築地日本料理 (金百利廣場)

营业中

休息中

去開sogo 買嘢，食晏時間去到隔離嘅金佰利商場揾食。黎到餐廳大約13:45，多人但好彩仲有兩個人嘅位。🥘蒲燒鰻魚飯 $85鰻魚醃得好入味，醬汁甜甜地撈埋飯一齊食好開胃。🍛咖喱豬扒飯 $68大大塊嘅豬扒，外層香脆，肉質唔係「乾爭爭」嘅豬肉，仲有紅蘿蔔、蔬菜絲，感覺健康，配上微辣嘅咖喱汁，撈飯食一流。🧁築地甜品拼盤$48有布丁🍮、抹茶雪糕🍦、柚子味蛋糕🍰意大利蛋糕tiramisu 🍰 一共滿足晒四個願望。點餐後侍應就遞上綠茶和麵豉湯，服務快捷。餐廳價錢親民，生熟食物都有多款選擇，地點亦非常之方便。