Le Viet

营业中

休息中

成日都出尖沙咀行街，特別係The One，個商場細細地但係好舒服又多嘢行！又多嘢食！行到攰攰地就可以搵間餐廳去食嘢！今次去左食吓越南野！因為唔係好肚餓所以都係叫啲小食！呢度啲座位好開陽，但係都好舒服同埋好闊落！一去到啲員工都好好禮貌去招呼你！我都算係好早食晚飯，大約六點鐘到，都有唔少人坐咗喺度食緊野啦！——————椰汁紅豆冰佢個椰汁好好飲，但係紅豆硬左少少，如果再林啲就更好味啦！——————火車頭酸辣鍋餐廳職員好細心，一上菜嘅時候就拎左兩個小碗俾你share食！佢個鍋入邊嘅餸真係生㗎！好似打邊爐咁慢慢煮熟佢！——————-印度薄餅我係一個勁鍾意食薄餅同埋麵包嘅人！呢個薄餅一上菜就好香好香！好脆好好食！——————香茅豬頸肉紙卷估唔到原來好大碟！