鼎王麻辣鍋 (The LOHAS) (已結業)

之前聽過朋友講依到嘅麻辣鍋非常正宗同好吃，而今天又閑來無事，就打算到品嘗一下。一進餐廳就被裏面嘅裝修所吸引到，佢係好傳統嘅中式設計，非常有格調，係一個打卡好地方。依到嘅鴛鴦鍋係鎮店之寶，而佢嘅質素都非常高，非常期待。湯底非常好，又辣又香，非常好味。佢裏面有一些鴨血同豆腐，鴨血非常Q彈，佢吸收左麻辣湯嘅精華。豆腐都係充分吸收左湯汁嘅美味，外表都好吸引。酸菜白肉鍋同樣好吃，酸菜就酸酸甜甜，而肉就肉質分明。點左梅花豬肉，從個擺盤方面就知道廚師們嘅認真，一卷卷嘅豬肉片令人好心動。係麻辣鍋裏面嘅肉片香氣撲鼻，而食入去，辣和香又再一次表現出來。係酸菜白肉鍋裏面嘅肉片同湯汁配合一起，都係幾好食。依個蝦滑啖啖都係爽口嘅蝦肉，同時都吸左湯汁，蝦嘅香味同酸辣都振奮人嘅味蕾，不過好快就食曬，令人好可惜。點左炙燒芝士球 ，係吃落去嘅時候，芝士汁會從裏面流出黎，有好香濃嘅芝士味，值得一試。