S2 鐵板燒 (已結業)

以前食中環的S2 Kitchen，就好想去佐敦再試佢嘅 ［S2 鐵板燒］， 今日去開附近， 就去試試吧！ 我哋叫咗兩個晚市套餐開心share 食，分別係《日本十勝黑豚肉北诲道松葉蟹 $ 450》 & 《海膽焗原隻龍蝦北海道帆立貝海鮮套餐 $780》。 《煙燻鴨胸沙律盛合杯》， 厚切鴨胸， 囗感更佳， 加咗麻醬， 味道增加不少。 再來一個《三點刺身》 ，包括有八爪魚、三文魚同牡丹蝦， 刺身十分鮮甜，三文魚肥美可口。 《北海道松葉蟹腳》 ， 肉質鮮甜。餐廳還提供手套同剪刀， 非常貼心！ 《香檳焗石蠔》， 味道鮮甜， 蠔味豐富。 主角係《日本十勝黑豚肉厚切配意大利黑醋》， 肥瘦適中，食落好juicy，味道香甜， 肉質柔軟，切成細細件， 方便享用！ 《鐵板海膽醬芝士焗原隻龍蝦》鐵板將海膽醬、芝士同龍蝦一齊焗， 味道溶於一體，不但有香濃芝士味， 而且有海膽嘅甘香，整個配搭， 真係十分好味， 愛不釋手。《北海道黑松露帆立貝》份量十分， 巨型嘅帆立貝， 鮮味可囗， 加了香噴噴嘅黑松露， 好味。《招牌脆皮煎鰻魚》外皮脆卜卜， 肉質嫩滑， 厚薄適中， 咬落脆囗彈牙， 啖啖肉好滿足炒飯炒得乾身， 好有鑊氣