柞木炭家

营业中

休息中

由於百貨公司做緊大特價，拎住一揪二能又唔想行咁遠，所以去咗對面食韓燒。餐廳裝修都幾零靜，坐得都幾闊落。帶位嘅侍應係台灣人，初頭聽唔明佢講啲乜，後尾諗返先醒起佢問我有冇訂枱。叫咗一個二人套餐+1隻醬油蟹同埋三杯嘢飲，牛肉質素好高。前菜嘅茄子做得好稔，加埋啲醬汁幾好味。橘子梳打。忌廉鮮奶梳打同埋檸檬茶，野飲味道偏甜，但係顏色都幾靚。醬油蟹如果同韓國嗰啲比，一定冇韓國嗰啲咁新鮮，但係啲肉都係實既，係啲蟹膏冇韓國嗰啲咁香，但係用嚟送飯都已經好好啦。有兩片牛肉燒烤完係用嚟做壽司嘅，入口即溶，好好味哦！仲有啲稀少部份嘅牛肉，肉質全部都係優良嘅，今餐雖然都叫幾貴，埋單要1400，但都係值得嘅，因為真係好味。蟹膏配白飯。配菜有好大樽泡菜，任你拎黎食。最後上菜嘅水冷麵，牛展整得好韌，由於大家都好飽嘅關係，所以食淨左好多，個人認為呢個麻麻哋，冇乜必要都唔好散叫啦。隨餐附送嘅甜品，十分之甜，呢個真係麻麻地，應該係韓國傳統的甜品嚟。我幾滿意今餐，因為環境都幾好，如果想食靚嘅牛肉可以黎依度食。