影片
更多
2021-06-21
59 浏览
今次相約朋友嚟到呢個站，咩站？「第三站」呀！是晚約咗食6點半, 人流未算最高峰，而一入到就見到有成個櫃嘅boardgames, 貫徹café有得食又有得玩既concept, 一於一陣同朋友玩返幾舖啦！ 整體環境同氣氛唔錯，每個位都闊落坐得舒服，光線柔和亦唔會令人刺眼。而且我比較欣賞佢室內有盆栽，感覺好green好自然，空氣好似會因為咁而新鮮啲！養生茶 – 神仙$56神仙入便主要有茉莉花，檸檬草，杞子同桂圓肉，而佢既功效最為吸引我，佢可以舒緩腸胃不適，頭暈， 月經脹痛同埋改善貧血。飲落帶有淡淡檸檬草香味， 細嚼過後更有茉莉花既韻味係口中，而可能因為一直有蠟燭保溫關係，香氣零舍突出，久久揮之不去。士多啤梨奶昔$52非常吸睛，店家出手毫不吝嗇。大大舊cream 放係眼前，極度適合忌廉愛好者。士多啤梨甜度適中，加咗奶成杯嘢mix得啱啱好亦唔會好稀。蟹肉雜菌忌廉闊條麵$108見到已經食慾大增，咪睇佢好似得隻碟大，但其實份量都唔細！闊條麵煮得啱啱好，唔會太多汁，整體唔錯。墨西哥香草肉丸$66個肉丸同個汁都幾夾，可能一開始對肉丸已經心心眼，所以就算份量同價錢唔太均等，都推介俾鍾意食香草味既朋友。蜜糖
今次相約朋友嚟到呢個站，咩站？「第三站」呀！
是晚約咗食6點半, 人流未算最高峰，而一入到就見到有成個櫃嘅boardgames, 貫徹café有得食又有得玩既concept, 一於一陣同朋友玩返幾舖啦！
整體環境同氣氛唔錯，每個位都闊落坐得舒服，光線柔和亦唔會令人刺眼。
而且我比較欣賞佢室內有盆栽，感覺好green好自然，空氣好似會因為咁而新鮮啲！
養生茶 – 神仙$56
神仙入便主要有茉莉花，檸檬草，杞子同桂圓肉，而佢既功效最為吸引我，佢可以舒緩腸胃不適，頭暈， 月經脹痛同埋改善貧血。
飲落帶有淡淡檸檬草香味， 細嚼過後更有茉莉花既韻味係口中，而可能因為一直有蠟燭保溫關係，香氣零舍突出，久久揮之不去。
士多啤梨奶昔$52
非常吸睛，店家出手毫不吝嗇。
大大舊cream 放係眼前，極度適合忌廉愛好者。
士多啤梨甜度適中，加咗奶成杯嘢mix得啱啱好亦唔會好稀。
蟹肉雜菌忌廉闊條麵$108
見到已經食慾大增，咪睇佢好似得隻碟大，但其實份量都唔細！
闊條麵煮得啱啱好，唔會太多汁，整體唔錯。
墨西哥香草肉丸$66
個肉丸同個汁都幾夾，可能一開始對肉丸已經心心眼，所以就算份量同價錢唔太均等，都推介俾鍾意食香草味既朋友。
蜜糖雞翼$52
雞翼一般予人平平無其，好容易煮既食物之一，當中蜜糖雞翼亦穩居頭3位內。但呢個雞翼俾到驚喜我，佢唔係個種個面好淋浸滿既蜜糖味，而係輕輕煎炸過但入面充滿住蜜糖既雞翼，非常入味，所以呢個雞翼絕對會encore!
松露薯條$56
薯條都幾大碗，炸得幾香脆，唔會好油。
而黑色一點點係松露，每條都沾有超多松露，鍾意食「gas」味既朋友唔好錯過。
店員見你食飽清碟後， 亦主動善意幫你執走碗碟，比你可以慢慢飲下野，傾下計，玩下boardgames。
整體嚟講，呢度真係一個唔錯既café好去處！得閒約下三五知己上嚟食嘢吹水玩下game，順便去調劑一下平時生活既苦悶同壓力！
张贴
