影片
更多
2018-05-04
43 浏览
早幾日接阿媽收工，就係上環中環區食啲嘢，費事煮飯。餐廳唔係太大間，但係好有格調，容納到20人以下，主力好似做外賣咁。不過照我話齋都係一煮完即刻食係最正！餐牌上主力都係越南風味嘅河粉，亦都可以選擇檬粉或者湯檬。招牌Pho特別$96（生牛肉，牛腩片，牛脷，牛筋，牛柏葉，牛丸，扎肉，蘿蔔）呢個最多嘢食，乜都有齊，每一樣野都幾好食，生牛肉薄切比較清新；牛腩片非常入味而且好林，牛脷都係一樣，牛筋都係林到不得了，牛柏葉反而比較爽口彈牙，牛丸都係勁彈牙而且行咸香十足；扎肉就好特別啦，平時食啲扎肉都係一舊肉，呢舊扎肉裏面有好多一粒粒好爽口類似軟骨嘅物體，增加左口感，蘿蔔都係好入味又林甜。牛脷湯河＄76呢個就主力係食牛脷，其他嘢基本上一樣，我哋兩個share唔同材料食，豐富兩碗！叫咗啲煮食之後原來可以用優惠價錢食小食，我哋就試吓佢啲小食，因為10幾蚊實在太抵食。+$15 自家製雞肝醬蜜糖多士店員非常細心，因為知道我哋係兩個分享，所以將多士同埋雞肝醬整薄少少，咁就可以一人一塊唔使切開。雞肝醬鹹香十足，有我喜歡吃內臟的香味，而且當時有蜜糖中和左個鹹味。+$15 越式炸春卷春卷裏面好多材料，有肉碎同埋類似云耳
餐廳唔係太大間，但係好有格調，容納到20人以下，主力好似做外賣咁。不過照我話齋都係一煮完即刻食係最正！
餐牌上主力都係越南風味嘅河粉，亦都可以選擇檬粉或者湯檬。
招牌Pho特別$96
（生牛肉，牛腩片，牛脷，牛筋，牛柏葉，牛丸，扎肉，蘿蔔）
呢個最多嘢食，乜都有齊，每一樣野都幾好食，生牛肉薄切比較清新；牛腩片非常入味而且好林，牛脷都係一樣，牛筋都係林到不得了，牛柏葉反而比較爽口彈牙，牛丸都係勁彈牙而且行咸香十足；扎肉就好特別啦，平時食啲扎肉都係一舊肉，呢舊扎肉裏面有好多一粒粒好爽口類似軟骨嘅物體，增加左口感，蘿蔔都係好入味又林甜。
牛脷湯河＄76
呢個就主力係食牛脷，其他嘢基本上一樣，我哋兩個share唔同材料食，豐富兩碗！
叫咗啲煮食之後原來可以用優惠價錢食小食，我哋就試吓佢啲小食，因為10幾蚊實在太抵食。
+$15 自家製雞肝醬蜜糖多士
店員非常細心，因為知道我哋係兩個分享，所以將多士同埋雞肝醬整薄少少，咁就可以一人一塊唔使切開。雞肝醬鹹香十足，有我喜歡吃內臟的香味，而且當時有蜜糖中和左個鹹味。
+$15 越式炸春卷
春卷裏面好多材料，有肉碎同埋類似云耳蘿蔔等等，而且外皮非常香脆調味適中有口感。
越式燒豬肉$55 由於好想食燒烤物品，冇優惠到一樣叫咗呢個小食，呢個豬肉調味做得非常之好，而且燒烤嗰種香味係口腔裏爆發，而且裏面嘅肉質都好鮮嫩，令我好掛住食燒烤嘅感覺，吸引我係咁食食咗好多舊！
加＄15青檸梳打
青檸梳打除咗有青檸之外仲有薄荷葉，令到成個飲品更加清新。
加＄20越南咖啡
越南咖啡比較特別，要等佢上面嗰度滴晒落去先至成功可以飲用，本身係熱辣辣嘅，之後可以攪拌以及將飲品到落去啲冰度，先至叫做大功告成，不過我唔係太飲咖啡所以我都唔知好唔好味，但係我阿媽就話好正啊。
张贴
