影片
更多
2011-01-03
76 浏览
2-1-2011幾年前返金鐘時呢度啱啱開業, 一直想 lunch 嚟試試, 幾年後的今日終於嚟了. 不過成份 set lunch 由 soup, main 至 coffee/tea, 竟然無一樣係真正滿意的, 朋友就直程食到黑晒面 , 係我哋期望過大, 還是佢真係唔掂?Welcoming snack 係兩件 sushi 樣的 smoked salmon risotto「球」, 食落冰冰涼涼, 不過印象除了「一團飯糊」之外係無其他, 三文魚同塊 herb 就係無味嘅. 麵包 (係咪叫 ciabatta?) 呈一條條狀, 用熱辣辣的「傾斜」「不倒杯」 盛載, 烘得外鬆脆內煙韌, 帶麵粉香, 完全唔使落檯面的橄欖油 + 陳醋, 就咁食已好好食. Minestrone 用玻璃 flask 盛載, presentation 不錯, 飲落亦夠晒熱, 不過味道太酸嗆太「茄膏」了吧, 質地杰杰的, 唔喜歡; 配料以黃色及綠色的 zucchini 為主, 除了增添咬口之外無其他 -- 鬼咩, 茄膏味咁搶 主食叫了 penne with lightly smoked tuna and rockets
2-1-2011
幾年前返金鐘時呢度啱啱開業, 一直想 lunch 嚟試試, 幾年後的今日終於嚟了. 不過成份 set lunch 由 soup, main 至 coffee/tea, 竟然無一樣係真正滿意的, 朋友就直程食到黑晒面 , 係我哋期望過大, 還是佢真係唔掂?
Welcoming snack 係兩件 sushi 樣的 smoked salmon risotto「球」, 食落冰冰涼涼, 不過印象除了「一團飯糊」之外係無其他, 三文魚同塊 herb 就係無味嘅.
麵包 (係咪叫 ciabatta?) 呈一條條狀, 用熱辣辣的「傾斜」「不倒杯」 盛載, 烘得外鬆脆內煙韌, 帶麵粉香, 完全唔使落檯面的橄欖油 + 陳醋, 就咁食已好好食.
Minestrone 用玻璃 flask 盛載, presentation 不錯, 飲落亦夠晒熱, 不過味道太酸嗆太「茄膏」了吧, 質地杰杰的, 唔喜歡; 配料以黃色及綠色的 zucchini 為主, 除了增添咬口之外無其他 -- 鬼咩, 茄膏味咁搶
主食叫了 penne with lightly smoked tuna and rockets ($110)... lightly smoked tuna 有點「溶溶爛爛」, 食落係 "lightly smoked" + "heavily salted", 幾香, 但好鹹, 感覺有點似 prosciutto Penne 煮得「掹車邊」的 al dente, 配上 grated cheese 及 lightly smoked tuna, 每一條都沾上了橄欖油, 食到底一樣幾多油, 都真係幾油 ; rockets 就可有可無.
朋友的好似叫 200g US prime grade steak ($130), 面頭堆滿篤眼篤鼻的紅椒絲 落單時 waitress 無問要幾成熟, 嚟到就變了薄如紙又 well-done 到阿媽都唔認得的一 "pat" 肉, 食落又乾又韌, 肉味欠奉, 仲似乎 season 都無 season 過, 比茶記薄牛扒更難吃 , 旁邊仲有 roasted potatoes, rockets 及唔知乜 cheese, 我無試, 不過見朋友將薯仔切開, 食兩啖後就立即自行狂落 table salt, 睇怕...
餐飲要了咖啡, 啡底幾「水」, 齋飲只覺苦澀而非濃郁, 落糖落奶後亦無幫助 (話時話, 其實 d 奶都好稀...), 飲了一半還是放棄.
仲有兩小片 dark chocolate 與 coffee/tea 同 serve, 食落唔甜, 但亦離奇地無朱古力味 , 只怪自己食得太多 Vivani 及朱古力魔朋友的 Willie's 黑朱古力了.
食物令人失望, waitress 態度亦又 cool 又有點寸, 可幸環境不錯, 星期日 lunch hour 得我哋一檯客, 包場一樣實在舒服.
連加一 $121, 朋友的就 $143, 無興趣再來了.
上嚟 Openrice 先知原來呢度係 Grappa's 旗下餐廳之一? 但點解人哋好食咁多嘅...
张贴
