KATANA by SAKEH (已結業)

以前蘇豪呢個位係開沙律舖，裝修後變成一間全白嘅居酒屋，所以係黑色調嘅soho區特別搶眼🤪 今日就同朋友一齊過嚟小酌怡情🍻居酒屋嘅重點當然係串燒🍢厚切牛脷芯 ($78)呢個幾有驚喜🥳食落去好厚身，所以個口感好爽，加埋芥末醬最惹味～免治牛肉棒($58)呢個咬落去仲會感覺到少少牛肉軟骨，口感好特別，而且加埋月見汁成個味道好濃厚🌙鹽燒牛橫隔膜($48)就正常發揮😛除咗牛肉串燒，其他燒物都唔錯，燒鳥組合 ($138)嘅雞肉燒得特別出色，外面燒到金黃色少少脆，雞蠔肉其實係雞髀嘅根部，鹽燒調味啱啱好，汁燒同柚子胡椒雞上脾肉都好出色，呢個都推介👍🏻 荔枝豬肉卷($32) 呢個都頗有驚喜😆荔枝好厚肉，而且清甜，食落去啱啱好中和咗豬腩嘅油膩，意想不到咁夾😛 冬菇($32)採用椎茸種，所以比較薄身，燒好之後有大量木魚碎係上面，食落唔會好寡～除咗嘢食梗係要啤啤佢，自己嗌嘅Suntory Premium Malt's Ale ($75)同朋友嗌嘅Asahi ($58)都夠凍🍻淨係食串燒又好似有啲寡，於是都嗌咗其他小食～黑豚青瓜沙律 ($78)黑豚肉夠肥美，啲青瓜好軟熟，撈埋蕃紅花幾有口感，加埋都清新得嚟唔會太寡