麺屋武蔵 (已結業)

今日試到個限定沾麵，一日限50碗，係菇沾麵，相信唔係太多人鐘意食。先先係杯茶，茶味足夠，適合一陣用黎送濃味既沾麵。食麵之前先係叫左一個沙律，激讚！外表超級靚超級colourful，清楚見到唔同款既生果蔬菜。成個沙律有士多啤梨、南瓜、粟米、蓮藕等等。蓮藕、士多啤梨、南瓜絕對係加分位，因為士多啤梨夠甜夠新鮮令沙律提味不少。而蓮藕、南瓜炸到薄薄脆脆，口感頓時豐富左好多。沾麵湯底非常足料,超重木魚味！雖然係好濃，但唔會口渴，不過我稍嫌木魚味太濃，食唔出各種菇類既鮮味。