The Oyster House (已搬遷) 新店位置

想試呢間The oyster house好耐，個朋友成日講，嗱，今次我地去食啦，開心冇？好，坐低睇吓有咩好食先。逢星期一，二做特價99 seafood platter喎！Seafood platter，好抵食，兩隻超大大厚肉生蠔，新鮮又重海水味，仲有鮑魚爽口，一咬就開。Truffle mushroom soup，個黑松露味好重，菇味濃郁。Oyster Bisque，蠔湯幾有海鮮味道。蟹肉牛油果醬塔配黑魚子，黑魚子係口到爆炸，蟹肉一絲絲混合牛油果醬，creamy得黎又有咬口。西班牙黑毛豬肋條，香口肉味岀，肉質好有彈性。炭燒加拿大天然豬鞍，雖然厚切，食落肉質軟腍，grill得好香，裡面鎖汁。烤焗牛骨髓配燒汁意大利飯，牛骨髓嘅牛味融入飯粒，燒汁好黏，掛滿滿每粒飯。Tiramisu，最後仲有甜品，上面咖啡色香，裡面蛋糕和忌廉比例剛剛好，唔會過甜，仲有輕輕揮發岀黎既酒味。