串……我覆佢email，話比佢知我要食D咩，跟住係email到"請求"佢此間房我坐，因同女友anniverasry，想食得開心D，佢覆我email., 只話收到我D$，無話有無房比我………
到食飯當日，上到去，結果佢真係有間房比到我，detail 唔講啦，我覺得氣氛，食物，service 都係中上，$300係貴，但我覺得值得……好得意，上到去，個manager serve 我地，態度好到不得了，笑容滿面，好好service, 同一時間，我諗起打電話黎，態度好串個位，又好似係manager, 一間咁細私房菜，我諗唔會有兩個manager, 兩個都叫阿JOYCE 呀下？
我諗唔明，點解態度有咁大difference, 我真係想東主解釋一下………
唔計到好串阿JOYCE，我好鍾意呢間私房菜，個一晚我食得真係好開心，我會比90分，如果計埋態度好串電話阿JOYCE，overall 我只會比70分………我真係好希望你會改一下你D電話態度，如果好似你招呼人咁，有咁好態度就好啦，我6月尾會再打去book一次位，如果態度都係差，我一定會上黎講，同埋我一定唔會再去！！但如果態度好，我更加更加會上黎講多兩次添！！！我真係希望你地會改善！！
张贴