日牛涮涮鍋專門店 (已結業)

我地7點10分去到拎飛, 個recept (男仔) 同我地講起碼8點先有位, 我問8點返黎左仲駛唔駛等, 佢話仲有可能要等多一陣~ 咁我地決定等~我地拎左張飛8號, 咁我地就去左行街... 7點40分返到去, 佢已經叫緊13號, 我地行埋去, 佢話過左5個號碼要重新拎過(新果張係21號飛), 我同佢理論, 佢明明自己開口話最快8點, 我地已經早左返, 佢就好串話d人早左賣單唔關佢事, 一句唔好意思都冇。我地先係岩岩夠5張飛(8+5 = 13?), 唔明白點解唔補枱俾我地...最後我地拎左21號飛, 等多半個鐘有多先有位...野食方面, 菜果d有好多選擇...烏冬都有2種, 有隻稻庭烏冬好滑~仲有個叫芝士魚腐丸, 幾好食...我地2個人叫左一個豆乳湯, 一個赤味增湯, 加湯果陣, 豆乳湯就加返豆乳湯底..但赤味增湯底只係加水... 有少少失望...(牛x 係加返味增湯的, 個豆乳湯亦係 牛x 香甜很多...)牛肉豬肉方面, 由於我地叫最平個價錢, 咁我地都冇咩要求...不過我地要左3碟牛肉, 有2碟都好"UN"...另外, 有d覺得驚喜係, 佢有Fro Yo + 4種Topping供應