影片
更多
2017-01-20
454 浏览
龙虾不时听人讲呢间The Joomak，佢系间朝鲜酒幕，即韩式居酒屋，卖嘅都系比较新派嘅韩国菜。装修系近年流行嘅工业风，主要系木同水泥为主。农历新年将至，店入面亦不乏相关嘅布置。用灯泡砌成店名做墙上装饰，都几吸引。其中一组吊灯仲系由多个大灯泡组合而成，既富玩味又有型格。最入系一列大玻璃窗，璀璨嘅维港夜景尽入眼帘，听讲节庆日子时仲可以欣赏到烟花汇演。呢晚嚟系为咗试试餐厅近月推出嘅韩式火锅。无几耐侍应就将啲食物拎到嚟，气体炉同各式火锅料等等堆满咗两张双人台。韩参法国春鸡汤底，我曾经晌其他地方食过人参鸡汤，但从来无谂过可以用嚟当做火锅汤底。人参有补气血作用，趁天气转冷时食就啱啱好。汤底用鸡只、人参、红枣、杞子等等熬煮，先饮咗一啖，汤头有微微嘅人参香，红枣同杞子等等令佢更鲜甜，同埋无苦涩味，颇为讨好。法国春鸡嘅鸡壳入面酿咗红枣、栗子同糯米等等，鸡皮薄而无肥腻感，同埋吸收咗鸡汤嘅味道。听讲餐厅晌韩国引入咗顶级1++韩牛，原本我哋想叫韩牛拼盘，可惜当日食客太多所以卖晒，咁就试龙虾丰盛拼盘啦！虽然餐牌写呢个拼盘只系俾两个人享用，但系份量都几丰富。拼盘入面嘅龙虾对钳几大只，虾膏都算甘甜。大蚬食起嚟咸鲜
不时听人讲呢间The Joomak，佢系间朝鲜酒幕，即韩式居酒屋，卖嘅都系比较新派嘅韩国菜。
装修系近年流行嘅工业风，主要系木同水泥为主。
农历新年将至，店入面亦不乏相关嘅布置。
用灯泡砌成店名做墙上装饰，都几吸引。
其中一组吊灯仲系由多个大灯泡组合而成，既富玩味又有型格。
最入系一列大玻璃窗，璀璨嘅维港夜景尽入眼帘，听讲节庆日子时仲可以欣赏到烟花汇演。
呢晚嚟系为咗试试餐厅近月推出嘅韩式火锅。
韩式火锅
13 浏览
0 赞好
0 留言
韩参法国春鸡汤底
12 浏览
0 赞好
0 留言
韩参法国春鸡汤底
11 浏览
0 赞好
0 留言
韩参法国春鸡汤底
11 浏览
0 赞好
0 留言
龙虾丰盛拼盘
6 浏览
0 赞好
0 留言
虽然餐牌写呢个拼盘只系俾两个人享用，但系份量都几丰富。
拼盘入面嘅龙虾对钳几大只，虾膏都算甘甜。
大蚬食起嚟咸鲜，亦无任何沙粒。
特级美国肥牛、美国黑豚猪腩片，两者都系薄切，肥牛松化、猪腩片有少许膻香。
泡菜墨鱼滑、泡菜鲮鱼滑，打成起胶嘅鱼滑入面加咗泡菜，讲真晌外观上睇分别唔大，不过煮好之后细心咀嚼嘅话就会发现墨鱼滑比鲮鱼滑较爽弹，而鲮鱼滑就比起佢较有鱼香。
五蔬猪肉肠，调味唔浓又有咬口。然后系两款近年流行兼好高营养价值嘅蔬菜，冰菜表面布满含有液体嘅大型泡状细胞，令佢睇上嚟好似水珠咁，好得意，食落脆嫩可口。铺晌龙虾底下嘅羽衣甘蓝属十字花科蔬菜，同西兰花、椰菜等等属同类，叶嘅边缘呈波浪形、叶柄细长，我觉得口感有啲似西洋菜。
栗米、翠玉瓜、紫薯、南瓜，全部都系甜味为主嘅蔬果。
低脂豆结，即系平时食嘅腐皮，下面仲有大量切条大白菜，又再增加膳食纤维嘅摄取量喇！
我哋另外试咗啲散叫嘅配料同饮品，鱿鱼仔肉质鲜味，表现唔会比龙虾逊色。
土耳其苹果茶用苹果干同苹果肉冲泡，饮落系淡淡酸味。
韩姜菠萝雪沙嘅沙冰打得幼细，菠萝味比预期轻，姜味较为突出。食物质素唔错，饮品味道各有所好。拼盘入面有多款蔬菜，相对起嚟就健康一啲。汤底方面滋补之余，我食完都无口干或喉咙痛等等热气症状，感觉唔错。
张贴
