影片
更多
2010-07-12
77 浏览
11-7-2010Lunch 捉了朋友去了筲箕灣東大街, 自己卻無乜心水 不過記得上次嚟食糖水 (http://www.openrice.com/restaurant/commentdetail.htm?commentid=2090045) 路經呢間新開的西餐廳, 好似幾好坐, 是日仲要唔使等位, 又入嚟試試. 見環境及 lunch menu 都幾港式, 坐低時期望已不大, 可幸整體經歷亦無驚無險:-餐湯係雜菜湯 (?), 又稱「紅湯」...「雜菜」以紅蘿蔔及西芹為主, 份量不少, 不過湯底極酸, 仲要似「醋」嗰隻酸而非蕃茄 / 茄膏的酸香 (咦, 呢隻酸味好熟口面喎: http://www.openrice.com/restaurant/commentdetail.htm?commentid=2097173), 飲了幾啖立即將佢放埋一邊. 主食揀了「蟹肉煙三文魚天使麵」($48)... 忌廉汁夠味, 但黏如 hand cream Capellini 當然唔 al dente 啦, 但食落唔會腍 bad bad, 不過較乾又黐埋一團團的, 唔掂 ; 煙三文魚分「面頭嗰兩塊」及
Lunch 捉了朋友去了筲箕灣東大街, 自己卻無乜心水 不過記得上次嚟食糖水 (http://www.openrice.com/restaurant/commentdetail.htm?commentid=2090045) 路經呢間新開的西餐廳, 好似幾好坐, 是日仲要唔使等位, 又入嚟試試. 見環境及 lunch menu 都幾港式, 坐低時期望已不大, 可幸整體經歷亦無驚無險:-
餐湯係雜菜湯 (?), 又稱「紅湯」...「雜菜」以紅蘿蔔及西芹為主, 份量不少, 不過湯底極酸, 仲要似「醋」嗰隻酸而非蕃茄 / 茄膏的酸香 (咦, 呢隻酸味好熟口面喎: http://www.openrice.com/restaurant/commentdetail.htm?commentid=2097173), 飲了幾啖立即將佢放埋一邊.
主食揀了「蟹肉煙三文魚天使麵」($48)... 忌廉汁夠味, 但黏如 hand cream Capellini 當然唔 al dente 啦, 但食落唔會腍 bad bad, 不過較乾又黐埋一團團的, 唔掂 ; 煙三文魚分「面頭嗰兩塊」及「中間一粒粒」兩種, 後者較熟較嚡口, 不過兩者都係來貨吧, 食落夠味的; 而「蟹肉」就係碎濕濕的罐頭蟹肉, 不過份量不少亦食到蟹味, 40 幾蚊收貨有餘了.
朋友食煎鴨胸配白飯 (好似都係 $48)... 食了少少鴨胸, 鴨味十足, 不過肉較嚡較乾, 感覺亦唔知點解似廣式「燒鴨」多 d, 都幾搞笑.
連一人一杯凍檸茶, 每人埋單約 $50, 港式西餐嚟講佢唔算差, 嚟開呢頭一試無妨的 -- 不過山長水遠再嚟食過的話, no thanks!
张贴
